18/11/2025
Seenaa gabaabduu Kuushii fi Oromoo tana obsaan dubbisaa.
Ummanni Oromoo Ummata Hortee Kuush akka tahe beekkamaadha. Kuush beekuun keenya Hortee Kush tahuu keenya beekuu qofa osoo hin tahin seenaa gaafa Afrikaa guutuu beekuuf nu gargaara. Kanaaf Kuush Eessa akka jiraachaa turee fi akkamitti caphee beekuuniis barbaachisaadha. San malee Ol'antummaa Gaafa Afrikaa kanarratti qabaachaa turee fi Lafti Kuush hanga Eeysaatti ? Yaada ja'uus baruuf nuuf tumsa.
Sababniin Seenaa tana xiqqo barreeysuu barbaadeef Lafti Kush jiraachaa ture sun amma Lafa teenya jachuufiimiti. Ka'umsa hedda laatinsa Oromoo akka eeysaa akka ka'e gad-fageenyaan hubannuufi Horteen Kuush gaaga'ama Mootummaa hamaa Mootummaa Kuush rra gaherraa dandamttee jiraachuu akka hubannuufi. San malees Ummanni Oromoo kan Hortee Kuush tahe Seenaa bara dheeraa Gaafa Afrikaa kanatti akka qabu ragaa nuuf bahuu isaati.
Mootummaan Kuush / Kingdom of Kush / jachuun beekkamu Gaafa Afrikaa kanatti Mootummaa Guddaa Humna jabduu qabdu turte. Ummata Qaroo fi Lafa balloo qabu ture. Qubsumtii isaa Biyya amma Masrii jachuun beekkamtu, Suudaanii fi Itoophiyaa hanga galaana Diimaatti dhaabbatti. Kaartaan Lafaa Seenaa tana ragaa baati. akka Seenaan ibsutti Biiyti teenya tani ar'a Itoophiyaa jedhamtu tanaas Kingidamii Aksum kan gara lixaatiin jiru malee namni biroo irra hin turre.
Mootummaan Masriitiis hanga Kuufaatiin Mootummaa Kuush Irra geessee Ummata Nubiyaa kan Naannoo Kerma jiraatuun walitti hin makaminitti, Magaalaa guddittii Mootummaa tan " Fustat " jedhamtu bakka amma Cairo jedhamtu tana hundeefatee ture. Akka Seenaan ibsutti Magaalaan guddattiin Mootummaa Kuush tan jalqabaa " Kerma " jedhamti. Magaalaan tun Biyya Masrii keessatti arkamti. Akkasumaas ammallee maquma kanaan beekkamti.
Yeroo sanitti Ummanni Arabaa kan Masrii kun waa xiqqo qofaatu jira. Afaan Arabaa Naannoo Sinnaay/ Sinna'i/ fi Gammoojjii gara Bahaa keessatti xiqqo dubbatama malee hin jiru. Afaan guutuun Kingdamii Kush keessatti dubbatamu
