29/07/2026
𝐍𝐂𝐃𝐬 ဆိုတာကို သေချာသိကြရဲ့လား ❓
တကယ်တော့ ဘဝရဲ့နေ့စဉ်အလေ့အကျင့် ၊ အပြုအမူသေးသေးလေးတွေကနေ စတင်တယ်လို့ပြောရင် ပိုမှန်မှာပါ ။ ❝ ကျန်းမာရေးဆိုတာ မကျန်းမာတော့မှ သတိရရမယ့်အရာ မဟုတ်ပါဘူး ❞ မကူးစက်နိုင်ပေမယ့် အသက်အန္တရာယ်ကို တဖြည်းဖြည်းခြိမ်းခြောက်နေတဲ့ NCDs (Non-Comm unicable Diseases ) လို့ခေါ်ပြီး ရုတ်တရက်ဖြစ်ပွားလာတဲ့ရောဂါ မဟုတ်ပါဘူး 🔔
ကျွန်တော်တို့နေ့စဉ်ပြုလုပ်မိနေတဲ့ မကောင်းတဲ့အလေ့အကျင့်လေးတွေစုစည်းရာကနေ စတင်လာတာပဲဖြစ်ပါတယ် ။ ဘဝမှာဒီလိုအန္တရာယ်ရှိတဲ့ အလေ့အကျင့် ( ၅ ) မျိုးထဲမှာ သင်ရောပါဝင်နေပြီလားဆိုတာ အတူတူဆန်းစစ်ကြည့်လိုက်ကြရအောင်နော် 👇
အရက်အလွန်အကျွံသောက်သုံးခြင်း( 𝐃𝐫𝐢𝐧𝐤𝐢𝐧𝐠 𝐀𝐥𝐜𝐨𝐡𝐨𝐥 ) အသည်းနှင့်နှလုံးကျန်းမာရေးကို ထိခိုက်စေပြီး အဝလွန်ခြင်းနှင့် အခြားရောဂါဆိုးတွေကို ဖိတ်ခေါ်နေသလို ဖြစ်စေပါတယ် ။
ဆေးလိပ်သောက်သုံးခြင်းသည် ( 𝐒𝐦𝐨𝐤𝐢𝐧𝐠 ) အဆုတ်နဲ့အသက်ရှုလမ်းကြောင်းဆိုင်ရာရောဂါတွေ ၊ ကင်ဆာရောဂါနဲ့ သွေးတိုးရောဂါတွေရဲ့ အဓိကတရားခံဖြစ်ပါတယ် 👌
အချို ၊ အငံနဲ့ အဆီများအလွန်အကျွံစားသုံးခြင်း ( 𝐄𝐚𝐭𝐢𝐧𝐠 𝐓𝐨𝐨 𝐌𝐮𝐜𝐡 𝐒𝐮𝐠𝐚𝐫, 𝐅𝐚𝐭,𝐒𝐚𝐥𝐭 ) လျှာဖျား
မှာအရသာရှိပေမယ့် ဆီးချို ၊ သွေးတိုး ၊အဝလွန်ခြင်းနှင့် နှလုံးရောဂါတွေကို တဖြည်းဖြည်းချဉ်းကပ်လာစေပါတယ် 🧐
လှုပ်ရှားမှုနည်းပါးလွန်းခြင်း ( 𝐏𝐡𝐲𝐬𝐢𝐜𝐚𝐥 𝐈𝐧𝐚𝐜𝐭𝐢𝐯𝐢𝐭𝐲 ) တစ်နေကုန်ထိုင်နေတာ ၊ လေ့ကျင့်ခန်းမလုပ်တာတွေဟာ ခန္ဓာကိုယ်ရဲ့ ဇီဝရုပ်ဖြစ်စဉ်ကို နှေးကွေးစေပြီး ရောဂါဘယအလွယ်တကူ ဝင်ရောက်စေပါတယ် 🤔
အိပ်စက်ချိန်လုံလောက်မှုမရှိခြင်း ( 𝐍𝐨𝐭 𝐆𝐞𝐭𝐭𝐢𝐧𝐠 𝐄𝐧𝐨𝐮𝐠𝐡 𝐒𝐥𝐞𝐞𝐩 ) အိပ်ရေးပျက်တာများရင် ခန္ဓာကိုယ်ရဲ့ ခုခံအားစနစ်ယိုးယွင်းလာပြီး စိတ်ဖိစီးမှုနဲ့အတူ ရောဂါမျိုးစုံကို ဖိတ်ခေါ်ရာရောက်ပါတယ် ။ ဒါ့ကြောင့် သင့်ပတ်ဝန်းကျင်မှာ ဒီလိုအကျင့်တွေရှိနေတဲ့ သင်ချစ်ရသူ ၊ သူငယ်ချင်းတွေရှိနေမယ်ဆိုရင် အချိန်မီသတိပေးဖို့ ဒီပို့စ်လေးကို ပြန်လည်မျှဝေခဲ့ပါအုံးနော် 💁♀️
