31/03/2022
📚 "პირველი სხივი" უნივერსიტეტის ტრადიციული ჟურნალია, რომლის პირველი ნომერი 1950 წელს გამოვიდა.
📌მისი დაარსების ინიციატივა უნივერსიტეტის მაშინდელ რექტორს, აკადემიკოს ნიკო კეცხოველს ეკუთვნის. ალმანახში არაერთი ცნობილი ქართველი მწერლის დებიუტი შედგა და ის დღესაც ახალგაზრდა მწერალთა წახალისებას და მათი შემოქმედების საზოგადოებისთვის წარდგენას ემსახურება.
გარკვეული მიზეზების გამო, 2004 წელს ჟურნალის გამოცემა შეწყდა. მისი აღდგენის ინიციატორი თსუ-ს რექტორი გიორგი შარვაშიძეა, რედაქტორი კი_ამავე უნივერსიტეტის პროფესორი, პოეტი და მთარგმნელი_გიორგი ლობჟანიძე.
ჩვიდმეტწლიანი პაუზის შემდეგ აღდგენილ "პირველ სხივში" სხვადასხვა თაობის 50-მდე ავტორის შემოქმედებაა გაერთიანებული.
გარდა ორიგინალური პროზისა და პოეზიისა, ჟურნალში დაბეჭდილია თარგმანები; ცალკე რუბრიკა ეძღვნება დრამატურგიას, ლიტერატურათმცოდნეობასა და კრიტიკას; რუბრიკაში_"მასტერკლასი"_ახალგაზრდა მწერლებს საშუალება ექნებათ, გაეცნონ როგორც უცხოელი, ისე თანამედროვე ქართველი ავტორების შეხედულებას წერის ხელოვნებაზე და ეზიარონ მათ გამოცდილებას ამ საქმეში.
ჟურნალის ღირებულებაა 29 ლარი.
"პირველი სხივის" ყიდვა შესაძლებელია ჩვენს მაღაზიაში, მისამართზე: თბილისი, ი.ჭავჭავაძის #1, თსუ I კორპუსი.
