13/04/2024
نصيحة لوجه الله يا شباب ..
شغل الاكشن اللي بتشوفوه في المسلسلات العربي بالذات ملوش علاقة بأرض الواقع نهائي ولو فكرت تنفذه وانت بتدافع عن نفسك هتتصدم .
انا قابلت بالصدفة كام مشهد في رمضان حاجة تضحك الصراحة مفيش اي اتقان لفنون القتال .
فمتحاولش تنفذ اللي بتشوفه ده و روح اتعلم فنون القتال على حق وهتعرف ان الواقع مختلف كتير .
وساعتها هتعرف انك مش محتاج تعمل اللي بيعملوه في المسلسلات وهو اظهار البطل في صورة البلطجي اللي بيبهدل الناس لو حد قاله كلمة بسيطة او استفزه .
هتعرف ساعتها ان القوة الحقيقية لما تبقى قادر تعمل كتير و تتمالك نفسك وتعفو عشان عارف حجم الضرر اللي ممكن تسببه لغيرك حتى لو هو مش مدرك ده و مش هتعمل حاجة غير لما يكون خلاص مفيش قدامك غير كده .
وخير قدوة ليا كلنا قول النبي ﷺ :
" ليس الشديد بالصُّرَعة، وإنما الشديد من يملك نفسه عند الغضب"
