Abbaa Coqorsoo

02/02/2026

Gamna fi Gowa:

Namicha gowwaa tokkotu mukarra taa’ee qirixxeedhaan damee mataa isaa jala jiru kuta. Gamna: "Obbolee, damee kanarraa gadi kufta, hin kutin!" jedheen. Gowwichi garuu hin dhageenye. Akkuma kutee xumureen dameen gadi kufee gowwichis lafa dhaa’ame. Gowwichi ka’ee fiigee gamnichaan akkas jedhe: "Ati raagaa guddaadha! Kufaatii koo waan beekteef, yoom akkan du'u naaf himi!"

27/01/2026

Gorsa "Dallaa Hin Diigamin"
​Daa'imman keenya, isin firii boriiti. Akka mukti jabaatee lafa qabatuuf, hundeen isaa gad fageenyaan lafa lixuu qaba. Isiniis jabaachuuf kanneen armaan gadii hubadhaa:

​Afaan Keessan Kabajaa: "Afaan kiyya damma kiyya" jedhaa. Namni afaan isaa wallaale, eenyummaa isaa gatee jira. Akka waan mi'aawaa dammaatti afaan keessan jaalladhaa, sirriitti itti dubbadhaa.

​Mammaaksa Hin Dagatinaa:

Mammaaksi "Dubbii fixuuf ykn dubbii fiduuf" gargaara. Hiika mammaassota keenyaa baradhaa; isaan keessa ogummaa fi falaasama abbootii keenyaatu jira.

​Oduu Durii Dhaggeeffadhaa:

Oduun durii tapha qofa miti. Isaan keessa barumsa gootummaa, dhugaa dubbachuu, fi hammeenya irraa fagaachuutu jira. Akka waan durii sanatti "Taba" fi "Seenaa" keessan qomatti qabadhaa.

​Safeeffannaa fi Naamusni :

Akka aadaa keenyaatti maanguddoo kabajuun, dhugaa dubbachuun, fi waliif yaaduun utubaa jireenyaati. "Kabajni jiruudha" kan jedhamu san hin irraanfatinaa.

24/01/2026

Hiyyeessa fi Sooressa
Sooressi tokko hiyyeessa tokkoon, "Maaliif qullaa kee deemta?" jedhee gaafannaan, hiyyeessi sunis deebisee, "Waaqayyo guyyaa tokko uffata naaf kenna jedheen eeggachaa jira," jedhe. Sooressichis, "Hamma inni siif kennutti kootii koo kana uffadhu," jedheen. Hiyyeessichis, "Lakkii, ati ergaa Waaqayyoo ta'uu kee maaltu beeka?" jedhee dide jedhama.

06/06/2025

Hordoftooni amantaa Islamaa hundi baga Ayyaana Iid Al-adahaa bara 1446ffaa nagaan geessan.Warra barana kan eegeerre nuf haa ta'u.

28/05/2025

17/05/2025

Rakkoo keenya garmalee yaaduu irraa fagaachuu kan qabnu maaliifi?

Garmalee yaaduun sammuu keenya dhama’uu qofa osoo hin taane, waan hamaa uumuu fi dandeettii rakkoo furuu keenya hir’isa.

Jireenya keessatti rakkoon yeroo nu muddaatu hundatti, yeroo baayʼee garmalee yaaduu jalqabna. Waan hamaa ta’uu danda’u ni yaadda’a, haala yaadame uumna, sammuu keenya keessattis rakkoo kana caalu maddisiifna. Garmalee yaaduun nu dadhabsiisa, sammuu keenyas laaffisee rakkoolee nu muddaatan furuu nu dadhaabsiisa.

Yeroo rakkoon si mudatu, dandeettii furmaata argachuu qabdutti amani. Amantiin yaada gaarii uuma, sammuu keenya carraa haaraaf bana, qormaanni akka to’atamuu fi yeroo hunda mo’achuu akka danda’u akka hubannu nu gargaara.



hunda

17/05/2025

Ati kam irraattii ofii madaalta?

11/05/2025

Haadha manaa fi abbaa manaatu dabareedhaan qaama dhiqatu turan. Guyyaa tokko haati manaa dursitee dhiqattee abbaan warraa ishee dabaree isaa dhiqachuuf seene. Gidduudhaan ulaan rukutamnaan haati manaa dalga marxifattee ulaa banuuf deemte. Yeroo isheen bantu miiltoo hojii abbaa warraa isheeti. "Abbaa manaa kee barbaadeen ture" jedheen.
"Qaama dhiqachaa jira" yeroo isheen jettuun, akka nama ofirra deebi'ee deemuuf jedhuu achi deemee of duuba gara galee, "Harma kee natti agarsiisi qarshii 100n sif kennaa" jedhee gaafate. Isheenis xiqqoo akka yaaduu taatee, "Ilaaluu qofaa?" Jetteen. "Eeyyeen" jedhee deebisaaf. Adda bantee itti agarsiiste. Qarshii 100 kenneefii ammas akka nama gara dhufetti adeemuuf yaadee fuula naanneffatee of duuba deebi'ee, "Yoo harma kee na tuqsiiste qarshii 200 siifan kenna" jedheen. Isheenis qarshii 200tti garaa jabaachuu waan dadhabdeef xiqqoo yaaddee, "Tuquu qofaa?" Jetteen. "eeyyeen tuquu qofa" jennaan, ammas huccuu irraa saaqxee xuqsiiste. Xiqqoo susukkuumee qarshii 200 kenneefii ulaa banatee gara dhufetti deebi'e. Isheenis "ergaan kee maal ture?" Jennaan, "Hiriyaan kee dhufee ture qofa jedhii itti himi" jedhee deeme. Abbaan manaa ishees dhiqatee yeroo ba'u, "eenyu ture kan ulaa rukute?" Jennaan, "Hiriyaa bakka hojii keetiiti. " jetteen. Abbaan manaas xiqqoo seeqqatee "meerreree amma?" Jedhee gaafate. " Qaama dhiqachaa jira jennaan deebi'ee deeme" jetteen. Abbaan manaas nyaara walitti guduunfee," Qarshii 300 sitti kenneeraa?" Jedhee gaafate. Haati manaas baay'ee rifattee "Eeyyeen akkamitti barte garuu?" Jettee gaafatte.

"Lakki... Waajjira yeroo jirru Dhimma ariifachiisaafan barbaade jedhee narraa liqeeffatee ture " jedheen