Emmmmm Music Ukulele Studio

26/08/2026

開完工，幾夜都有人陪食飯！😬😬

佢地話 ⭐️有粥食粥、有飯食飯⭐️
大家健康快樂就好！❤️😍

可以跟自己喜歡嘅伙伴一起，食乜都覺得幸福！🎸😎✌🏼

下次去食煲仔飯！😝😝

#有粥食粥有飯食飯 #宵夜 #開足工要食宵夜 #元州邨

26/08/2026

❤️冠軍級老師任教❤️

如果你好想試下用一個非常簡單又有趣嘅樂器（Ukulele) 去學音樂，哩個課程應該幫到你。😍👍

⭐️擬定開課日期：2026年9月第二個星期三（根據經驗，切勿等到9月開課前一星期才whatsapp問，一般都會滿額，有興趣嘅可先whatsapp查詢，簡單輕鬆，從不強逼報名。）⭐️

Jason 老師教學經驗超過十年，人品謙厚友善，更擁有天賦的彈奏技巧，所以深得各國大師的愛戴，很早年不斷透過交流及學習，在大師的無私分享吓，他的彈奏可說是集大成，近幾年更在各個城市的大型比賽中奪得冠軍，而他教導的學生，不論兒童或成人都在很多大賽中獲獎，所以，Jason 老師是少數能彈能教的人才。🙏👍

這個課程除了以彈唱技巧為基礎，亦會教授大家關於獨奏的技巧，非常適合會花一些時間做練習的同學，如果時間啱、價錢啱，請不要錯過！❤️🙏

🎊🎊🎊近課程資訊🎊🎊🎊

星期：逢星期三 (預算9月中前開課）
時間：6:30-7:30pm
地點：旺角店（內有親人貓店長，入內需要脫鞋）- 旺角地鐵站E2出口直上2分鐘路程
收費：$1040/8堂（之後每月按星期數量收費，平均$130一堂）
報名：直接whatsapp 98890829 (因經常外出教學，不方便接聽電話查詢，請whatsapp留訊息，謝謝諒解）

每星期都有過百人跟我們一起上課，重展音樂人生，非常愉快，你不要等啦，快快加入！😍👏👏

#退休課程 #長者課程 #成人班 #香港夏威夷小結他總會 #香港夏威夷小結他

24/08/2026

⭐️比人鬧 - Part 2⭐️

上回講到因為啲班滿咗而被報唔到名嘅查詢者鬧... 佢話：『而家係唔係我問乜嘢班你都話Full? 即係叫我唔洗再等？』

咁經我一輪解釋，auntie都覺得我講大話，咁然後我就幫佢搵咗將軍澳有開ukulele班嘅同業（連所店）... Auntie再鬧：『又無長者班，又貴你地一倍！』（我心諗，你都知我地又平又好，鬧得輕手啲啦 pls!) 😩

咁我又再幫Auntie search TKO有無長者中心有開Ukulele班，諗住Cap Screen比佢當係暫時解決咗先啦...

點知...

連 AI searching engine 都 refer 返將軍澳嘅客人搵我地【香港夏威夷小結他總會】😂😂！！！

咁呢... 為咗唔再刺激哩位auntie... 我就無再講嘢啦！😅😅

你話我地係唔係終於迎來光景？！連AI 都覺得我地18區都有份！😂

多謝大家，auntie 已經無再出聲啦，我地暫時休息下！😘👍

#香港夏威夷小結他 #退休課程

23/08/2026

來到我地嘅第三代啦，都係咁叻叻！
真係好感動！❤️
叻嘅學生都要遇到好嘅伯樂先可以好好發揮！
Jason 老師絕對係上天給有心用Ukulele學音樂嘅小朋友嘅伯樂！👏👏🙏
Charlotte 返香港我地要大拆一餐！最多我請客啦！😝

😍😍 Charlotte得到全國亞軍😍😍

呀！！！！

我連片都未睇，真係剛剛收到通知，一定要跟大家分享喜悅！👏❤️❤️

Charlotte 好叻女呀！返嚟要請佢食大量嘅零食先得！😝😝👏👏

全個Emmmmm Music 都睇住charlotte大，好攪笑！😂😂

#開心 #第一次參加比賽 真係教音樂架 #多謝家長嘅信任 #有無獎都無所謂 #最緊要小朋友快樂

22/08/2026

⭐️幸運是我⭐️

估唔到過咗生日都仲可以一齊跟團員慶祝！好多謝大家！🥹🥹❤️

我話過，每年不論早啲啲 or 遲少少，都要跟高青（尤其是第一代耆樂班）嘅同學一齊慶祝。我仲喺內面搵到個同我同月同日生日嘅Lorrie，真係好榮幸！😘❤️

生日月能夠同一班我最愛嘅團友貢獻社區，一起用Ukulele送暖，真係好開心好開心！🥳🎸

明年入五，諗住細細地攪返場大壽，唔知大家又賞唔賞面一齊出席呢？😚😚

我知道你地快樂係因為好愛我，所以... 我由好怕人地同我慶祝... 都變到非常珍惜每一次嘅生日聚會，也開始非常接受大家嘅愛戴了，乜都無所謂，最緊要大家都開心又身體健康！Love You All ❤️🙇🏻🙏😘

21/08/2026

🌝比人鬧🌝

做咗十幾年...
人生終迎來光景...😂

終於因為啲班 Full 咗，查詢者報唔到名而發炆鬧我啦！😝

我都好努力出新班架啦，出到一個地步我都開始懷疑人生！你問我仲可唔可以開新班？
可以，仲可以攝多三、四個time slot嘅！

但... 我開班好大程度係因為我enjoy教班，唔係因為嗰$70（雖然我未富有到可以上岸）！

所以，如果大家報唔切班唔緊要，我將會出有系統的留位system，會主動聯絡有留位嘅朋友，一有新班就可以主動通知你，等你盡量唔好錯過報名！👍🎸

另外就係，請你盡量將我地嘅專頁訊息設定成為 "接收"，咁就會收到第一手訊息！

無論如何，我地都好感恩，多謝你地嘅支持及欣賞，我地會繼續努力，繼續改善我地服務！比啲時間我地！❤️😘💪🏼

#退休課程 #銀髮族課程

19/08/2026

雖然已經 "立秋"...🍂🍂
秋風起，Jason 肥！🌚
不過... 雨季同埋風季都仲未散去🫠🫠

我地派唔到冷帽架啦，你地死心啦！但我地會派... 襪！🧦😘

之前見到我地嘅學生攀山涉水都嚟上堂⛈💦☔️，然後成腳都濕晒，罨住咗！我真係唔忍心，喺偉大嘅拼多多買咗即棄嘅襪子，大家有需要可以隨便用，最緊要上課時整個人要舒舒服服！❤️👏

記得，佢只係即棄襪，質地真係無投訴，我試咗非常好，你著完唔洗還比我嘅，著返屋企啦！😂🙏

感謝我地學生多年嘅愛，因為你愛，所以我們也懂得愛！愛是互動，不用擔心來到TUS 來到 Emmmmm Music 你嘅愛係單向，我地喺心裡面有本好厚嘅 "小戲簿" (唔係小氣 or 小器），本簿唔係記低你嘅惡行😂，係寫低你地嘅溫暖舉動，然後我地會用唔同方法回報比大家。😇

唔知大家有無感受到呢？哩個世界就係要多一點愛！😉😘

#退休課程 #香港小結他店 #香港小結他

17/08/2026

近來學生多，今期收到一位優質，樣子甜美，眼睛圓又大... 坐姿標準嘅美女學生！
😍😍😍

真係好正！

努力再開多啲班吸引優質嘅學生先得！😂👍👏👏

#喬裝學生 #監督大家 #長者課程 #退休課程

11/08/2026

❤️多謝伙伙豬❤️

哩排真係開多咗好多班，學生多咗幾十人，尋日又再加開一班，我地嘅 "知客部經理" 伙伙店長好落力地招呼新同學，佢會伸個頭仔逐個逐個比新同學摸，真係好好笑！😂

招呼新同學之餘，佢都無忽略過舊學生... 由朝到晚... 7:30pm嘅舊生班，佢比同學摸完之後，終於都頂唔順... 瞓到失控，成個小BB咁攤直瞓！😂😂

伙伙真係sweet boy 嚟架，佢真係會去招呼人，喺佢世界，人類跟佢係同類，佢好喜歡被摸頭頭，喜歡有人跟佢打招呼。😘

確實係我個仔呀，做事投入又充滿熱誠好似我咁！我地兩個教完一日班返到屋企就做"癱妃" 🤣🤣

當初改伙伙個名做 "聲伙"，就係因為我地一直用好聲音做大家嘅伙伴，伙伙亦都有貫徹我哋嘅宗旨，上課時候好好咁陪伴大家，多謝你哋對我哋成Team人包括貓店長sssss 嘅愛，好溫暖，好感動！我地會繼續為大家服務！😘❤️❤️👏👏

#長者課程

10/08/2026

多謝大家❤️❤️👏👏

昨天的一百人試玩活動，完滿完成！✅

多謝我地嘅團員，彈出好音樂，又協作整好個set up，所有參加者都睇得到你地嘅熱情同埋專業
多謝我地學員，將活動share比親友
多謝場地伙伴 - 展覽集團，資源有限但仍為大家提供咁舒適嘅地方
多謝康樂及文化事務署
多謝Jason、Sophia & Daisy

最後多謝我自己，努力用生命感動生命，讓小結他得以普及開去，讓更多同頻人走在一起。

非常感激大家的愛戴，有你地嘅同行，我地會繼續快樂的走每一步。😍🎸✌🏼

下次 8月29日 星期六 4:00pm 大埔海濱公園露天廣場見！😘👍

#香港夏威夷小結他總會