Op Safari

29/07/2023

KykNET het my genooi om Op Safari te bespreek in die program “Met ‘n huppel in die stap” Dit word uitgesaai op Woensdag 2 Augustus 17:30 op kykNET kanaal 144.

14/05/2023

En die drie kleinkinders vir wie ek die boek geskryf het sodat hulle weet wie hulle oupa was

14/05/2023

Dertigjaar gelede is Piet Otto oorlede, maar in ons harte en gedagtes leef hy voort. In April vanjaar was sy ses kinders, gades en kleinkinders almal saam op Hermanus vir sewe dae. Wat ‘n lekker nostalgiese samesyn en kuier, ‘n sprong terug in die verlede.

25/02/2023

Die Timbavatirivier, 'n sytak van die Olifantsrivier ontspring in die buitewyke van Acornhoek.Die rivier vloei ooswaarts deur Andower-, Sandringham- en Timbavatinatuurreservate en daarna noord-ooswaarts deur die Kurgerwildtuin. Die ryk wildlewe van hierdie area word toegskryf aan 'n strook voedingsryke soetgrasveld.

12/02/2023

Die moerasse van Caprivi

29/01/2023

29/01/2023

Sandringham, ‘n plaas in die Laeveld.
Lees In die boek wat ek geskryf het, Op Safari oor die ongelooflike plaas, Sandringham, met die Umbabat (Timbavati rivier) wat daardeur vloei. En al sy inwoners (die groot vyf) en ander karakters.

Share asb hierdie met vriende .

Op Safari is te koop by die volgende winkels :
Wildman Centurion
Zimbi https://zimbi.co.za/product/op-safari-mickey-kuyper/
Protea Boeke Hatfield
Grafitti Boeke

15/01/2023

'n Uittreksel uit my boek oor Teddy, die beroemde leeu van Fort Doppies :

Dewald de Beer, bevelvoerder van Fort Doppies in sy eie woorde die Teddy en Lisa storie:

“Ek het vir Teddy geskiet, dit was soos om my eie kind te skiet” vertel Dewald met trane in sy oë.
“Ons het baie keer probeer om Teddy terug te sit in die natuur, maar hy was ‘n soldaat, nie ‘n leeu nie. Baie nagte het Grobbies en van die ander soldate met Teddy ver in die bos gaan slaap en probeer om hom te laat kontak maak met die wilde leeus. Hulle het ‘n leeu tape gespeel en baie gou die wilde leeus hoor naderkom. Dan brul Teddy, dan brul die wilde leeus en soos hulle nader kom, raak Teddy al hoe stiller. Later sit al die soldate bo-op die Unimog en as hulle weer sien, sit Teddy ook daar.
Toe probeer ons hom leer jag. Naby die kamp was ‘n boom met baie stokstertmeerkatte. Ek gaan staan aan die een kant van die boom sodat hulle almal aan die ander kant kan afspring met die hoop dat Teddy een gaan probeer vang, maar hy hardloop net so vinnig as die troepe weg. Later het Teddy alleen op ‘n eiland gebly. Ek het ‘n jong boerbok gekoop om vir hom te neem. Toe ek stop, kom hy nader om te sien of ek nie vir hom ‘n varkboud gebring het nie. Nuuskierig het hy die jong boerbok bekyk. Die volgende oomblik stamp die bok hom met sy kop en Teddy kies die hasepad.
Soms het hy vir twee of drie weke saam met wilde leeus geloop en saam met hulle geëet, dan op ‘n dag stap hy weer by Fort Doppies in en ons moet skote skiet om die wilde leeus te verwilder. Terug in die kamp het hy saam met die troepe springhase gejag, rugby gespeel en na die tyd saam gestort en dan blow-dry hulle sy hare.
Daar is van Pretoria se kant af opdrag gegee om Teddy te skiet. Toe die skieter by Fort Doppies opdaag, is ek en Teddy lankal weg. Maar die druk het al hoe groter en groter geword. Een oggend vroeg het ek die R1 gevat en saam met Teddy die veld ingestap. Net een skoot en hy was dadelik dood. Ek het hom net daar gelaat en teruggestap na Fort Doppies...”

Op Safari is te koop beskikbaar by die volgende winkels :
Wildman Centurion
Zimbi https://zimbi.co.za/product/op-safari-mickey-kuyper/
Protea Boeke Hatfield
Grafitti Boeke

30/12/2022

Meraai en Allison. Sandringam se renosters 1981

30/12/2022

Thys, die blouwildebees saam met Mickey en Carien. 1982