08/11/2022
لجزء الأول ( الزيوت النباتيه)
من قديم الأزل والزيوت النباتية بتستخدم للشعر والبشرة في كل الحضارات بس ليه الزيوت واخدة الأهمية دي كلها وليه لازم تكون في روتينك للعناية بالشعر والبشرة؟
الزيوت النباتية هى الزيوت اللي بتيجي من عصر البذور أو المكسرات أو لب ثمرة نبات زى (جوز الهند).
الزيوت بتتكون من مجموعة من المكونات المختلفة واللي بتظهر خصائص مميزة لكل نوع زيت زي لونه ولزوجته وسرعة اختراقه للجلد أو البشرة وكمان طبعا المكونات دي بتدي كل زيت خصائص علاجية مختلفة على حسب الزيت بيتكون من ايه ونسبة المكونات دي قد ايه.
والمكونات دي هى:
💊 ڤيتامينات
💊معادن
💊مضادات الاكسدة
💊واحماض دهنية
💊phytosterols
دي المركبات أو المكونات الأساسية للزيوت النباتية مع اختلاف أنواعها ونسبها في كل زيت بمعنى ان ممكن يكون في زيت فيتامين E بنسبة أعلى من زيت تاني ممكن نسبة حمض دهني موجودة في زيت أعلى من الزيت التاني.
طبعا كل مركب ليه فوائد مختلفة وكل زيت ليه خصائص مختلفة منها اللي يناسب الشعر الدهني ومنها اللي يناسب الشعر العادي أو الجاف او برضو البشرة الدهنية او الجافة او المختلطة ومنها اللي بيكون ليه أثر كويس في تخفيف القشرة ومعالجة التهابات فروة الرأس فأنا هشرح كل ده بالتفصيل في الأجزاء الجاية إن شاء الله. والجزء الجاى هنتكلم المركبات دي وفائدتها للشعر والبشرة عموما.
