Was ist die Webseite?

https://www.facebook.com/110079718353815/

Chueweid

Unger freiem Himmu öpis feins ässe, guets trinke u das zu schöner Musig

20/08/2025

Am vergangnigä Samschti hei mir üsi Ussuufetä gha u somit dr letscht Abe for Chueweid 2025 düregfüehrt.

Mir möchte üs nomau ganz härzlech bi au üsnä Sponsore bedanke.
Ohni öich häte mir das nid ä so chönne ufd Bei steue.

16/08/2025

Hüt Abe ab 17:00 Uhr hei mir für öich d'Chueweid nomau offe. Aus schöne u guete het leider o mau äs Ändi.

Drum hei mir hinech üsi Ussuufetä. Das mir nid aus säubr müesse ustrinke, si mir uf öii Hiuf agwiese.
Auso chömit vrbi u häufit üs bim ustrinke.

Mir hei für öich o no ä Liveband organisiert. Taunus wärde hüt Abe bi üs uf dr Bühni stah u dr Abe musikalisch begleite. Ä so wird ds trinke o viu ringer ga. Übere Abe vrteut wärde si öpe drü Sets spilä.

Bis hinäch ir Chueweid.

15/08/2025

Mir starte hüt Abe scho mit üsem letschte Wucheänd fo dere Saison.

Bar heimr ab 18:00 Uhr für öich offe.
O das Jahr mache mir widr äs Pop-Öp Kwiss wo di beide Nicä's wärde dürefüehre. Start fom Kwiss isch am 20:00 Uhr.

Natürlech si o aui Gescht, wo nid am Kwiss teilnäh, bi üs ir Chueweid wiukomme.

Auso "Nicht verzagen und heute Abend nach Hasle zur Cheiweid fahren 😉"

Bis hinech.

09/08/2025

Mir hei hüt scho dr zwöit Abä fo üsem "kulinarischä" Wucheänd.
Ab 17:00 Uhr hei mir d'Bar ufdr Chueweid offe für Di.
Mir hei o das Jahr widr ä Country Abä.

Passend zum Country chasch du hinech Börger fom B!Fuudtrack ha. Dr Phippu fröit säch scho Dir mit sinä Börger ä Fröid ds mache u natürlech dr Hunger chönne ds stiuä.

Das isch aber no nid aus hüt...
Mir hei o das Jahr widr d'JöLiners Linedance-Gruppe für üs chönne gwinnä. Si wärde üs mit diversnä Uftrittä überä Abä vrteut ihres Könne zeige u filech ziets Di ja de o ufd Bühni für ds Tanzbei ds schwingä😉

Bis hinech ir Chueweid.
Yeeeehaaa

JöLiners

08/08/2025

Hüt Abä ab 18:00 Uhr hei mir wider für öich offe. Mir starte mit üsem "kulinarischä" Wucheänd.

Zum erschte mau wärde mir Fischknusperli bi üs ufdr Chueweid abiete. Mir hei Foräueknusperli for Fischzucht Schwanden. Du überchunsch ä Portion Knusperli mit Brot drzue u Tartarsossä für 18.- Frankä.
Äs het solangs het.

Natürlech wirsch du o witerhin bi üs chönne Cervelat, Bratwürscht u Grillchäs ufe Grill due.

Zuesätzlech düemr a däm Abä o no üser Sponsore zu üs Iilade, das mir ihne für ihri Ungerstüzig chöi danke u si o gseh was mir das Jahr us dr Chueweid hei gschaffe.

Mir gsehnis hinäch ds Hasli ir Chueweid.

02/08/2025

Hüt heimer bereits dr zwöit Abä ir Chueweid.

Mir hei ab 17:00 Uhr offe.
Ab 18:00 Uhr startet ds BrändiDog-Turnier. We Du no wetisch mitmache, de mäud di u di TeampartnerIn no a unger [email protected] choschtä pro Person si 15.- Fr.
Di erschte 3 Räng wärde de ihrem Rang entsprächend ä Priis übercho.

Mir mache das Turnier zum zwöite Mau, wöus letscht Jahr bide Teilnähmende guet isch acho.

Bis Hinech bi üs ir Chueweid.

01/08/2025

Hüt Abä ab 17:00 Uhr hei mir für Di d'Pop-Öp Bar Chueweid offä.

Du chasch bi üs dr 1. Ougschte fiire u am Schwyzerörgeliquartett Ämmitau zuelose u drzue no regionaus Bier trinke oder ä feine Drink. Mir hei natürlech aber o Nöitraus zum trinke.
Drzue chasch o no gad ä Cervelat, ä Bratwurscht oder o Grillchäs ufe Grill gheie...
Wede lieber nüt fom Grill wetisch, de nim doch drfür ä Chäsbrägu de.

Auso bis hinech ds Hasle ufdr Chueweid.

30/07/2025

Dr Countdown louft u de isches de o scho gli sowit. I zwöi Täg hei mir für öich ab de 17:00 Uhr offe ds Hasli bir Hasle-Mühle ufdr Chueweid.

Säubvrständlech dörfe aui cho wo wei sigs chli oder gross, jung oder aut. Bi üs ir Chueweid si aui Wiukomme. Es mues sech niemer amäude für zu üs ds cho ussert mi weti gärn am Samschti, 02.08.2025, bim Brändidog-Turnier mitmache oder am Friti, 15.08.2025, bim Pop-Öp Kwiss.

Mir si zu üsne Öffnigszyte für di da, dass du äs regionaus Bierli oder ä feine Drink chasch cho ha u drzue o no ä Wurscht oder ä Grillchäs chasch ufe Grill gheie. Chäsbrägu gits o das Jahr wider, drum chum cho luege u nim no gad dinr Fründe u Vrwandte mit.

Zahle wirsch mit Bargäud oder TWINT chönne.

Mir fröie üs uf Di bsuech, bis gli ir Chueweid.

28/07/2025

Hüt i genau vier Täg startemr mitm erschte Abe for Pop-Öp Bar Chueweid.

Mir fom Verein Chueweid weinis bi üsne Sponsore schomau bedanke, dass si üs düe ungerstüzä.

Merci a üsem Goud-Sponsor: Kühni Elektro AG,
üsne Siuber-Sponsore: Aemme Getränke AG u Veloschmitte GmbH,
üsne Bronce-Sponsore: Hofladen Hasle-Mühle, Hofzwei GmbH, Nyffenegger Storenfabrik AG, Roth Wärmetechnik AG, emmental versicherung, Hofmann Beschriftungen, Zimmerei Wymann GmbH, Stalder Gipser & Maler GmbH,
üsne T-Shirt-Sponsore: Holzbau Fabio GmbH, Visiocom GmbH, Morgenthaler Gärtnerei, Reinhard Recycling AG, Kühni AG, Raiffeisenbank Unteremmental

Mir fröie üs uf die kommende drü Wuchenänd.

Adresse

Biembachstrasse 1
Hasle-Rüegsau
3415

Webseite

facebook.com

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Chueweid erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.