10/07/2026
✨დ ე დ ი ს ფ ე ნ ო მ ე ნ ი✨
(🌺სასაჩუქრე წიგნი დედებისათვის!🌺)
🌟ღვთის შეწევნით, წმიდა მამა გაბრიელის მადლითა და შემოქმედელი მიტროპოლიტი იოესების ლოცვა-კურთხევით კიდევ ერთი ახალი(დიდი ხნის ნანატრი) წიგნი გამოიცა.
🌟წიგნი, უპირველესად, ეძღვნება მთელი სამყაროს უტკბილეს დედას, ყოვლადწმიდა ღვთისმშობელს, ასევე ჩვენს დედებს და დედობის მადლს დანატრულ ყველა ქალბატონსა და მომავალ დედას.🌷
💫ბუნებრივია, წიგნში თავმოყრილი ლექსები, მოთხრობები, ამონარიდები და დედის თემაზე მიძღვნილი სხვა არაერთი შემეცნებითი მნიშვნელობის მასალა, იწყება დედა ღვთისმშობლის სადიდებლით და მთავრდება ღვთისმშობლის ცხოვრებითა და მიძინების შემდგომი გამოცხადებებით, სასწაულებითა და კურნებებით. ასევე, ღვთისმშობლის წილხვდომილობის დღესასწაულის დაარსებისა და მის მნიშვნელობასთან დაკავშირებით საქართველოს საპატრიარქოს ოფიციალური განცხადებით (12. 05. 2019).
ბოლო რამდენიმე გვერდი კი, ეთმობა დედების სამადლობელს. . . . . . . . . . . . . . . . . . . .
🌹დედის ფენომენი ათას ტომეულშიც ვერ აისახება და ვერც ჩამოყალიბდება სრულყოფილად. ღვთის განგებულების შემდეგ, ალბათ ესაა ყველაზე მეტად შეუცნობელი და მიუწვდომელი. გარდა ეროვნული ცნობიერების ამაღლებისა და ყოვლადწმიდა ღვთისმშობლის წილხვდომილობის უფრო მეტად გააზრებისა, წინამდებარე წიგნის ერთ-ერთი მთავარი მიზანია: სიცოცხლეშივე კიდევ უფრო მეტად დავაფასოთ და მოვეფეროთ ჩვენს დედებს, განსაკუთრებული მზრუნველობით კი მოხუცებს, უძლურებასა და სნეულებაში მყოფთ. უნდა გვახსოვდეს, რომ ასეთ დროს ჩვენი პატარა უყურადღებობით, გულსატკენი სიტყვითა და საქციელით, ჩვენ თვითონ ვუმძიმებთ და ვუსწრაფებთ მათ დარჩენილ სიცოცხლეს. დედის გარდაცვალება ისედაც ძალიან მძიმეა და ამას არ უნდა ემატებოდეს მსგავსი გახსენებებით გამოწვეული კიდევ მეტი სევდა და ტკივილი.
🌟P. S. მაგარ ყდაში ჩასმული ილუსტრირებული წიგნი დიდი ფორმატისაა და მაღალი პოლიგრაფიული დონითაა დაბეჭდილი 80-გრამიან უმაღლესი ხარისხის ქაღალდზე. ზომა: 64.4 x 27.7 სმ. სისქე- 4 სმ, გვერდების რაოდენობა- 432
🌹წიგნს საჩუქრად მოყვება ყოვლადწმიდა ღვთისმშობლის ხატი, სადაც ღვთისმშობელი აკვანში მყოფ თავის ყრმა იესოს უგალობს ,, ნენანას," იგივე ,, იავნანას."
✨ამჟამად, შეზღუდული ტირაჟიდან გამომდინარე, წიგნები შერჩევით განაწილდება ეკლესიებსა და საეკლესიო მაღაზიებში.🌟🌸🌷🌷🌹
