Hərraca çıxarılan əşya 1 manat qiymətlə hərraca çıxarılacaq və hərracda iştirak edənlər üçün ən aşağı artım 1 manat müəyyən olunacaq. Hərraclarda qəpiklə artım nəzərə alınmır. Təklif yazan şəxslər real, ad və soyadlı profillər olmalıdır. Səhifə tərəfindən aşkar olunan və hərracın şəffaflığına zədə gətirə biləcək təklif yazan hər hansı bir saxta profil səhifədən çıxarılacaq və bir daha səhifəyə qay
ıda bilməyəcək.
2. Hərracda qalib gələn və əşyanı alan şəxslə 2 gün müddətində əlaqə saxlanılması mümkün olmadıqda və ya əşyanı almaqdan imtina etdikdə alıcı səhifədən çıxarılacaq və bir daha səhifəyə qayıda bilməyəcək. Hər hansı bir hərrac zamanı bu baş verərsə, əşya sahibinin razılığı ilə ən yüksək təklifdən aşağıda olan şəxsə bu əşya təklif olunacaq və ya yenidən hərraca çıxarılacağ.
3. Hərrac keçirilərkən qoyulan əşya barədə səhifə istifadəçilərinin mənfi rəylər yazması, hərraca aid olmayan məlumat və ya sual verilməsi, hər hansı bir formada təhqirə yol verilməsi qadağandır və qeyd olunan qadağalara əməl etməyən şəxslərin rəyləri silinəcək. Hərraca qoyulan əşya barədə hər hansı bir sualınız olsa və ya əlavə məlumat almaq istəsəniz zəhmət olmasa səhifənin mesaj bölməsinə yazın. Səhifədə hərrac paylaşımlarında hər hansı bir səhifə və qrupun reklam olunması qadağandır. Bu hal baş verərsə, reklam silinəcək və həmin şəxs səhifədən çıxarılacaq. Hərracda kolleksiya əşyasını yerləşdirmək istəyənlər üçün qaydalar:
1. Hərraca qoymaq istədiyiniz əşyanın şəkilləri səhifənin mesaj bölməsinə göndərilir və əşya haqqında ətraflı məlumat yazılır. Əşyanın paylaşılmasına səhifə qərar verir. Əgər əşya paylaşılmağa uyğundursa əşyanın daha keyfiyyətli və tam əks etdirən şəkilləri istənilir. Əşyanın hər hansı bir nöqsanı varsa şəkillərdə bu mütləq görünməlidir və səhifəyə öncədən deyilməlidir. Əks halda əşya hərracdan çıxarılacaq.
2. Hərracın müddəti başa çatdıqdan sonra əşyaya ən yüksək məbləğ təklif edən şəxsə əşya mütləq satılmalıdır. Sizin əşyanız gözlədiyiniz məbləğdən ucuz və ya baha satıla bilər.
3. Hərracda olan əşyanın sahibi hərraca müdaxilə etməməlidir. Əşyanın sahibinin hərrac zamanı rəylərdə əşyasını tərifləməsi və ya əşya barədə əlavə məlumat yazması qadağandır. Qaydalara əməl etməyən əşya sahibi səhifədən çıxarılacaq
Hərracda iştirak etməmişdən öncə qaydaları oxumağ mütləgdir. Hərracda iştirak edən hər bir şəxs hərracın şərtləri və qaydaları ilə razılaşmış olur!
Şikayət və təklifiniz olarsa müraciət edə bilərsiniz. Hörmətlə, “Pasaj Auksion”
