10/03/2025
recoBENdación recomendada:
Un cliente faloume desta novela de 2012 e, como non só de novidades vive unha libreira, púxenme a ello. "Pobo pequeno, inferno grande" podería ser unha frase perfecta para definir esta historia, na que todos os personaxes están envelenados por unha ou outra razón e onde parece que a bondade desapareceu coa morte do veciño que é o punto de partida da novela.
Un retrato feroz e descarnado das vilezas humanas, do máis feo e rastrero que pode chegar a ser o ser humano cando ten un obxectivo en mente e non ve máis alá de sí mesmo.
Impresionoume especialmente o ben definidos que están os caracteres dos adolescentes, con esa mirada cortante da realidade que os rodea, conscientes plenamente das debilidades dos adultos e ao mesmo tempo sin ápice de comprensión, como deuses que xulgan sin tomar partido...e, en cambio, con capacidade para actuar premeditada e conscientemente no devir dos acontecementos.
Unha novela dura, con situacións que poden chegar a ferir sensibilidades, pero profundamente realista, que se le rapidamente e coa que é difícil non sentirse asustado por como se desenvolve a historia.
NOTA DE LIBREIRA: 7/10
