18/06/2026
تخيلو ان الجزئين الصغيرين الي فوق الشاش دول ابره اتكسرت جوه صباع ايدي متخيلين ان في لحظه واحده صباعي كان ممكن يروح أصلا خالص
الجراح الي عملي العمليه قال ليا بالنص أصعب عمليه عملتها في حياتي هيا انتي الجزئين الي في صوره دول طالعين من جوه عضم صباعي بمعجزة من ربنا لان الدكتور قالي بالنص برضو آخر ما تعبت اني مش عارف اطلع النص التاني من الابره لأنها رفيعه جدا كنت هسيبها في العضم واقفل عليها بس ربنا قدر المصيبه ولطف بيا وده من كرم ربنا عليا تعرفو ان الابره دي علشان تطلع من العضمه الدكتور عمل فتحه جوه العضم علشان يقدر يطلعها وده برضو من رحمة ربنا ولكرمه ولطفه بيا ان الدكتور عمل كده الله اعلم التأثير على صباعي هيكون ايه بعد كده ولكن بقول الف حمد وشكر ليك يا رب بتنزل علينا المصيبه وبتلطف بينا برضو
تعرفو ان صباعي مفتوح من ٣جهات الجمبين والبطن متخيطين جرح لو شوفتوه هيغمى عليكم من منظره والحمد لله قولت الف حمد وشكر ليك يا رب على نعمك عليا
من ساعة ما حصلت الحادثه دي وانا مقولتش غير
لا اله إلا انت سبحانك اني كنت من الظالمين
حتى وانا بفوق من البنج مقولتش غير نفس الدعاء
لاني راضيه باي حاجه ربنا كاتبها ليا كله خير من ربنا
الاسوء من كده بقا اني بلف على ٤مستشفيات والدكتره تقولي مش فاضين ممكن تعمليها تاني يوم الساعه ١٠ الصبح او الظهر
متخيلين يعني ايه اكون فيا ألم ووجع ورعب وخوف وملاقيش دكتور ينقذني الدكتور يقولي بكره عدي عليا وانا ايدي. منظرها اساسا لو حد شافه يتسرع من شكله الابره داخله من جمب والجمب التاني طالع منه الخيط
والدكتور يقولي عدي علينا بكره الظهر
ومش دكتور واحد الي قال كده لا دول ٥دكاتره في ٤مستشفيات مختلفه
كمية رعب شوفتها وألم وحزن وعياط محدش يتخيلها
ومتمناش أبدا ان الي حصلي يحصل لأي حد
ياريت الي شايف الجانب الجميل من حياتنا والصور واحنا بنضحك يشوف قد ايه في خطوره في شغلنا احنا معرضين ليه في اي وقت
ايدي الاتنين واحده فيها عمليه وواحده فيها كانولا يعني ماشاء الله الايدين عطلو 😢لا عارفه اعمل لنفسي حاجه ولا لبيتي واولادي حتى
