05/04/2026
🛑 الطفل اللي تقوله حاجة… يرد عليك: "ها؟" 😅 واللي يبدأ يذاكر… وبعد دقيقتين يبص في السقف… ويمسك القلم… ويلعب بيه…ويقوم يشرب… ويرجع… وينسى هو كان بيعمل إيه أصلا ... واللي تشرحي له… يروح بعد شوية يقولك: هو إحنا كنا بنعمل إيه؟🥺
والله الطفل ده…مش مهمل ولا بيستهبل ولا مش فارق معاه هو بس…عنده زرار التركيز بيفصل بسرعة⚡
الطفل ده في علم النفس اسمه: طفل مشتت (ضعف في الانتباه والتركيز)
يعني إيه مشتت؟ يعني ببساطة: 🧠 مخه بيستقبل كل حاجة حواليه مرة واحدة
صوت → يروح له
حركة → يسيب اللي في إيده
فكرة → ينساها بسرعة
👈 من غير ما يثبت على حاجة كفاية إنه يخلصها
⚠️ المشكلة مش في النسيان بس…المشكلة في إحساسه بنفسه 💔
الطفل ده بيكبر وهو سامع:
❌ إنت سرحان
❌ إنت مهمل
❌ إنت مش مركز
❌ إنت بتنسى كل حاجة
ومع الوقت…بيبدأ يصدق 😞
💔 أخطر جملة ممكن نقولها: إنت عمرك ما بتركز
✨ وأقوى جملة ممكن تنقذه: مخك شغال… بس محتاج نساعده يركز أكتر
🧠 قبل أي مذاكرة أو تنظيم…في قاعدة مهمة جدا: الطفل المشتت محتاج تنظيم من بره…قبل ما يقدر ينظم نفسه من جوه
طيب نعمل إيه بقى؟ تعالي نشتغل بذكاء… مش بضغط 👇
✨ 1. قسمي له الدنيا (مش مرة واحدة)
❌ اعمل واجبك كله
✔️ اعمل أول سؤال بس
👈 المخ لما يشوف حاجة صغيرة… بيركز فيها أكتر
✨ 2. وقت قصير = تركيز أعلى بدل ساعة مذاكرة 😵💫
✔️ 10 دقايق تركيز ⏳ + 5 دقايق بريك
👈 ونعيد تاني
✨ 3. قللي المشتتات قبل ما نقول ركز
📵 نقفل التلفزيون
📱 نبعد الموبايل
🔊 نقلل الأصوات
👈 لأن مخه أصلاً بيجري ورا أي حاجة
✨ 4. الكلام الواضح البسيط
❌ ركز بقى
✔️ بص في السطر ده بس
✔️ اكتب الكلمة دي
👈 بنوجهه… مش بنلومه
✨ 5. استخدمي التذكير الذكي يعني بدل: إنت نسيت تاني؟ 😤
✔️ نكتب ملاحظات
✔️ نستخدم ألوان
✔️ نعمل Check list بسيطة
👈 مخه بيحب يشوف الحاجة قدامه
🎲 نيجي بقى لجزء اللي بيعمل فرق حقيقي واللى انا بحبه جدااااااا وهي الالعاب 😏🔥
🎯 لعبة ركز وافتكر
قولي 3 كلمات…وخليه يعيدهم بعد دقيقة
⏳ ونزود العدد تدريجي
👈كدة بنساعدة ينقوي الذاكرة
🧩 لعبة فين الحاجة؟
خبي حاجة قدامه…وبعدين غيري مكانها بسرعة
👀 وخليه يركز ويلاقيها
👈 دة تدريب بيقوي الانتباه
🎨 لعبة انسخ بسرعة
يرسم شكل بسيط قدامه ويحاول يقلده
👈 بيركز + يثبت نظره
🧠 لعبة قف وكمل
يحكي حاجة… وفجأة نقوله: وقف وبعدين: كمل
👈 دة تمرين بيساعدة يقوي عضلة استمرارية التركيز
🏃♂️ وأهم نقطة ناس كتير بتغفل عنها وانا اول واحدة وهي :
❌ الطفل مينفعش يبقي قاعد طول اليوم
✔️ لازم حركة منظمة ... زي:
🏊 سباحة
🚴♂️ عجلة
🥋 كاراتيه (لو الطفل مش عنيف ومفيش اندفاعية )
👈 الحركة بتظبط المخ جدا
❤️ أهم رسالة لازم توصل للطفل :ان هو طفل مش فاشل في التركيز… هو بس محتاج طريقة تناسبه
👀 مرة في الأسبوع… اقعدي معاه بهدوء واسأليه:
إيه أكتر حاجة بتشتتك؟
إمتى بتعرف تركز كويس؟
👈 خليه يفهم نفسه
✨ الخلاصة: الطفل المشتت مش محتاج ضغط… هو محتاج تنظيم + صبر + تدريب بسيط يومي
للحجز و الاستفسار يرجي التواصل خاص
https://www.facebook.com/profile.php?id=61561399357370&mibextid=ZbWKwL
https://www.facebook.com/groups/899301318890923/?ref=share
https://chat.whatsapp.com/HtLPSjEDpLB5bcGTog04eV
