AzerKitab

28/11/2022

Əziz oxucular,
29 noyabr 2022-ci il tarixində saat 12:00-da Habil Yaşarın "Yeddinci ayın yeddisi" kitabının təqdimatı və imza günü keçiriləcək.
Redaktoru Əkbər Qoşalı olan Habil Yaşarın “ Yeddinci ayın yeddisi ” romanı gənclərə ünvanlanıb.
Tədbirdə iştirak sərbəstdir.

19/11/2022

“Azərkitab” Yayınlarında gənc yazar Habil Yaşarın “Yeddinci ayın yeddisi” adlı ilk romanı nəşr olunub. Redaktoru Əkbər Qoşalı olan roman gənclərə ünvanlanıb.



“Ədəbiyyat və incəsənət” portalı xəbər verir ki, oxuduqca oxucunu intizarda saxlayan bu romanda oxucu gerçək sevgini də yaşayacaq, mübarizliyə də şahid olacaq, eyni zamanda müxtəlif mövzularda dəyərli düşüncələrlə də tanış olacaq.

Əsərdə Aytəkin başda olmaqla, Nihat, Fərid, Aysel və s kimi xarakterlər yer alıblar. Hər birinin öz dünyası var. Və bu günyalar əksərən bir-birinin ziddinədir.

Onu da qeyd edək ki, “Yeddinci ayın yeddisi” müəllifin ilk romanıdır.

17/11/2022

01/11/2022

Moskvada, İSP nəşriyyatında Azərbaycan yazıçıları Varisin və Əlibala Məhərrəmzadənin “A.M.İ.N.” adlı romanları işıq üzü görüb. Kitab nəşriyyat hesabına, Rusiyada çox bəyənilən “Müasir Proza Kolleksiyası” seriyasından, günümüz üçün kifayət qədər sanballı tirajla – 5000 nüsxədə çap olunub.
Roman alpinistlərin dağ zirvəsinə yüksəlməsi fonunda Qarabağ müharibəsinin gizlinlərindən danışır, o gizlinlərdən ki, MDB məkanının oxucuları əksərən onlardan xəbərsizdir. Seriyanın tərtibçisi Oksana Kovalevskyaya, nəşrin məsul redaktoru Yekaterina Şinkarenkodur.
Azərbaycanın Milli Qəhrəmanı Albert Aqarunovun əziz xatirəsinə ithaf edilən bu roman hazırda Rusiyanın kitab mağazalarında, habelə nüfuzlu LitRes elektron kitab platforması başda olmaqla əksər platformalarda satışdadır.
Azərbaycanlı oxucular üçün də xoş töhfə var. Cari ilin sonunadək roman “Azərkitab” nəşr evində Azərbaycan dilində Akademik Nizami Cəfərovun “Katarsis” adlı “Ön söz”ü ilə işıq üzü görəcək.
Akademik “Ön söz”ünə belə başlayıb: “Varislə Əlibala Məhərrəmzadənin birgə yaradıcılıq axtarışlarının son dərəcə uğurlu məhsulu olan “A.M.İ.N.” romanı zəmanəmiz üçün olduqca aktual problemlərə nüfuz etməklə yanaşı, zəngin həyat hadisələrini eyni bir məcraya gətirərək onlara məhz arxaik (və əbədi!) mənəvi-əxlaqi prinsiplər əsasında geniş şərh vermək cəhdləri ilə böyük maraq doğurur. Roman həm birnəfəsə oxunur, həm də elə ilk oxunuşdan oxucunun bütün varlığına hakim kəsilmək iqtidarında olan güclü bədii-estetik aura yaradır ki, bunu təsvir edilən hadisələrin gur işıq altında verilməsi, xarakterlərin təqdiminin istər mənfi, istərsə də müsbət “poza”lardakı sadəlövhlüyə varacaq qədər səmimiliyi, təhkiyənin nağıl-dastan plastikası kontekstində yeri gəldikcə baş qaldıran, ümumi ideyanın açılmasına təkan verən psixoloji dramatizmi şərtləndirir.”
“Ön söz”ün sonluğunu da diqqətinizə çatdırırıq: “...Və şübhə etmirəm ki, istedadlı qələm adamlarımızın bu birgə yaradıcılıq uğuru yalnız vətəndə deyil, onun hüdudlarından uzaqlarda da məmnunluqla qarşılanacaqdır”.
Hörmətli akademikimiz təbii ki, yanılmayıb. Romanın öncə vətəndə deyil, onun hüdudlarından kənarda – özü də ən çox ehtiyac duyulan coğrafiyada çap olunması əlbəttə ki, əsl uğurdur.

01/11/2022

Корзина отборных плодов"
Чтобы сорвать самое сочное яблоко, нужно направиться в яблоневый сад, для того чтобы отведать самого сладкого винограда, надо пойти в виноградник, а если захотелось сорвать самый ароматный апельсин, то необходимо отравиться на плантации с цитрусовыми растениями, не так ли? А можно и не утруждать себя, когда тебе подносят корзину отборных фруктов. Эта книга в каком-то смысле напоминает ту самую корзину самых ценных мыслей.
Книг-мотиваций, обучающих путям достижения успеха, а также концепций лидерства - огромное количество. В чём же отличие книги, которую мы намерены вам предложить? В том, что вам предстоит знакомство с выводами автора, мотивирующего людей на протяжении многих лет в качестве спикера, в то же время инструктировавшего свой контингент в качестве коуча, профессора по экономике. Вывода, к которым пришёл автор после многочисленных опытов, могут быть полезны сотням людей. В этой книге вы также сможете прочесть ценные изречения из лучших книг-мотиваций на тему достижения успеха и концепции лидерства.
Словом, мы предлагаем вам, дорогие читатели, сборник ценных мыслей!

01/11/2022

"Qırmızı ləçəklər" romanı Azərbaycanın Milli Qəhrəmanı Əlif Hacıyevin həyatından bəhs edir. Belarusun Baranoviçi şəhərində milis işləyən azərbaycanlı gənc Əlifin orta məktəbdə buraxılış gecəsi zamanı belarus məktəblisi Qalina Mankoya ilk baxışdan vurulması, onların sevgi və ayrılıq dolu həyatları bir-birindən maraqlı, gərgin epizodlarla nəzərə çarpdırılır.
Və bütün bu həyatı kabus kimi erməni millətçiliyi təqib edir, doğulduğu Xocalıya qayıdıb öncə milis işçisi, illər sonra isə aeroport komendantı kimi erməni millətçiləri ilə mücadilə aparan Əlifi 1984-cü ildə həbsxanaya atmaqla həmişəlik susdurmağa müvəffəq olurlar. Bununla belə, Əlifin yazdığı qəhrəmanlıq dastanı günü bu gün də onların yuxusunu qaçırır.
Roman geniş oxucu kütləsi üçün nəzərdə tutulmuşdur.

01/11/2022

MOTİVASİYA ƏDƏBİYYATI silsiləsindən olan kitab uğuru bilavasitə özü əldə etmiş insan tərəfindən yazılıb:

“Ən gözəl meyvələrdən səbət”
Ən gözəl almanı dərmək üçün alma bağına, ən gözəl üzümdən dadmaq üçün üzümlüyə, ən gözəl portağalı qoparmaq üçün portağal vadisinə üz tuturlar, deyilmi? Bir də var ki, bu qədər əziyyətə qatlaşmadan mreyvələrin ən gözəllərindən bir səbət düzəldib sizə ərməğan edələr. Bu kitab, hardasa, o səbəti xatırladır, ən gözəl fikirlərin toplanıldığı fikir səbətinə bənzəyir.
Uğur qazanmaq barədə motivasiya kitabları, liderlik barədə konsepsiyalar çoxdur. Bəs bizim sizə təqdim etdiyimiz bu kitabın digərlərindən fərqi nədədir? Ondadır ki, bu kitabda siz həm uzun müddətdir insanları spiker olaraq motivasiya edən, eyni zamanda bir kouç olaraq təlimləndirən müəllifin, iqtisadiyyat üzrə professorun yüzlərlə insana fayda gətirən təcrübədən keçmiş fikirləri ilə tanış olacaq, həm də onun bəşər tarixindəki ən yaxşı motivasiya kitablarından, uğurqazanma və liderlik konsepsiyalarından seçmələrini oxuya biləcəksiniz.
Bir sözlə, ən gözəl fikir toplusunu sizə təqdim edirik, əziz oxucular!

01/11/2022

Romanın süjeti olduqca maraqlı, dramatikdir. Baş qəhrəman- fransalı yazar Mişel Leqranı “Ailes” qəzeti redaksiyası Bakıya 44 günlük Qarabağ müharibəsindən reportaj hazırlamağa ezam edir, jurnalist Gəncə bombalanan zaman ora yollanır, vətənpərvər professor Kərimzadə ilə tanış olur. Əslən Qubadan olan professor Mişelin fransız olduğunu bilib ona yaşadığı Quba bölgəsindəki fransız izlərindən, o cümlədən Aleksandr Dümanın Quba səfərindən danışır. Nə vaxtdır beynində bir roman yazıb məhşurlaşmaq ideyası dolanan Mişel Parisə qayıtmaq əvəzinə, Qubaya gedəsi olur. Amma Qubada 1918-ci il soyqırımı abidəsini görüb, ermənilərin fransızlara vurduğu yaralardan da xəbərdar olub mövzusunu dəyişir.
Romanda Qubanın Rusiya imperiyası tərəfindən işğalı, çarizm əleyhinə xalq üsyanları, 1918-ci il qırğınları, Xalq Cümhuriyyətinin qurulması, 1920-ci il bolşevik istilası, Azərbaycanda bolşeviklər əleyhinə qiyamlar – bir sözlə, Azərbaycan tarixinin bizə, əslində, qaranlıq qalan böyük bir hissəsinə, eyni zamanda Fransaya qarşı törədilən erməni terrorlarına sənədli materiallarla güzgü tutulur.

01/11/2022

Olduqca maraqlı süjet xəttinə malik, dramatizmlə dolu “Çovdar çörəyi” romanı avtomobil qəzasına düşərək həyatını itirmiş Cəlil adlı iyirmi dörd yaşlı gəncin ölüm səbəblərinin araşdırılmasından bəhs edir.
Araşdırıcı onun atasıdır. Oğlunun bilavasitə və dolayısı qatilini axtaran ata gözlənilmədən ağlına belə sığışdıra bilmədiyi həqiqətlərlə üz-üzə qalır.
Roman geniş oxucu kütləsi üçün nəzərdə tutulmuşdur.

17/10/2022

Nevozmojno a vozmojno - Домашнее задание: Будем учить формулу успеха