28/10/2021
علشان تشرب قهوتك مظبوطه علي ذوقك و تستمتع بطعمها . لازم تبقا عارف كويس نوع البن وأنتا بتشتريه . و عارف الفرق بين المحوج و الساده . و البن الفاتح و الغامق و كمان الوسط
درجه تحميص البن دا قد اي؟ واي المراحل ال بيمر بيها حبوب البن لحد ما توصلك.......!
بن_حجازي هيعرفك كل دا
ليه مهم انك تعرف دا...؟ لان كل مرحله بتمر بيها القهوه بدايه من مرحله الحصاد حتي مرحله التحميص و الطحن و التعبئه بتختلف فيها نسبه الكافيين و بتغير من شكل القهوه و لونها و بالتالي طعمها.
و علشان أسواء حاجه ممكن تقابلك انك بعد ما تشتري البن تكتشف أن مش هوا دا الطعم ال كنت بتدور عليه . علشان كدا بن_حجازي جمعلك اهم المعلومات ال بتفرق في طعم و ريحه القهوه . و ال من بعدها هتعرف ازاي تختار البن كويس قبل متشتريه.
مرحله التحميص هي مرحله مهمه و اساسيه ـ و ان كان البعض يستغني عنها احيانا ـ و تعتبر بمثابه تجهيز أو تحضير لحبوب البن علشان تبقا جاهزه علي الاستخدام.
بتتراوح مده التحميص ما بين 4 دقائق وحتي 17 دقيقه و فيها بتتحول الحبوب من لونها الاخضر وريحتها العشبيه الاوليه . لشكلها المعروف و ريحه القهوه النفاذه المحببه لينا كلنا.
يختلف طعم و ريحه القهوه في مرحله التحميص تبعا لدرجه تحميصها . بيكون البن الفاتح هوا الأقل في درجه التحميص و البن الغامق هوا أعلي درجات التحميص . مروراً بالبن الوسط ال بيتحمص لمده وسط بين الاتنين...!
*البن الفاتح*
بنحصل علي البن الفاتح من الدرجات الاولي ف التحميص وال عندها بيكون حبوب البن بدأت تاخد اللون البني الفاتح ، و بدأت ريحه الحبوب العشبيه تتلاشي و تبدأ تظهر ريحه القهوه بشكل خفيف.
البن الفاتح بيحتوي علي اعلي نسبه كافيين نظراً لأنه اتعرض لحراره قليله ف بالتالي ما زالت الحبوب فيه محتفظه بنسبه كبيره من الكافيين . و غالبا ما يفضل عشاق القهوه النوع دا علشان يستمتعون بطعم القهوه القوي ويستفادو بأكبر قدر من الكافيين.
*فوائد البن الفاتح*
1ـ بينشط الدوره الدمويه وبيحسن من ادائها.
2ـ بيحسن من الحاله المزاجيه وبيزود إنتاجيه الأشخاص.
3ـ يحتوي علي مضادات اكسده قويه تقي من بعض الأورام.
4ـ يحفز معدل حرق السعرات الحراريه في الجسم.
5ـ يعمل علي الوقايه من مرض النقرس.
6ـ ينشط ضغط الدم.
7ـ يقلل من نسبه الاصابه بمرض الزهايمر.
*البن الغامق*
أما البن الغامق فبينتح من الدرجات العاليه في التحميص . كل ما زادت درجه الحراره وطالت مده التحميص كل ما زاد غمقان البن . نسبه الكافيين في النوع دا بتبقا أقل من البن الفاتح و لكن ما زال له فوايده و مذاقه الخاص.
*فوائد البن الغامق*
1ـ بيقلل من فرص الاصابه بمرض الزهايمر.
2ـ بيساعد في الوقايه من داء باركنسون ( الشلل الرعاش ).
*الفرق بين البن المحوج و الساده*
من حيث الطعم بينقسم البن بشكل عام ل نوعين . البن المحوج و البن الساده . الفرق بين الاتنين ببساطه أن في البن المحوج بيكون مضاف له مجموعه اعشاب ومنكهات بتكسبه طعم و ريحه مختلفه بحسب النكهات ال هتتضاف له . بنسمي الاضافات دي باسم ( التحويجه ).
*فوائد القهوه المحوجه*
1ـ بالرغم من مميزات القهوه الساده و مذاقها القوي إلا أن التحويجه بتضاعف من فوايد القهوه وبترفع من قيمتها الغذائيه.
2ـ بتساعد في الحمايه من بعض الامراض السرطانيه والأورام لاحتوائها علي مضادات الأكسدة.
3ـ تحتوي علي مضادات البكتيريا.
4ـ تقي من أمراض القلب و القولون.
*البن الساده*
البن الساده هوا عباره عن حبوب البن المطحونه فقط بدون اضافه اي نوع من المواد أو الاعشاب و المنكهات ال ممكن تغير من طعمها . و علشان كدا بيعتبره البعض انقي نوع من البن و بيفضله عشاق القهوه لما يحبوا يستمتعوا بطعم القهوه و بس..!
بيتميز البن الساده بمذاقه الغني و طعم القهوه الواضح و الصريح فيه.
*فوائد القهوه الساده*
1ـ تساعد علي خساره الوزن لأنها بتزود معدل حرق السعرات الحراريه علشان كدا بيستخدمها البعض ف التخسيس.
2ـ ترفع معدل التركيز عند بعض الأشخاص لان بها ماده الكافيين و هي ب الأساس من المنبهات.
3ـ تحسين الحاله المزاجيه.
*اي افضل نوع بن.....؟؟*
لو كنت مبتدئ في شرب القهوه ولسه محددتش النوع ال بتحبه . يبقا تختار بن محوج علشان هدوق اطعمه مختلفه مع القهوه لحد متتعود عليها . بعدها انتا بتقرر هتجرب البن الساده ولا لسه شويه.
** لو انت من عشاق القهوه و من محبين الطعم النقي يبقا تختار البن الساده علشان تستشعر طعم القهوه القوي لوحده.
** لو كنت بتشرب القهوه علشان تركز اكتر يبقا البن الفاتح . علشان فيه اعلي نسبه كافيين.
** لو ملقتش نفسك في ال فات يبقا اختار البن الوسط أو الغامق.
و في نهايه الكلام حابين نقولكم.....!
لكل انواع القهوه فوايد ومفيش افضليه لنوع علي اي نوع تاني . المسألة في طعم القهوه بالنسبه لك . في النهايه مفيش قهوه حلوه و قهوه مش حلوه . شرب القهوه أذواق و تفضيلات.
