09/02/2025
✅️صدّيق : (يا ماما في المدرسة أدونا project إنو كل زول يعمل presentation عن بلد معين وانا اخترت كندا)🫣
✅️أنا : (كندا دي شنو هسا ما كان تختار السودان) ؟😕
✅️صديق : I don't know...most people in my class don't even know there's a country called Sudan , beside when I look in Google it's only war!
⭕️(أغلب الناس في فصلي ما عارفين في بلد إسمو السودان أساسا ولمن أشوف صور في قوقل بتكون عن الحرب بس )⭕️
الحوار البسيط ده مع صدّيق ولدي ( 10 سنوات ) السنة الفاتت كان بداية الفكرة.
فكرة أخدت مني سنة كاملة من الإلتزام المتقطع أكيد 😅 لحد ما قدرت أحولها لى كتاب بيشبه كتب الأطفال البيلاقوها في المكتبات عن أى شي في العالم إبتداء من الحلزونة إنتهاء بالفضاء لكن مافي حاجة عن السودان.
كنت متخيلة الإنجاز إني خلصت 🙃
لكن الإنجاز الحقيقي إنو أخيرا الليلة الكتاب إتقبل على موقع أمازون😍
بعد كمية تعديلات من طرفهم لمن في لحظة قربت أقنع من القصة دي وأنساها تماما.
الحمدلله أمس أخيرا رسلوا لى إنو تم النشر 🥳
إنجاز رغم إنو بسيط لكن فرحت شديد وأحلى review سمعتو من الأولاد
Wow...I thought sudan is only sand 😂
والأحلي إنهم متحمسين يشيلوه المدرسة عشان يورو اصحابهم إنو ماما عملت ده وإنو في بلد إسمو السودان 🥰💕
الكتاب عبارة عن Activity book...فيه معلومات مقدمة بصورة مبسطة وحلوة عن جغرافيا السودان والمناطق المميزة فيه ، الثروات القومية والمعالم المعمارية من مباني وآثار .
وكمان فيه أنشطة زي البحث عن الكلمات word search , والتلوين🔥🔥
✅️الكتاب باللغة الإنجليزية ومتوفر على موقع أمازون على اللينك ده 👇
This activity book is a delightful journey into the rich resources, landmarks and history of Sudan. Packed with engaging activities such as word searches, coloring pages , puzzles and fun facts ,it introduces children to the wonders of Sudan in an interactive and educational way. perfect for pare...
