19/06/2023
شكرا لكل عميلة مبتفاصلش وفاهمة ان المكسب دة حق السيلر وان لو مش عاجبها السعر متشتريش
شكرا لكل عميلة بتتعامل ب احترام وأدب وعارفة انها بتاخد خدمة قصاد فلوسها مش بتجبي علي السيلر
شكرا لكل عميلة بتسهل ع السيلر ف الاستلام ومبتستخسرش تدفع حق المندوب الغلبان اللي رايحلها لحد بيتها
شكرا لكل عميلة مبتبعش السيلر اللي دايما بتتعامل معاها عشان تروح تشتري من سيلر تانية ارخص ٥ ج
شكرا لكل عميلة فاهمة ان اللي بيبيع اون لاين بيتعب ف الكلام وبيصرف ع شغلة باقة نت وبياخد من وقت بيتة وعيالة عشان يرد عليها ف بتتفهم اننا المفروض يكون لينا وقت منقدرش نرد عليها
شكرا لكل عميلة صريحة بتقول انا مش هقدر استلم متجبيش الحاجة الا لما أأكد عليكي مش بتخلي السيلر تشتري الشغل وبعد كدة تقولها لا شكرا مش عاوزة بكل جليطة وقلة زوق وممكن كمان تعملها بلوك
شكرا للناس المحترمة
اللي بتفهم فالأصول اللي فاهمة اننا ولاد ناس زينا زيهم ومش بنشتغل عندهم
وممكن نكون شغالين
عشان عندنا اي ظرف ما اذا كان مادي او معنوي بجد بشكركوا جدا 🌹🌹
