26/05/2026
Nupi le Caah Pasal Tha Ti Mi phun 30
Tutan hi pasal le an thatnak kong phun 20 in van tial a ti tu an um caah 30 in 10 a tam deuh in mah kong cu ka van tial lai. Minung hi kan ziaza aa khat dih loh.Kan thannak le kan umtu hoiherh zong nih a ngeih ko lai nain thiltha tuah le, nupi pasal ngeih tik zong ah a tha mi hi kawl duh cio le ngeih duh cio a si. Mah hi chung ah mifim thiamsang tampi zong nih an hlathlai mi le keimah pumpak hmuh ton si ning he pehtonh in ka van tial lai.
1. An inn chungkhar caah Pathian kha a pakhatnnak hruaitu ah a chiah zungzal.
2. Caan saupi aa ruah hnu ah biakhiahnak a tuah I a thit cang mi nu sin ah zumh awktlak tein um khawh a si. A thit mi a nupi kha a hlan lio an rak nungak tlanval lio an rak i dawt bantuk in dawt khawh zungal aa zuam.
3. Chungkhar caah rian fak piin aa tuan, nupi le fa le kha lungdai hna ngam tein chiah khawh kha aa zuam zungzal.
4. Khrihfa nunning le cawnpiaknak kha a zungzal in an inn chungkhar ah a chimh hna.
5. Buainak chuahpi tu si lo in nupi le fa nuamhter khawh le a nuam mi chungkhar si ter kha a duh zungzal.
6. A kiangkap ah nungak dawh dawh an um , a caan ah a mah lawng khual a tlawn caan nungak he nuamnak caan tha a hmuh ko zong ah mah taksadiriamhnak kha hrial khawh zungzal aa zuam. A ruang cu a chungkhar he then lai a siang lo caah le a dawt tuk hna caah a si.
7. Fa le sin ah mithmai tha a pek khawh zungzal hna. Nupi le he s*k caan zong ah inn chungkhurkhar ah langhter lo in an mah pahnih nih daihter kha a duh. A ruang cu chungkhar buainak kha kan fa le isn ah a phak tikah ahcun hnuk ding lio ngakchia hmanh nih an tuar kho lo. Holh thiam lo ngakchia hmanh nih an nu le an pa kha I rem ding in pakhat le pakhat kha an kuhter hna. Ngakchia hi holh an thiam hlan in nu le pa kan mithmai le kan lungthin khi an rak theih dih. Zei an thei lo tiah daithlan ding a si loh. Kan tuar mi khi an rak tuar khawh ve.
8. Thil tha lo a tuah sual mi ruang ah ngaihthiam hal kha zeitik hmanh ah aa nautat bal loh.
9. A pasal hawi sin ah a chuah langh caan i mi nih zonthlak ding in a ai tuah loh.. A herh lo capo saih, meeting tikah mithmaichia in biachim kha aa sum .
10. A duh lonak ahcun a raltha thih tiang a ngam. A dik lo mi thil kha tlengko ina chimphuan a doh, vawlei lei meeting si lo ah Biaknak lei meeting zong ah a dik lo ti a theih ahcun raltha tein a leh hna a phomh ve hna a sinain umtu hoiher chia in zeitik hmanh ah a um bal loh.
11. A lungthin a ummi bia kha a nupi sin ah fiang tein a chim ngam dih a ruang cu a mah aa zumh tluk in a nupi kha a zumh ngam bak.
12. A Nupi a duhnak a theihthiam piak, tahchunnak ah, hlasak a huam mi, thilthuam ah zei bantuk muici dah a duh timi le a chuah camtuak caan ahcawnglomh a duh ti kha a theih lawng hmanh si lo in a nupi nih a ei duh mi tirawl tiang theih khawh a zuam. A caan ahcun laksawng a nupi sin a pek ding a theih lo zong ah a nupi lila sin ah ruahnak kha a lak .
13. A nupi nih thil hmete a tuah piak mi zong kha a philh kho lo. A nupi cu hi vawlei cung ah ka thim hlei lengnu a si ti kha a cinken zungzal.
14. A zei kar lo nupi he bia elnak ah a thinhun in, hmaituangcha bengbung in, thinvo a hmang lo. A caan ah thil pakhat khat ruang tlamtlin lo caan i, an nu he bia elnak an tuah sual ruang cikhat biatha lo maw, thil tha lo a tuah sual zong hmanh ahkhin, ngaihchin buin an nu sin ah ka dawt ka ngaithiam kai tinh lo ning in thil ka tuahsual tiah ngaithiam hal khawh aa zuam. Nupi le sin ah ngaihthiam a hal kho mi hi pasal tah bak cu an si an ti.
15. Nupi le nau an pawi caan ah an ziaza kha theihthiam khawh aa zuam.
16. Pa a si tikah taksa duh hiarnak kha ruah lo in a hungtho caan , an nu nih a duh mi a el caan zawng ahkhin a theihthiam piak.( A ruang cu kan nu hi a ba a titsa nih a chei lo ti kha a hngalh khawh)
17. Mipi hmai ah fa le mithmai sin in rak, nupi le mithmai chia pek kha tuah lo ding hrim in aa zuam. ( Midang nih mirhut an ti lai ding kha a duh lo )
18. A fa le kha fimnak catang sang an phak khawhnak ding hi a chunmang a si. Zeitik hmanh ah an harsatnak kong a fa le sin ah a chimphuang bal oh.
19. Inn chungkhar ah harsatnak , leiba cham khawh lo, inn man, a dang nih leiba vancawh tibantuk tibantuk ah a mah ruahnak lawng si lo an nu he hmunkhat te ah khua an khang ti lai an rel ti.
20. Chungkhar khuasak a har zia kha aa fiang, riantuan a har zong kha tampi a lungfiang, zeitluk in dah ka chungkhar nih an ka bochan, an ka herh ti kha aa fiang tuk.
21. A liamcia caan ah nupi le an palhnak kha zeitik hmanh ah a tharchuah bal lo. Nupi le si lo ah fa le , hawikom nih a cung ah thil tha lo an tuah bia tha lo an chim mi kha teirul cham le bia holh chuah kha a hmanga bal lo. Alungthin ahcun a chuak tawn nain aa sum. Thlacam in tei khawh a zuam.
22. Dinfelnak kha a zungzal in a tanh. A dik lo ning in phaisa hmuh kha a fih.
23. Thil liangan tuah a duh tikah a nupi sin si lo le a mah nak in thil hngal deuh sin ah ruahnak a lak.
24. A tha bat caan I taksa damnak caah beer, wine, spirit din a duh ahcun an nu kha tha tein a chimh I a mah lawng in inn ah a ding.
25. Hawikom he party tuah an duh ahcun tha tein an nu a chim hmasa, an inn ah maw si lo ah midang inn ah a kal thue tawn. An nu nih a cohlan lo I a mah nih a kal duh tikah tha tein an nu kha a hrilfiah, mah buin a theithiam lo mi nu cu nupi hrut an ti hna.
26. Ngakchia an ih hlan ah cauk relpiak, lente celhti ti bantuk kha a hmanpi hna.
27. Zapi rian dinh ni ( Puplic Holiday) caan ah chungkhar he lengchuah nak kha a tuahpi tawn hna.
28. Mipi caah a herh a ti ahcun a caan, angiehchiah zong kha ui lo in a pek.
29. Mi dehhlen in inn chungkhar cawm kha a fih bik .
30. A Ngandamnak caah lentecelhnak maw si lo ah pum cawlnak kha a tuah zungzal.
Chirhchan: 1.Huffington post
2. Imom
3. Pumpak tonmi
Tlerlung Aan
