Nova Center

07/01/2026

31/12/2025

على بالك واش معنى Bifidus Actif و BB-12 على قارورة لبن؟

كاين لبن تلقى عليه مكتوب "Au Bifidus Actif" و BB-12... و تقول واش معناها؟ 🤔

✅ Bifidus Actif هو نوع من البكتيريا النافعة (probiotiques)لي تعاون الجهاز الهضمي، تهنّي المعدة، وتنظم عملية الهضم 💪

✅ أما BB-12، هذي سلالة خاصّة من هاد البكتيريا، معروفة علميًا وموثوقة بزاف 🌿 تساعد على تقوية المناعة وتنفع خاصة كي تشرب مضادات حيوية 🧬

يعني كي تشوفها على قارورة لبن، راك تشرب حاجة زايدة مشي غير لبن... راك تشرب لبن صحي يعاون جسمك من الداخل.
زيدو اهبطو التعليقات

معلومة من عند استشارية التغذية العلاجية مهماه.آسيا

30/12/2025

علابالك وعلاش كي تشري الملح تلقى مكتوب عليه: “مدعّم باليود” ؟!
أرواح نفهمك: ✔️ علاش يدعّموه باليود
✔️ وعلاش اختارو الملح بالذات
✔️ وعلاش ما داروهش في منتج آخر

🔹 علاش أصلًا اليود؟
اليود معدن ضروري للغدة الدرقية، وهي لي تتحكّم في: الحرق و الطاقة النمو وتطوّر الدماغ عند الأطفال
في الماضي، بزاف مناطق (ومنها بلادنا) كان فيها نقص يود
❌ تضخّم الغدة الدرقية
❌ تأخر ذهني عند الأطفال
لازم حل يوصل لكل الناس… بلا دواء وبلا تعقيد.

🔹 علاش داروه في الملح وماشي في منتج آخر؟
ببساطة: ✔️ كل الناس تستهلك الملح كل نهار
✔️ الكمية لي نستهلكوها تقريبًا ثابتة
✔️ رخيص ومتوفر في كل دار
✔️ ما يبدّلش الطعم ولا الريحة
ما كانش منتج آخر يضمن يوصل لناس كامل كيما الملح.

🔹 منين يجي اليود؟
اليود ماشي مادة سامة ولا اختراع مخبري ❌
✔️ يجي من البحر
✔️ من مناجم طبيعية
✔️ نفس العنصر لي راهو في الحوت، البيض، والحليب
يزيدوه للملح بجرعة صغيرة ومدروسة.

🔹 واش راهو يضر؟
للشخص العادي ✔️ لا، بالعكس يحمي.
⚠️ المشكل الحقيقي ماشي في اليود…
المشكل في الإفراط في الملح.

المرة الجاية نحكيلكم على الملح البحري و الصخري و الهمالايا ، و كيما العادة مدامك وصلت لهنا لا تنسى تدعمني ولو بنقطة في التعليقات

26/12/2025

22/12/2025

بالصح بنة 🤤

21/12/2025

بالصحة والعافية 😛@أبرز المعجبين