Shine Vayala

02/11/2025

Shine Vayala

05/06/2025

കുട്ടിയുടെ പഠനം.. എങ്ങനെ.. എന്ത്. എവിടെ?

പേരെന്റ്സിനോട് 15 ചോദ്യങ്ങൾ.
---------------------------------------
പ്രതീക്ഷകളും ആകുലതകളും സമ്മർദത്തിൽ ആക്കുന്ന മിക്ക രക്ഷകർത്താക്കളും, കുട്ടിയുടെ ഭാവിക്കായി,
മികച്ച വിദ്യാഭ്യാസത്തിനായി കടം വാങ്ങിയും അല്ലാതെയും, കുട്ടിയുടെ നിർബന്ധത്തിന് വഴങ്ങിയും കുട്ടിയെ നിർബന്ധിച്ചും, പഠിക്കാൻ പറ്റാത്ത കോഴ്സിൽ അഡ്മിഷൻ എടുത്തു, കുട്ടിക്ക് സമ്മർദ്ദം വർധിപ്പിക്കുന്ന ഒരു കാലം ആണ്.

കുട്ടിയുടെ പഠന രീതി, അഭിരുചികൾ, താല്പര്യങ്ങൾ, വിഷയത്തിലെ അറിവ്, ഈ കോഴ്സ് പഠിക്കുന്നതിലൂടെ ഭാവിയിൽ കുട്ടിക്ക് ലഭിക്കുന്ന ജോലി, വരുമാനം എന്നിവയുമായി കുട്ടിക്ക് പൊരുത്തപ്പെടാൻ കഴിയുമോ പ്രതീക്ഷിക്കുന്ന ഒരു ജീവിതവിജയം കിട്ടുമോ എന്ന് പോലും ആലോചിക്കാതെ +2 കഴിഞ്ഞതുകൊണ്ട് മാത്രം കിട്ടുന്ന കോളേജിൽ കിട്ടുന്ന കോഴ്സ് ന് അഡ്മിഷൻ എടുക്കുന്ന മാതാപിതാക്കളെ നമുക്ക് കാണാൻ കഴിയും..

കുട്ടിയുടെ പഠനരീതിയുമായി പൊരുത്തപ്പെടാത്ത കോളേജ്, കോഴ്സ്, അധ്യാപകർ, വിഷയങ്ങൾ ഒക്കെ ആണെങ്കിൽ ആ കോഴ്സ് വിജയകരമായി പൂർത്തിയാക്കാൻ ബുദ്ധിമുട്ട് ആയിരിക്കും. പഠനത്തിൽ നിന്നും ശ്രദ്ധ മാറുകയും ഇതേബുദ്ധിമുട്ട് അനുഭവിക്കുന്ന കുട്ടികൾക്കൊപ്പം മറ്റു കൂട്ടുകെട്ടുകളിൽ പെട്ടുപോവുകയോ, കോഴ്സ് ഇടയ്ക്ക് വച്ചു നിർത്തേണ്ടി വന്നാൽ വീട്ടിൽ നിന്നുണ്ടാകാൻ സാധ്യത ഉള്ള സമ്മർദ്ദവും മറ്റും കൂടിച്ചേരുമ്പോൾ മാതാപിതാക്കളെ ബോധിപ്പിക്കാൻ വേണ്ടി മാത്രം പഠിക്കുന്ന കുട്ടികൾ ആയും മാറിയേക്കാം.. ചില കുട്ടികൾ എങ്കിലും അപകടകരം ആയ ശീലങ്ങൾ ഉള്ള മറ്റുകൂട്ടുകെട്ടുകളിൽ വഴിതെറ്റി കുടുംബം തന്നെ കഷ്ടപ്പെടുന്ന അവസ്ഥയിൽ എത്തിച്ചേരുന്ന വാർത്തകളും നമുക്ക് ഏറെ പരിചയം ഉണ്ട്..

കൂട്ടുകാർ പോകുന്നു, കോളേജ് പ്രശസ്തം ആണ്, ആ കോഴ്സ് പഠിക്കുന്നത് ഒരു അന്തസ് ആണ്, എനിക്ക് കഴിയാഞ്ഞത് കുട്ടിയിലൂടെ സാധിച്ചെടുക്കണം, എങ്ങനേലും പഠിച്ചിറങ്ങിയാൽ എവിടേലും കടത്തിവിടാം.. എന്നിങ്ങനെ ചിന്തിക്കാതിരിക്കുന്നത് മക്കളോടുള്ള കരുതൽ ആണ്. കുട്ടിയുടെ ഭാവി ആണ് നിങ്ങൾ പ്ലാൻ ചെയ്യുന്നത് എങ്കിൽ നിങ്ങൾക്ക് ആലോചിക്കാനും തീരുമാനം എടുക്കാനുമായി രക്ഷകർത്താക്കളോട് ചില ചോദ്യങ്ങൾ..

1. ഭാവിയിൽ കുട്ടിക്ക് സ്വന്തം കഴിവ് ഉപയോഗിച്ച് ചെയ്യാൻ പറ്റുന്ന ഇഷ്ടപ്പെട്ട ജോലികൾ ഏതൊക്കെ ആയിരിക്കും?

2.അതിനു ഏതൊക്കെ കോഴ്സുകൾ ആണ് കുട്ടിക്ക് അനുയോജ്യമാകുക?

3.അത്തരംകോഴ്സുകൾ കേരളത്തിൽ എവിടെയൊക്കെ ഉണ്ട്?

4.കേരളത്തിന്‌ പുറത്തും വിദേശത്തും എങ്ങനെ പഠിക്കാൻ കഴിയും?

5.രക്ഷകർത്താവിന്റെ സാമ്പത്തികം അനുസരിച്ചു എവിടെയൊക്കെ ആ കോഴ്സുകൾ പഠിക്കാൻ കഴിയും?

6.വിദ്യാഭ്യാസ ലോണുകൾ എത്രവരെ വേണ്ടി വരും?

7.ഈ സാമ്പത്തികം കൊണ്ട് വിദേശത്തു പഠിക്കാൻ കഴിയുമോ?

8.ചിലവ് കുറച്ച് ഗുണനിലവാരമുള്ള രീതിയിൽ പഠിക്കാൻ കഴിയുമോ?

9.സ്കോളർഷിപ്പുകൾ ലഭ്യമാണോ?

10.അതിനുള്ള നടപടക്രമങ്ങൾ എന്തൊക്കെ?

11.ഏതൊക്കെ കോഴ്സുകൾ/ജോലികൾ ആണ് കുട്ടിക്ക് അനുയോജ്യം അല്ലാത്തത്?

12.കുട്ടിയുടെ വ്യക്തിത്വം ഏതുതരത്തിൽ ഉള്ളതാണ്?

13.കുട്ടി എങ്ങനെയാണ് ഏത് രീതിയിൽ ആണ് പഠിക്കുന്നത്?

14.കുട്ടി പ്രശ്നങ്ങളിൽ തീരുമാനം എടുക്കുന്നത് ഏതു രീതിയിൽ ആണ്?

15.കുട്ടി കാര്യങ്ങൾ ഷെയർ ചെയ്യുന്നത് ഏത് രീതിയിൽ ആണ്?

അങ്ങനെ.. അങ്ങനെ ഒരുപാട് മാനങ്ങൾ ഉള്ളതാണ് കുട്ടിയുടെ വിദ്യാഭ്യാസം..

ഇത്തരം കാര്യങ്ങൾ ഏറെക്കുറെ കൃത്യമായും വ്യക്തമായും കണ്ടെത്താൻ കഴിയുന്ന സാങ്കേതിക വിദ്യകൾ ഇന്ന് ലഭ്യമാണ്. കൃത്രിമബുദ്ധിയുടെ (AI) സഹായത്തോടെ ഇതൊക്കെ വിലയിരുത്താൻ കഴിയും. കുട്ടിയെ 5 രീതികളിൽ (5Dimensional Assessment) വിലയിരുത്തൽ നടത്തി അനുയോജ്യമായ കോഴ്സ് തിരഞ്ഞെടുക്കാൻ നിങ്ങൾക്ക് കഴിയും..

മെഡിക്കൽ കോഴ്സുകൾക്ക് ഡിമാൻഡ് കൂടുതൽ ആയ ഈ കാലത്ത് പൊതുവെ ശ്രദ്ധിക്കപ്പെടാതെ പോകുന്ന ചില കാര്യങ്ങൾ ഉദാഹരണം ആയി ചേർക്കുന്നു..

മെഡിക്കൽ / പരാമെഡിക്കൽ കോഴ്സിന് പഠിക്കുന്ന കോളേജ് ന് സ്വന്തമായി മെഡിക്കൽ കോളേജ് ഉണ്ടോ..?

സ്പെഷ്യലിറ്റി ഹോസ്പിറ്റൽ അല്ലെങ്കിൽ സാധാരണ ഹോസ്പിറ്റൽ ആണോ?

ഇവയിൽ പഠിച്ചാൽ പഠനത്തിലും പ്രാക്ടിക്കലുകളിലും എന്ത് വ്യത്യാസങ്ങൾ?

വിദേശങ്ങളിൽ/സ്വദേശത്തു ജോലി ചെയ്യാൻ വേണ്ടുന്ന കഴിവുകൾ ഇപ്പൊ പഠിക്കുന്ന കോഴ്സിന്റെ ഭാഗമായി കുട്ടിക്ക് കിട്ടുമോ?

പിന്നീടുള്ള സാധ്യതകൾ അങ്ങനെ പലതും അഡ്മിഷന് മുൻപ് ഉറപ്പു വരുത്തേണ്ടതുണ്ട്..

എല്ലാ കുട്ടികളും അഡ്മിഷൻ എടുത്തു, കൂട്ടുകാർ അഡ്മിഷൻ എടുത്തു എങ്ങും അഡ്മിഷൻ കിട്ടാതെയാകും എന്നത് കൊണ്ട് അഡ്മിഷൻ എടുക്കാതിരിക്കുക.. ഏതെങ്കിലും കോളേജ് ന്റെ അഡ്മിഷൻ തരപ്പെടുത്തുകയല്ല വേണ്ടത്..

കുട്ടിക്ക് ഇഷ്ടമുള്ള കോഴ്സ് ഏതൊക്കെ കോളേജുകളിൽ, ഏതൊക്കെ സാമ്പത്തിക ചിലവിൽ എവിടെ എങ്ങനെയൊക്കെ പഠിക്കാം, എവിടെയൊക്കെ ജോലി സാധ്യതകൾ എന്നൊക്കെ അറിയാൻ ഉള്ള വിലയിരുത്തലിനും കരിയർ കൗൺസിലിംഗ് & ഗൈഡൻസ്നും contact ചെയ്യാം.

Mob: 079078 77801

Nb: ഏതെങ്കിലും കോളേജുകളെയോ കോഴ്സുകളെയോ മാത്രമായി പ്രത്യേകം പ്രോത്സാഹിപ്പിക്കുന്നില്ല.

17/04/2025

.D.M.A എന്ത്..?. അതിന്റെ അപകടം എന്ത്..?. ഒരു പ്രാവശ്യം ഉപയോഗിച്ചാൽ തന്നെ എങ്ങനെ അഡിക്റ്റ് ആകുന്നു..? തലച്ചോറിൽ ഉണ്ടാകുന്ന മാറ്റങ്ങൾ എന്ത്..? അത്തരക്കാർ എങ്ങനെ അപകടകാരികൾ ആകുന്നു?

നമ്മൾ പോലും അറിയാതെ നമ്മളിലേക്ക്, നമ്മുടെ പ്രിയപ്പെട്ടവരിലേക്ക് എങ്ങനെ എത്തിച്ചേരും..? സോഷ്യൽ മീഡിയയിൽ നിന്നും ലഭിച്ച വീഡിയോ ആണ്..

Video courtesy®RakhiTalks

21/12/2024

നിങ്ങളുടെ കുട്ടിയെ 5ലെവൽ വിലയിരുത്തലുകളിലൂടെ കരിയർ സുരക്ഷിതമാക്കാൻ സാധിക്കും.. 5D-സൈക്കോമെട്രിക് assesment കുട്ടിയുടെ വിവിധ കഴിവുകൾ താല്പര്യങ്ങൾ സാദ്ധ്യതകൾ കണ്ടെത്തുന്നു. കുട്ടിക്ക് അനുയോജ്യമായ, ചെയ്യാൻ കഴിയുന്ന വിജയിപ്പിക്കാൻ കഴിയുന്ന കോഴ്സ് ജോലികൾ എന്നിവ കണ്ടെത്തി 6മാസത്തോളം അസിസ്റ്റൻസ് നൽകുന്നു..

വിശദവിവരങ്ങൾക്ക് മെസ്സേജ് Career Counselor on WhatsApp.

https://wa.me/917907877801

02/07/2024

Crypto ഇൻവെസ്റ്റ്മെന്റ് സ്കാമുകൾ..
(ക്രിപ്റ്റോകറൻസികൾ ഭാഗം 11)
=======================
ക്രിപ്റ്റോ P2P ഇടപാടുകളിലെ അപകട സാദ്ധ്യതകൾ -
ക്രിപ്റ്റോറൻസികൾ ഭാഗം 10 വായിക്കുവാൻ

https://www.facebook.com/100076177961372/posts/286249717257625/?app=fbl

സാമ്പത്തിക മേഖലയിൽ നിക്ഷേപകരുടെ വിശ്വാസ്യതയും നിക്ഷേപവും ആണ് കമ്പനികളുടെ ആസ്തി. സാമ്പത്തിക കാര്യങ്ങൾ ആയതുകൊണ്ട് തന്നെ RBI യുടെ അംഗീകാരവും നിയന്ത്രണവും ഇല്ലാതെ ഒരു കമ്പനിക്കും എക്സ്ചേഞ്ച്കൾക്കും ഇന്ത്യയിൽ പ്രവർത്തിക്കുവാൻ കഴിയില്ല. അങ്ങനെ ഉള്ള കമ്പനികളിൽ നിക്ഷേപിച്ചാൽ മാത്രമേ നിങ്ങളുടെ നിങ്ങളുടെ നിക്ഷേപം സുരക്ഷിതം ആയിരിക്കുകയുള്ളു.

ഇന്ത്യയിലെ Crypto എക്സ്ചേഞ്ച്കൾക്കും നിക്ഷേപ സംവിധാനങ്ങൾക്കും ഇത് ബാധകം ആണ്. അല്ലെങ്കിൽ മറ്റു മാർഗങ്ങളിലൂടെ വിദേശ എക്സ്ചേഞ്ച്കളിൽ P2P വഴിയോ ഒക്കെ നിക്ഷേപിക്കുന്നതിന് അതിന്റെതായ സുരക്ഷിതത്വ കുറവ് ഉണ്ട്.. നിങ്ങളുടെ ആസ്തിയെ (INR₹) നിങ്ങൾ USDT ആക്കി മാറ്റുകയും centralised exchange / decentralized ആയിട്ടുള്ള wallet കളിൽ സൂക്ഷിക്കുകയോ മറ്റു ക്രിപ്റ്റോകൾ ആക്കി സൂക്ഷിക്കുകയോ ചെയ്യാം. ഇന്ത്യൻ സാമ്പത്തിക നിയമ നിയന്ത്രണങ്ങൾ അനുസരിച്ചു പ്രവർത്തിക്കുന്ന എക്സ്ചേഞ്ച്കളും അല്ലാതെ ഉള്ളവയും ഉണ്ട്.

ക്രിപ്റ്റോ ഇൻവെസ്റ്റ്മെന്റ് ചതിക്കുഴികൾ..

പെട്ടന്ന് സാമ്പത്തിക വളർച്ച നേടുക എന്നത് നിക്ഷേപകരിൽ സാധാരണ ഉണ്ടാകുന്ന ആഗ്രഹം ആണ്.. Share മാർക്കറ്റ് നെക്കാൾ റിസ്ക് കൂടിയ crypto മേഖലയിൽ Blockchain സാധ്യതകളെക്കുറിച്ചു അടിസ്ഥാന അറിവുകൾ നേടാതെ എത്തുന്നത് വലിയ സാമ്പത്തിക നഷ്ടം വരുത്തിവച്ചേക്കും.

ബാങ്ക് അക്കൗണ്ടുകളിലേക്ക് INR ട്രാൻസ്ഫർ ചെയ്യുന്നത് പോലെ എളുപ്പം ആണ് Crypto അക്കൗണ്ട് കളിലേക്കു usdt / crypto ട്രാൻസ്ഫർ. പക്ഷെ തിരിച്ചെടുക്കുവാൻ മാർഗം ഇല്ല. ബാങ്ക് അക്കൗണ്ടിലേക്ക് INR ട്രാൻസ്ഫർ ആണേൽ ബാങ്ക്, നിയമം, RBI ഒക്കെ വിചാരിച്ചാൽ തിരികെ കിട്ടാൻ സാധ്യത ഉണ്ട്. എന്നാൽ crypto യിൽ ഈ സാധ്യത കുറവാണ്. നിങ്ങളുടെ Crypto ആസ്തിയുടെ പൂർണ ഉത്തരവാദിത്തം നിങ്ങൾക്ക് മാത്രം ആണ്. Blockchain നോ exchange നോ ഇൻവെസ്റ്റ്മെന്റ് വാങ്ങുന്ന ക്രിപ്റ്റോ കമ്പനിക്കോ ഉത്തരവാദിത്തം ഉണ്ടാകില്ല. ഈ സാധ്യത ആണ് തട്ടിപ്പുകാർ പ്രയോജനപ്പെടുത്തുന്നത്. ആരെങ്കിലും പറയുന്ന ഒരു crypto അഡ്രെസ്സ് ലേക്ക്, അവരുടെ സ്കീം ലും screen shot, സ്ക്രീൻ recording എന്നിവയിലും വിശ്വസിച്ചു, അമിത ലാഭം കിട്ടും എന്ന് കരുതി നിങ്ങൾ USDT നിക്ഷേപിച്ചു എന്ന് കരുതുക.. ചെറിയ ലാഭം ആദ്യം തന്നേക്കാം. കൂടുതൽ നിക്ഷേപിക്കും.. കാശ് പോകും.. ആരെയെങ്കിലും റെഫർ ചെയ്താൽ ആ ഉത്തരവാദിത്തം നിങ്ങൾക്ക് മാത്രം ആണ്.

ശ്രദ്ധിക്കുക

1. ആ കമ്പനിക്ക് ഇന്ത്യയിൽ അംഗീകാരം ഉണ്ടോ?
രേഖകൾ ആവശ്യപ്പെടുക. കമ്പനി രജിസ്റ്റർ ചെയ്യാൻ ആധാർ, പാൻകാർഡ് ഒക്കെ ആവശ്യമല്ലേ?

2. എത്രവർഷം ആയി പ്രവർത്തിക്കുന്നു..?
Audit statement ആവശ്യപ്പെടുക? പ്രവർത്തന റിപ്പോർട്ട്‌ വാങ്ങുക.

3. ബോർഡ് ഓഫ് ഡയറക്ടർസ് ഡീറ്റെയിൽസ്, അവരുടെ സോഷ്യൽ മീഡിയ ഹാൻഡ്‌ൽസ്, കോൺടാക്ട് നമ്പേഴ്സ് തുടങ്ങിയ വിവരങ്ങൾ ആവശ്യപ്പെടാം.

4. വിദേശ കമ്പനി ആയിരിക്കും മിക്കവയും. ഇന്റർനെറ്റ്‌ ൽ മാത്രം പ്രവർത്തിക്കുന്നത്.
ഒരു വെബ്സൈറ്റ് ഉണ്ടാക്കാനും അതിൽ എന്ത് കൃത്രിമ തെളിവ് ഉണ്ടാക്കാനും വലിയ ബുദ്ധിമുട്ട് ഇല്ല

5. വാട്സാപ്പ് / ടെലിഗ്രാം ൽ ആയിരിക്കും നിങ്ങളെ കോൺടാക്ട് ചെയ്യുന്നത്. നിങ്ങൾ ആവശ്യപ്പെടാതെ ഒരു ഇൻവെസ്റ്റ്മെന്റ് ഗ്രൂപ്പിൽ add ചെയ്യും. അവിടെ investment, profit withdrawals എന്നിവയുടെ screenshot ന്റെ ചാറ്റ് മാത്രം കാണാം.
ഫോറിൻ കമ്പനി ആണേലും ഇന്ത്യൻ ആളുകൾ ആയിരിക്കും 99% നിക്ഷേപകർ

6. ഒരു പരിചയവും ഇല്ലാത്ത കുറേ ആളുകൾ screenshot ഒക്കെ ഇട്ടു ലാഭം കിട്ടിയ കണക്കുകൾ ആയിരിക്കും കൂടുതൽ. അതിൽ ഏതെങ്കിലും wallet ൽ കുറേ usdt ബാലൻസ്.

7. കമ്പനിയുടെ ആളുകൾ AMA (Ask Me Anything) സെഷൻ ചെയ്യില്ല. Google മീറ്റ്, Zoom meet promote ചെയ്യില്ല. Only screen shot & website details. വെബ്സൈറ്റ് നോക്കിയാൽ തന്നെ സ്റ്റാൻഡേർഡ് മനസിലാകും. ചുമതലക്കാരുടെ ലിസ്റ്റ് കാണും. പക്ഷെ ഡീറ്റെയിൽസ് കാണില്ല.

8. ലൈവ് ആയി Profit withdrawal കാണിക്കില്ല. കൂടിപ്പോയാൽ Trust wallet / Metamask or വേറെ ഏതെങ്കിലും crypto wallet ൽ കിടക്കുന്ന asset കാണിക്കും. അതിൽ കാര്യമില്ല എന്നറിയുക. ഫോട്ടോ ഉണ്ടാക്കാൻ വലിയ ബുദ്ധിമുട്ട് ഒന്നും ഇല്ല.

9.നിങ്ങൾ ഗ്രൂപ്പിൽ question ചെയ്തു നോക്കുക. (മെസ്സേജ് ഉടൻ delete ആകും.. Inbox ൽ ചാറ്റ്നായി ഒരു scammer വരും. ന്യായീകരണം കിട്ടും. കോപ്പി പേസ്റ്റ് ലിങ്ക് screenshot അവിടെയും കിട്ടും.)
But legit ആയ ഉത്തരം കിട്ടില്ല
10. മിക്ക ഗ്രൂപ്പിലും ഒരു Madam or Sir ഉണ്ടാകും. Question, doubts ചോദിച്ചു chat ചെയ്താൽ നിങ്ങളുടെ വിവരം വിദ്യാഭ്യാസം ഒക്കെ ബോധ്യപ്പെടുത്തണം. But വിശ്വസനീയമായ ഒരു രേഖയും കിട്ടില്ല.. കുറച്ചു കഴിഞ്ഞു നിങ്ങളെ ചീത്തയും വിളിച്ചു block ആക്കി പോകും..

11. നിങ്ങൾക്ക് msg അയക്കുന്ന ആൾ ഇന്ത്യൻ ആയിരിക്കും. കുറേ സാങ്കേതിക പദങ്ങൾ ഉപയോഗിക്കും. (നിങ്ങൾ ആ ആളിന്റെ ആധാർ, pancard, ഐഡി, google ലൊക്കേഷൻ, social മീഡിയ, ഫോൺ നമ്പർ ഒക്കെ ഒന്ന് ചോദിച്ചാൽ തീരുന്ന കാര്യങ്ങളെ ഉള്ളു) മോശം ഭാഷയിൽ നിങ്ങളോട് സംസാരിക്കാനും സാധ്യത ഉണ്ട്.

12. സാമ്പത്തിക ഇടപാടുകൾ നിയമനുസൃതം നടത്തുക. നിശ്ചിത പരിധിക്കു മുകളിൽ ആദായനികുതി അടയ്‌ക്കേണ്ടത് നിയമപരമായ ബാധ്യത ആണ്. അതു ഷെയർ മാർക്കറ്റ് ആയാലും Crypto മാർക്കറ്റ് ആയാലും..

13. Crypto ഒരു ഡിജിറ്റൽ അസറ്റ് ആണ്. സ്കാം അല്ല. ഷെയർ മാർക്കറ്റ് ൽ സ്കാം കമ്പനികൾ ഉള്ളതുപോലെ ക്രിപ്ടോയുടെ പേരിൽ 1000കണക്കിന് ഇൻവെസ്റ്റ്മെന്റ് സ്കാം പ്രൊജക്റ്റ്‌കൾ ഉണ്ട്.. 1000 കണക്കിന് ആളുകൾക്ക് ലക്ഷക്കണക്കിനു usdt നഷ്ടപ്പെടുന്നുണ്ട്..

14. ക്രിപ്ട്ടോകൾ ബ്ലോക്ക്ചെയിനിൽ സ്മാർട്ട്കോൺട്രാക്ട് കൾ ഉപയോഗിച്ചാണ് സൃഷ്ടിക്കപ്പെടുന്നത്. അവ ആരുടേയും നിയന്ത്രണത്തിൽ അല്ല. (Controlled ബ്ലോക്ക്ചെയിനിൽ നിയന്ത്രിക്കപ്പെടുന്നവയും ഉണ്ട്)
ഒരു ബ്ലോക്ക്‌ചെയിനും റെഫറൽ ബോണസ് നൽകില്ല.

15. ഏതെങ്കിലും ഒരു exchange / ക്രിപ്ടോയും അതിൽമാത്രം ഇൻവെസ്റ്റ്‌ ചെയ്യാൻ പ്രേരിപ്പിച്ചു വരുന്നവരെയും സൂക്ഷിക്കുക.
അതു പ്രമുഖ യൂട്യൂബർ ആയാലും influencer ആയാലും. അവരോടും മുൻപറഞ്ഞ ചില ചോദ്യങ്ങൾ ചോദിക്കുക. കാശ് നഷ്ടം അയാൽ നിങ്ങൾക്ക് ഉത്തരവാദിത്തം എടുക്കാമോ എന്ന് തന്നെ ചോദിക്കുക..

ഒരാൾക്ക് 30-50 or 100 usdt ആയിരിക്കാം.. 2000 - 3000 ഒക്കെ വരുന്ന അംഗങ്ങളിൽ 50-100 വീതം ഒരു 500 പേര് ഇട്ടാൽ അവരുടെ ലക്ഷ്യം ആയി.. ഗ്രൂപ്പും promote ചെയ്തവരും ഉണ്ടാകില്ല.. ഇങ്ങനെ 1000 കണക്കിന് ടെലിഗ്രാം വാട്സ്ആപ് ഗ്രൂപ്പുകൾ ഉണ്ടെങ്കിൽ.. എപ്പോ വേണമെങ്കിലും ഗ്രൂപ്പും വെബ്സൈറ്റ് ഉം നിങ്ങളുടെ കാശും അപ്രത്യക്ഷം ആകാം. അബദ്ധം പറ്റിയ ശേഷം "ക്രിപ്റ്റോ അതു ഫുൾ ഉടായിപ്പ് ആണ്" എന്ന് പറഞ്ഞു ആശ്വസിക്കാം. ക്രിപ്റ്റോകൾ ബ്ലോക്ക്‌ചെയിൻ ടെക്‌നോലോജിയുടെ ഒരു usecase ആണ്. ചില രാജ്യങ്ങളിൽ ലീഗൽ ടെൻഡർ (ഒഫീഷ്യൽ കറൻസി) ആയി ക്രിപ്ട്ടോകൾ ഉപയോഗിക്കുന്നുണ്ട്..

അന്വേഷിക്കുക..
പഠിക്കുക..

Do your own research..

19/11/2023

ബ്ലോക്ക്ചെയിൻ, ക്രിപ്റ്റോകറൻസി, ബിറ്റ്കോയിൻ, മുതലായവയെ കുറിച്ചു ഫ്രീ ആയി രജിസ്റ്റർ ചെയ്തു പഠിക്കാൻ പറ്റുന്ന കോഴ്സ് ആണ്. പരമാവധി പ്രയോജനപ്പെടുത്തുക..

Udemy is an online learning and teaching marketplace with over 213,000 courses and 62 million students. Learn programming, marketing, data science and more.

29/08/2023