24/05/2022
有一段時間冇喺專頁更新，因為英國嘅生活已經全面回復正常。AWesome Life 同人亦忙於我們的日常工作，正因如此，連自己屋企嘅雜務亦擺埋一邊好耐，今日啱啱搵番啲水電氣單出嚟整理，有一驚人發現，我家過去半年嘅水費單竟然盛惠£987😱😱😱（圖一），即每個月超過£150！！！有冇搞錯？！如是乎馬上致電供應商了解，他們第一個回覆係，“應該冇錯喎，我哋係專人嚟抄錶嘅，唔係估算。會唔會係你哋屋企曾經有過漏水情況？或者有廁所沖水系統有問題以至不斷漏水？”
一言驚醒之下令我諗起2個月前我家嘅電子花灑系統出現了漏水問題，搞咗個幾月先整番好。但，明明當時漏水嘅情況唔算好嚴重，居然額外漏咗我£600走？😓😓😓 （對上2次嘅半年帳單分別係£390 同£300）（圖二&三）
於是向Customer Service 解釋可能係呢個問題導致，CS同事同我講如果因為漏水導致額外嘅水費係可以向佢哋Claim Allowance嘅，即多出嚟嘅差價可以退番比你唔洗交 🥰🥰🥰
好開心之際亦馬上開始填寫 Leak Allowance Form , 填到呢部份（圖四）問題就出嚟！ 佢要我提供三個時期嘅Meter readings, 分別係1. 發現漏水時 2. 當漏水問題解決時 及 3.問題解決後2星期 嚟到呢度我當堂企咗喺度！漏水嘅時候完全唔知道係需要記錄Meter readings用嚟 Claim Leak Allowance !!! 😭😭😭
同CS解釋我冇記錄Meter readings 嘅原因，但CS亦無奈回覆冇readings 係唔可以Claim Allowance 嘅，唯有黯然收線。。。。。
突然之間。。。心血來潮出去睇下個水錶，赫然發現，供應商有人抄錯錶！！！對番張單，上面寫住 Previous reading 2345, Latest reading 2737（17/5） , 用咗392m3 ，但我今天嘅reading 係2482（圖五）☀️☀️☀️，一天都光晒,同量跟對上2次帳單相若 !
經一事、蔡一智！
- 日後有漏水情況記得mark低3個Meter readings
- 問題有好多時都係人為錯誤，小心🤣🤣🤣
