28/12/2024
პირველ რიგში დიდი მადლობა ამ საოცარი პლატფორმის შექმნისთვის https://happyeuyear.ge და თითოეულ ადამინს მხარდაჭერისთვის!
და რა თქმა უნდა მადლობა Marketer.ge 💗
პროფესიით დიზაინერ-მოდელიორი ვარ. წლების განმავლობაში ვეძებდი ჩემს ნამდვილ მოწოდებას, სანამ ერთ დღესაც თოჯინების შექმნამ არ მომხიბლა და ჩემი ცხოვრების განუყოფელ ნაწილად არ იქცა.
თითოეული თოჯინის შექმნა ნამდვილი ხელოვნებაა. ეს პროცესი საკმაოდ შრომატევადია, რადგან ყველა დეტალი ხელით იქმნება და შეუძლებელია ზუსტად იგივე თოჯინის ხელმეორედ შექმნა. განსაკუთრებით მახარებს, როდესაც ვხედავ, თუ როგორ პოულობენ ადამიანები თავიანთ თავს ან საყვარელ ადამიანებს ჩემს თოჯინებში და როგორ უჩნდებათ მათთან ემოციური კავშირი.
საახალწლო პერიოდი ჩემთვის განსაკუთრებით საყვარელია. ჩემი თოჯინები ამ დროს განსაკუთრებულად მოთხოვნადია, რაც პირდაპირ აისახება გაყიდვებზე.
თოჯინების შექმნა ხანგრძლივი და შრომატევადი პროცესია, ამიტომ საახალწლო სეზონისთვის მზადებას თვეების წინ ვიწყებ. როგორც ონლაინ პლატფორმაზე მომუშავე სტარტაპისთვის, საახალწლო ბაზრობა ჩემთვის უნიკალური შესაძლებლობაა - წელიწადში ერთხელ ვახერხებ ჩემი ნამუშევრების ფართო აუდიტორიისთვის რეალურ გარემოში ჩვენებას, რაც მნიშვნელოვნად ზრდის გაყიდვებს. სწორედ ამიტომ, საახალწლო ბაზრობაზე უარის თქმა პრაქტიკულად საახალწლო გაყიდვების უდიდესი ნაწილის დაკარგვას ნიშნავს.
მარინა ნაზარიანი, Mara’s Lab
ბოლო პერიოდში ქვეყანაში მიმდინარე მოვლენებთან დაკავშირებით ასეულობით მეწარმემ, სოლიდარობის ნიშნად, უარი განაცხადა საშობაო ბაზარში მონაწილეობაზე.
მათი მხარდაჭერისთვის კი შეიქმნა ონლაინ პლატფორმა Happy EU Year (www.happyeuyear.ge), სადაც ნებისმიერ მსურველს შეუძლია, კატეგორიების მიხედვით, მარტივად მოიძიოს საახალწლო საჩუქრები საყვარელი ადამიანებისთვის და ამავდროულად მხარდაჭერა გამოუცხადოს ამ მეწარმეებს.