Olea

Olea Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Olea, Batna, Kchida.

سلاام زينة😘🎀
راني هنا بش نفيدك بنصائح. أفكار. روتينات ومنتجات ... بش تحلي مشاكلك 😍 وتعززي أنوثتك ✨️ ونديرو ليد فاليد بش توصلي لأفضل نسخة من نفسك😘♥️
ديري متابعة يا زيينة 🎀 وأي استفسار راسليني فالخاص 📩

21/05/2026

✨️✨️حبوبتي جبتلك نصائح للعناية بالمنطقة الحساسة رح تفيدك بزاااف😘😘

متنسايش ديري ابوني بش تدعميني ويلحقنا جديييد😍🔥✨️✨️

18/05/2026

✨️✨️اذا حابة حياتك تتبدل للأفضل تبعيني حبويتي😍😘♥️✨️✨️

17/05/2026

✨️✨️حبوبااتي غدوا باذن الله يبداو الايام العشر الأوائل من ذي الحجة حبيت نفكركم بهاذ الايام العظيمة بش ميضيعوش منكم لأنو فيهم أجر عظيييم كيما نجريو ورا الدنيا يا الزييناات ملازمش ننساو الآخرة👌 استغلي هاذ الفرصة وصلي. صومي. ادعي. صدقي.اقراي قرآن. اذكري ربي سبحانه.استغفري ... كثري من العبادات وعمري ميزان حسناتك على قد متقدري⚘️💐
قال الله تعالى: ﴿ وَالْفَجْرِ ۝ وَلَيَالٍ عَشْرٍ ﴾
وقال رسول الله ﷺ: «ما من أيامٍ العملُ الصالحُ فيها أحبُّ إلى الله من هذه الأيام»
🌸🌸اللهم بلغنا عشر ذي الحجة ووفقنا فيها لما تحب وترضى 🌸🌸

17/05/2026

✨️✨️حبسيلي هذاك التخمام لي هلكلك صحتك ونوضي ضك يا الزيينة ديري هاذ لحوايج قبل مترقدي👌✨️✨️:

🌸نظفي بشرتك ورطبيها
🌸اغسلي سنانك ومضمضي بالماء والقرنفل
🌸امشطي شعرك
🌸البسي بيجامتك
🌸تعطري وتفحفحي
🌸اشربي حاجة دافية
🌸اكتبي قائمة المهام تع غدوا
🌸اقراي سورة الملك
⚘️⚘️وبزايدي متحملي نفسك فوق طاقتها حبوبتي اذا راحت صحتك حاجة مترجعهالك توكلي على ربي واحسني الظن بالله و تأكدي بلي رح تجيك الفرحة لي تنسيك في كل ليلة مقدرتيش ترقديها من التخمام💐💐

اذا حابة تستفادي كثر يا زينة ديري متابعة واستناي جدييد متراطيييش🔥🔥🔥
#روتينات #عناية #نصائح #شعر #بشرة #منتجات

15/05/2026

✨️✨️اي وحدة تعاني من نقص فالفيتامين د جربو هاذ الوصفة و دعيولي😍😍✨️✨️

جيبو كمية تع كرطوس مجفف قطعوه مربعات وحطوه فعلبة تع زجاج تتغلق مليح وضيفو عليه كمية مليحة تع جلجلان وحبة البركة وغرقوه بزيت الزيتون وخليوه سمانتين يطلق مليح لفايدة تاعو وكولو منو صباح وعشيا ودااااومووو عليه حبوباتي بش تلقاو نتيجة 😍😘

اذا حابة تستفادي كثر يا زينة ديري متابعة واستناي جدييد متراطيييش??🔥🔥
#روتينات #عناية #نصائح #شعر #بشرة #منتجات

15/05/2026

✨️✨️اكثر حاجة تخليك تكرهي وتجيك العناية بروحك صعيبة هي انك ديري كلش فيوم واحد ❌️❌️✨️✨️

بش تقدري تعتني بجسمك وبشرتك كل يوم بلا جهد وتعب حبوبتي حاولي تقسمي العناية تاعك على الأسبوع كامل👌
🌸 كاين حوايج داخلين فالعناية اليومية منقدروش نستغناو عليهم فاليوم كيما تنظيف البشرة بالغسول. الترطيب. الحماية من الشمس. الدوش لخفيف. تمشطي شعرك ...وكاين حوايج نقدرو نقسموهم على ايام الاسبوع كيما الدوش العميق وتقشير الجسم. ازالة الشعر. العناية بالشعر بالزيوت ولي ماسك. ماسكات البشرة... هاذو تقدري كل يوم تخيري حاجة ديريها هكا تجيك العناية بنفسك سهلة ومديريش كلش فيوم واحد ☺️
فالأول جربي ديري قائمة بأيام الاسبوع وتكتبي كل يوم وش رح ديري بش متنساي والو وعلقيها فدوش ولا فلاشومبر تاعك ومع الوقت رح تولي عندك عادة وتعرفي تقسمي وقتك للعناية بروحك بلا قائمة 📅 😍

اذا حابة تستفادي كثر يا زينة ديري متابعة واستناي جدييد متراطيييش🔥🔥🔥
#روتينات #عناية #نصائح #شعر #بشرة #منتجات

10/05/2026

✨️✨️علابالي راكي كل ميكون عندك دراهم تروحي تشري حوايج لكن المشكل المطروح دائما معنديش وش نلبس ومعنديش وش نحتاج كامل في رايكم علاه🤔🤔✨️✨️

المشكل انو راكي تصرفي عشوائيا يا الزينة ومش محددة أولوياتك تبعي معايا هاذ النصائح بش تولي تعرفي تصرفي دراهمك ودايمن عندك وش تلبسي 👌

🌸اول حاجة جامي تروحي تشري حوايج جدد قبل متشوفي لحوايج لي صح خاصينك وتحتاجيهم الشراء العشوائي رح يخليك تشري حوايج متحتاجيهمش وميبقالكش ميزانية تشري لحوايج لي صح خاصينك( منيش نحكي على الناس لي تقدر تشري وش تحب وقت متحب نتوما ربي يزيدكم لبنات راني نحكي على أغلب البنات لي ميزانيتهم محدودة)
🌸ابداي بالقطع الاساسية لي تتناسب مع كلش مبعد زيدي القطع الثانوية نعطيك مثال اذا تلبسي حجابات حاولي يكون عندك الالوان الاساسية حجاب . خمار. صباط. صاك بالاسود. الباج. البني ( راهو توندونس 😍) وكل حجاب منسق مع الخمار تاعو ( مش لازم يكون عندك كامل الالوان راني غير نعطيك أمثلة)هكا كي تجي تخرجي يكون كلش واجد قدامك وخارج على بعضاه ومتحيريش وتقدري تبدلي بين الخمارات و يكون عندك شحال من آوتفيت مختلف
🌸كل متشري لبسة جديدة شوفي اولا اذا عندك لبسة تنسقيها معاها ولا عندك ميزانية تسمحلك تشريلها لبسة تخرج معاها مش تشري برك وطيشي فلخزانة بسك مش رح تلبسيها ورح تخسري دراهم وتقولي مجددا معنديش وش نلبس
🌸تبعي ستيل معين فاللبسة تاعك واشري على اساسو علابالي يعجبونا حوايج مش فستيل تاعنا مي رح تعجبك وتشريها ومتلبسيهاش مثلا انا نلبس حجاب كي نشري سروال وشوميز عجبوني وش رح نستفاد ؟؟ نخسر دراهمي فحاجة مش رح نلبسها فالوقت لي كنت نقدر نزيد نشري حجاب جديد ونستفاد منو
🌸اشري من كل اللبسة لي تحتاجيها سوا تع برا ولا تع دار قطعة قطعة مبعد تقدري دوبلي مش تخلي روحك محتاجة قطع أساسية وتروحي تشري 10 الوان من نفس الحاجة

اذا حابة تستفادي كثر يا زينة ديري متابعة واستناي جدييد متراطيييش🔥🔥🔥
#روتينات #عناية #نصائح #شعر #بشرة #منتجات

09/05/2026

✨️✨️نحير كيفاش فوقتنا هذا مع تنوع المنتجات والوصفات كاين ناس تخرج وفيها ريحة العرق🤦‍♀️✨️✨️

شوفو حبيباتي جبتلكم ارخسس الوصفات لي يقضيو على ريحة العرق👌 يعني مكانش عذر لأي وحدة تخرج وناس تشم فيها ريحة مش مليحة❌️

🌸الوصفة الاولى🌸
جيبي أي كريم مرطب عندك تع وجه ولا جسم ميهمش خلطي معاه شوي شب وحطي على الابط تاعك نظمنلك مش رح تكون فيك حتا ريحة وتبقاي نقية نهار كامل
🌸الوصفة الثانية🌸
زوج مغارف كبار زيت جوز الهند ذوبيها خليها تبرد شوي وزيدلها نص مغرف صغيرة نشاء ونص بيكربونات الصودا حطيهم فعلبة نظيفة واستخدميهم كيما مزيل العرق العادي

اذا حابة تستفادي كثر يا زينة ديري متابعة واستناي جدييد متراطيييش🔥🔥🔥
#روتينات #عناية #نصائح #شعر #بشرة #منتجات

البشرة الصحية تبدا من أسلوب حياة صحي وخطوات مستمرة حبوباتي مكانش وصفة سحرية تبدلك بشرتك بين يوم وليلة👌😘اذا حابة تستفادي ...
09/05/2026

البشرة الصحية تبدا من أسلوب حياة صحي وخطوات مستمرة حبوباتي مكانش وصفة سحرية تبدلك بشرتك بين يوم وليلة👌😘

اذا حابة تستفادي كثر يا زينة ديري متابعة واستناي جدييد متراطيييش🔥🔥🔥
#روتينات #عناية #نصائح #شعر #بشرة #منتجات

09/05/2026

✨️✨️هاذ لحوايج يتسماو خصوصيات✋️ متخلي حتا واحد يدخل روحو ولا يمد رأيو فيهم ❌️👌✨️✨️

🌸ذوقك فاللبسة فالمكياج فالماكلة ...هاذو حوايج غير قابلة للنقاش والانتقاد "أذواق الناس لا تناقش"
🌸متخلي حتا واحد ينتقد وزنك علاه متسمانيش علاه متنقسيش دايمن قولي انا عاجبتني روحي وراني هااايلة كيما راني حتا وكنتي من داخل مش راضية على شكلك متبيني لحتا واحد
🌸قراراتك فحياتك سواءا تخصصك خدمتك زواجك ...هاذو حاجة تخصك نتي برك مش لي جا تمديلو الفرصة ينتقد ويمد رأيو فحياتك
🌸متخلي حتا واحد ينتقد مشاكل بشرتك ويدير بيها حكاية زعما زعما راهو ينصح فيك وفي كل قعدة علاه متشوفيش طبيب علاه مداويش يبالي عندنا مرايات فدار وكي نحتاجو طبيب نعرفو العناوين
🌸طريقة كلامك وتعبيرك وضحكتك ومشيتك ...هاذو ثاني خصوصيات متخلي حتا واحد يقولك علاه تمشي هك وعلاه قلتي هك وعلاه ضحكتي هك لي عندو تعليق يشوف فلمرايا ويمدو لروحو هاذي هي نتي لي عجبتيه مرحبا ولي معجبتيهش قوليلو يبدل الطريق كي يشوفك ببساطة

⚘️⚘️متحشميش تحبسي الناس عند حدها يا الزييينة 👌ومتخلي حتا واحد يدخل روحو فذوقك وطريقتك وأفكارك 😘

اذا حابة تستفادي كثر يا زينة ديري متابعة واستناي جدييد متراطيييش🔥🔥🔥
#روتينات #عناية #نصائح #شعر #بشرة #منتجات

08/05/2026

✨️✨️نصائح بسيطة للعناية بشعرك قبل. اثناء وبعد الدوش رح يديرو فرق كبييير فشعرك حبوبتي😘😍✨️✨️

🌸قبل الدوش🌸
🌸امشطي شعرك متخليهش متشابك لانو اذا مشطتيه بعد الدوش رح يطيح بزااف
🌸ديري ماسك او حمام زيت لشعرك حسب المشكلة لي تعاني منها وحسب نوع شعرك
🌸دلكي فروة شعرك لمدة عشر دقائق بش تحركي الدورة الدموية وطولي شعرك

🌸اثناء الدوش🌸
🌸ديري الشامبو غير على الفروة متحطيش على الأطراف
🌸البلسم حطيه غير على الأطراف وبعدي على الفروة
🌸الماء يكون دافي مائل للبارد
🌸اذا عندك قشرة شللي بماء فيه خل ابيض ولا خل التفاح

🌸بعد الدوش🌸
🌸نشفي شعرك بلطف متجبديهش بزاف بش ميطيحش وميتكسرش
🌸متستخدميش السيشوار مباشرة خلي شعرك ينشف شوي
🌸ديري سيروم ولا كريم لشعرك بش تحافظي على الرطوبة واللمعان

اذا حابة تستفادي كثر يا زينة ديري متابعة واستناي جدييد متراطيييش🔥🔥🔥
#روتينات #عناية #نصائح #شعر #بشرة #منتجات

Adresse

Batna
Kchida

Site Web

Notifications

Soyez le premier à savoir et laissez-nous vous envoyer un courriel lorsque Olea publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager