30/07/2026
Այն ժամանակից, երբ Լյումյեր եղբայրների «Գնացքը ժամանեց կայարան» և մարդիկ սկսեցին հարմարվել այս նոր, տարօրինակ, բայց միևնույն ժամանակ գրավիչ արվեստի ճյուղին, նրանք շատ արագ սկսեցին հետևել ոչ միայն «ժամանող գնացքներին», այլև ով է իջնում այդ գնացքներից և ինչպես էին նրանք հագնված: Ահա թե ինչպես էին զարգանում կինոյի ու նորաձևության հարաբերությունները։
«Աստղային ոճ»
20-րդ դարասկզբին Հոլիվուդում ձևավորվեց աստղային համակարգը, երբ մարդիկ գնում էին տեսնելու դերասաններին։ 1920-ականներին կանայք սկսեցին իրենց մազերի գույնը փոխել բլոնդ և դիմահարդարվել համր կինոյի աստղ Կլարա Բոուի պես: Կինոդահլիճներից դուրս տարածվում էին նրա նկարներն ամսագրերում և առանձին ֆոտոքարտերի վրա:
Այնուհետև շատերն իրենց մազերը սկսեցին կտրել, ինչպես Լուիզա Բրուքսը: Ըստ էության, հենց նա դարձավ մի ամբողջ տասնամյակի ֆլեփերների ոճի հիմնադիրը՝ կարճ մազեր, առանց ընդգծված գոտկատեղի հագուստ, զանգակ գլխարկ
և մուգ շրթներկ:
Հաջորդ սերնդի աստղերը՝ Մառլեն Դիտրիխը, Մերիլին
Մոնրոն, Ինգրիդ Բերգմանը և ուրիշները, ավելի
խորացրեցին այս երևույթը։ Թեպետ, պետք է նշել,
որ հանդիսատեսուհիները տարբեր կերպ էին կրկնում
նրանց կերպարը:
Հայտնի բրենդներում, անգամ, եթե կար նմանատիպ հագուստ, այն հասանելի չէր հասարակության մեծամասնությանը, այնպես որ կանայք տարբեր հնարքների էին գնում՝ ձևափոխում, կարում, փորձում կրկնել դետալները։
_________
*Ամսագրի անվճար տարբերակը կարող եք վերցնել Դալմա Գարդեն մոլից 💚
