19/06/2026
ကမ္ဘာ့ဖလားပြိုင်ပွဲကြီးမှာ အိမ်ရှင်မက်ဆီကိုအသင်းက စံပြအနေနဲ့ ၃၂ သင်းအဆင့်ကို ပထမဆုံးတက်ရောက်တဲ့အသင်း ဖြစ်လာခဲ့ပါတယ်။
အုပ်စုအဆင့် ဒုတိယပွဲစဉ်တွေကို အုပ်စုအေနဲ့ဘီအတွက် ပြန်လည်ကစားနေပါတယ်။ အုပ်စုဘီမှာ ဆွစ်ဇာလန်နဲ့ အိမ်ရှင်ကနေဒါတို့က နိုင်ပွဲကိုယ်စီရှာဖွေနိုင်ခဲ့ကြပေမဲ့ ပထမပွဲတွေ သရေကျထားတဲ့အတွက် တတိယပွဲအထိ ကစားပြီးမှ နောက်တစ်ဆင့်တက်မတက် သိရတော့မှာပါ။
အုပ်စုအေမှာ ချက်ဇ်နဲ့တောင်အာဖရိကတို့က တစ်ဖက်တစ်ဂိုးစီနဲ့ သရေကျပြီး ရမှတ်တစ်မှတ်စီ ခွဲဝေယူခဲ့ကြပါတယ်။
ပရိသတ်စိတ်ဝင်စားနေတဲ့ မက်ဆီကိုနဲ့ တောင်ကိုရီးယားတို့ရဲ့ပွဲစဉ်ကတော့ တစ်ပွဲလုံး အမှားစောင့်ရင်း ကစားခဲ့ကြပါတယ်။ တောင်ကိုရီးယားဂိုးသမား ဘောလုံးလွတ်ကျသွားတာက မက်ဆီကိုအတွက် တစ်ခုတည်းသောအခွင့်အရေးဖြစ်လာပြီး လူးဝစ်စ်ရိုမိုက အပိုင်ကန်သွင်းလိုက်တာကြောင့် 1-0 နဲ့ အနိုင်ရရှိခဲ့ပါတယ်။
မက်ဆီကိုက နှစ်ပွဲကစား ၆ မှတ်အပြည့်ရရှိခဲ့တာကြောင့် အုပ်စုဗိုလ်အဖြစ် ၃၂ သင်းအဆင့်ကို တက်ရောက်သွားပြီး တတိယနေရာကအသင်းတစ်သင်းနဲ့ ယှဉ်ပြိုင်ကစားသွားရမှာဖြစ်ပါတယ်။
#မက်ဆီကို #တောင်ကိုရီးယား #ကမ္ဘာ့ဖလား
