16/02/2023
من تاني 🤎🖤
كل أنواع القهوة بالتفصيل ☕️🤎
1 - السرياقوسي :
القهوة السرياقوسي بتبقى عبارة عن 3 معالق سكر لكل معلقة بن
( 3 سكر : 1 بن ) ؛
مبدأياً معظم عشاقها بيبقوا غالبا من محدثين القهوه اللي لسه متلطوش ف الحوار أو من النوع اللي بيشربها كل فين و فين ..
قهوة تفضلها النساء في المجمل.
2 - الزيادة : القهوه الزياده بتبقي
2 معلقة سكر لكل معلقة بن
( 2 سكر : 1 بن ) ..
دايماً بتكون هي المدخل اللي بتتسحب فيه نحو عالم إدمان القهوه اللذيذ ؛ ﻷنها قهوة سكرها الزيادة بيكسر طعم البن المر اللي لسه كمبتدئ متعودتش عليه ..
فيه ناس بتستمر في تناول القهوة الزيادة ؛ كييفة الزيادة بيبقوا ناس في الأغلب بيهتموا بالمظهر على عكس الجوهر .. ناس مقضينها For Fun و يحبوا يعيشوا التجربة من السطح بدون التطرق للأعماق و بيقفشوا جداً لو القهوة جاتلهم ناقصه سكر و دا يدل على خوفهم من كل ما هو مظبوط أو مانو ..
3 - المانو : القهوة المانو هي الوسط بين المظبوط و الزيادة ؛ معلقة و نصف سكر لكل معلقة بن
( 1.5 سكر : 1 بن ) ..
المانو غالباً بيتم اللجوء لها في حالتين : يا إما زهقت من الزيادة و عايز تنتقل للمظبوط و بتتعود تدريجياً علي تقليل السكر ..
يا إما إنتا أصلاً كييف مظبوط بس بتقعد علي قهوه شغال فيها صنايعي فاشل و عمره ما عرف يظبط قهوتك ف بتضطر تطلبها مانو بنية المظبوط و التكتيك دا ناجح تماماً مع القهوجية الفشلة ..
المانو مرحلة إنتقالية مينفعش تقف عندها كتير ﻷنها ملهاش توصيف دقيق في علم القهوة و الأمزجة !!!
4 - المظبوط : واحد علي واحد
( 1 سكر : 1 بن ) ..
قهوة متكافئة تماماً و السواد الأعظم من المدمنين بيلعبوا في ال Category دا .. قهوتك المظبوطة تدل علي شخصيتك المتزنة العادلة اللي مبتحبش حاجة تيجي علي حساب حاجة .. إستمتاعك بطعم البن بكمية سكر متوازنة بيخلق جو من السعادة المفرطة التي لا تنتهي سوي مع أخر رشفه من الكوب .. بإختصار كييف القهوة المظبوط إنسان برنسسسسسس في نفسه ﻷقصي درجه ..
5 - ع الريحه : مبدأياً ؛
طالما وصلت للنقطة دي يبقى إنت مدمن عشق إدمانه و قررت تعلي ال Dose ﻷنك مبقتش تتكيف زي الأول !!!
( 0.5 سكر : 1 بن ) مع السكر اللي بينخفض تدريجياً و طغيان طعم البن ف نحن أمام قهوة صنعت من أجل
ال Professionals Only
عشان مستحيل تلاقي مبتدأين بيشربوا القهوة ع الريحة ..
فيه قاعدة عامة ؛ كلما قلت نسبه السكر بالنسبه للبن ؛
زادت درجه جمدانك و برنستك
و مزاجك ..
6 - السادة : .............
تجربة مختلفة ومش لأي حد خالص ....
لو مش قدها متجربش ....... الموضوع أكبر من تخيلك ......
تكمله الكوبايه بدون ما بطنك تقلب و نفسك تقفل معناها ولادة وحش جديد مبيخافش من أي حاجه بطل لا تقهرة الظروف .....
انا بشربها مظبوطه أو ساده 💪👑 ☕️
إنت قهوتك إيه 🤔🤔♥️
