GS AGRO CORP

07/07/2023

15/05/2023

15/05/2023

07/05/2023

13/05/2022

27/12/2021

09/12/2020

Tfouuuuuhhhhhhh

سهام بن سدرين في برنامج الدوامة على ifm .. سألها الخماسي قالها أماهي أكثر شهادة أثرت فيك من شهادات الناس اللي تعذبو في عهد المخلوع؟؟

حكاتلو اللي ما يصدقوش عقل:
حكاتلو على راجل اشتبهو فيه أمن الدولة في إطار الإنتماء .. مشاولو للدار وقفوه ووقفو معاه مرتو وخلاو بنتهم عمرها 9 سنين ومعاها خوها صغير كيفها ..
رجعو "البولسية" متاع النظام اللي الكيلو فلفل فيه كان بـ200 يا حسرة، بعد ما وقفو الأم والبو، واغتصبو الطفلة وخوها، وولاو بعدها كل يوم يمشيو يغتصبوها ويغتصبو خوها، كل يوم طفلة تُغتصب وخوها يُغتَصَب.. لين فلخر البنية كملت في الرازي تداوي .. وخوها؟؟؟
خوها انتحَرَ يا *******..
العقدة اللي تشكلتلو هزتو للإنتحار..

اللي يحب يعرف علاش نكره عبير واللي كيفها، ونتمنا تسكت وتسيبنا وتسيب "حراير تونس" اللي اتاجر بيهم ..

هاو علاش نكرها ..

خاطرها واجهة لنظام مجرم في رصيدو 18000 ضحية تعذيب ..
وعشرات القتلى من التونسيين والتونسيات من "حراير تونس" اللي نفختلنا ******* عليهم هالنهارين في المجلس..
نظام فاشل أثبت فشله في لحظتيه البورقيبية والنوفمبرية، وأثبت جرمه..
كانوا يقولو "يلزم" يصير هكا من أجل فرض النظام..
هل فُرض النظام باغتصاب صغارنا وأمهم وبوهم في الحبس؟

علاش ماتحبوناش نكرهوها ؟

اللي كتبت في المحاميات من حراير تونس التقارير، المحاميات اللي عندهم صغار يربيو فيهم هوما زادة..
وكانت تفسد في اجتماعات المحاميين المناهضة لظلم بن علي واللي ادافع على حقوق الإنسان..
المرا هذيكا نحات سروال عميد المحامين في أحد الإجتماعات وعطاتو كف (بشهادة المحامية سنية الدهماني اللي كانت حاضرة)..
وكانت تاخذ (بالإثبات اللي وراتو سامية عبو) فلوس على كل اجتماع تخربو ..

النظام اللي زغرطتلو اغتصب أطفال ..
وهي تعرف ..
وانتوما تعرفو ولا حجة لدينا..
#منقول