23/09/2022
. . .
დედათა შორის კურთხეულო, მზეო მარიამ!
შენი სიწმინდის,კაბის კალთის რწმენით დავდივარ.
ყველა დედაში,დედობრივი შენი მადლია,
ანთებულ სანთლებს ვევედრები დილაადრიან-
გვიცავდე მუდამ,დედისა და შვილის მფარველო,
დედა-შვილობის სიყვარულში ვინ შეგედრება.
დედავ ღვთისაო,დარდისა და ცრემლის მნახველო,
ისმინე ყველა დაჩოქილი დედის ვედრება!
შენ ზეციერო დედოფალო,დიდო იმედო,
სიკეთის მფენი კაბის კალთა გადმოგვაფარე.
თავდახრით ვდგავარ შენი გულის წმინდა კარებთან,
დამლოცე დედავ,ღვთისმშობელო და შემიფარე!
ია ნანეიშვილი
