Amri sofien

29/07/2022

26/11/2021

22/11/2021

الشاحنة الفرنسية peugeot404. بموديل و تصور جديد ❤️❤️❤️

21/11/2021

خوذ المرآ وانشد على ماضيها
إختار لين تلقى الباهية وازيها
ما تاخذ الشكــــماطة
ولا تاخــذ اللي في الخبـر لقاطه
ولاتاخذ اللي طايشه فرماطه
ولاتاخـذ اللي فكرها عامـيها
ولاتاخذ اللي فيالعرب خلاطه
ماتاخذ الدرويشـــــه
ولاتاخـذ اللي راكبتها طــيشه
تدير سوق وتبسل عليك العيشه
قليلة حســب شيطانها مالـيها
تبدى العيلة دايرتها في شـيشه
تحــكم وما يحكمـش والي فيها
ماتاخذ المـــــرخية
ولا تاخذ اللي مقبــحه مدعيه
ياولدي كانك تشاور فيا
خوذ مــرآ تفهم كلامك ليها
إختار زوجتك وإنشد على البيتيه
إختار بنت سمحه عاقلة ورزينه
تصبر وماتسمــعش منها نينه
ولا يوم من هو قال عـيب عليها
دلال كسب مالك والملامح زينه
بيت عز عز الضيف وين يجيها
ما تاخـــــذ الوحــايه
وما تاخـذ اللي بايـره قـوقايه
ولا تاخذ اللي ناقصتها ربايه
تعطي أسرارك كان وقضت بيها
نوصيك ماتخلط على الدعايه
دعاء من دعاء راهو يعود عليها
ما تاخــــذ القـــوباعه
وماتاخـذ اللي في العرب قطاعه
خوذ بنت ديما لكلمتك منطاعه
زيـن وفلاحه خالـقي عاطيها
قبلك تنوض الفجر زي الساعة
صبح الفرح تصبح صباحك فيها
رباية عز ماهي في ناسها وجاعه
طـيبة خيم الغير ما يطريها
ماتاخـــذ المرعوشــــه
ولا تاخذ اللي طايشه مطفوشه
كل يوم تصبح معاك في دوشـه
ظهر أسرارك للعرب تعطيها
خوذ بنت خرخوطه نظيفه طوشه
زين وفلاحـه فعل من عاليها
خوذ بنت ليك كســـــوبه
اختار لين تلقى العاقلة المدوبه
خوذ بنت زينه في جيلها محسوبه
تلبي الطلب من حين تشبح فيها
دور على الخيســــوعه
خوذ المليحه الواكدة المردوعة
انشد على منسل على دعدوعه
اللي تطلبه في الوصف تلقى فيها
نوصيك ماتخلط على القيبوعه
تسبــب مشاكلها وتحصل فيها
خوذ بنت زهــــوة بالك
وانشـــد عليها لين يعطوهالك
اختار لين تلقى جيبها بحلالك
#لمبحبح