Power DVD

27/07/2022

لاقيت حدا من اشباهي الاربعين بغير محافظة😍😭😂

19/07/2022

والمسلسلات الجديدة صارت جاهزة كمان 😍😍

19/07/2022

أكتر من 100 فيلم بالاشهر الماضية جمعتلكن ياها
خبروني شو شفتو منن ؟ وشو حبيتو ؟ 😍🤩🎬❤️

08/07/2022

أكتر من 50 مسلسل صارو متوفرين ومنوعين بيرضو كل الأذواق 😍😍🤩
واللي جاية أحلى🎬🔥

06/07/2022

قال اليوم يصادف يوم الاحتفال ب

بهالمقال رح قلكن عن فوائد التبويس :

قُبلة بالحلبي الها مرادفات ومنها : مشقة - بوسة

البوسة بتخلّي هرمون السعادة يزيد إفرازه وهالشي بيساعد
على تعزيز الروابط بين الاشخاص اللي عم يتبادلو الُقبل ، بِغضّ النظر عن العلاقة بين هالاشخاص ، والتبويس بيساعد على تقوية جهاز المناعة.

الحلبية بالذات أشكال التقبيل بالمناسبات الاجتماعية عنّا الها رونق خاص وفوائد اخرى :
٣ بوسات متتالية على الخدين ، وحسب المعزّة بين الشخصين بتزداد قوة دفع البوسة التالتة لدرجة بتشدلك خدودك من دون الحاجة لإجراء عمليات فيلر وحقن لازالة التجاعيد.

لذلك اليوم عايدو اللي بتحبوهن وبوسوهن 💋💋💋💋💋
وكما تقول فيفي عبده : خمسة مواه 💋✋

‎‏‪ ‬
‎‏‪ ‬
‎
‏

06/07/2022

فيلمك ما عم تلاقيه .. مسلسلك ما عم تلاقيه ؟ كل شي جديد بتلاقيه عنا!🎬😍🔥❤️

03/07/2022

مسا الخير اصدقائي 😍

أولا : هي أول تجربة الي بالتصميم وهي النتيجة لما بتطلبو تصميم من حدا بيشتغل عالرسّام 🤣🤣 عطوني علامة من 100 ويفضل 60 متل علاماتي بالجامعة 🥳😭😂

ثانياً: الافلام والمسلسلات الجديدة رح نزلها تباعاً عالصفحة ، وفيكن تطلبو اونلاين 😎

ثالثاً : روابط التلغرام والانستغرام اللي بالصورة لسا عم اشتغل عليهن
بس للزينة مبدئياً 😂😍😝

27/05/2022

أقل من ساعة منعرف النتيجة!

هيلدا خليفة ناطرة لجنة المحلفين ليعطوا القرار بخصوص قضية جوني ديب وآمير هيرد 🔥😂❤️

20/05/2022

اخبار جديدة 🔥

اشتقتو تمرقو من حارة المحل وتاخدو افلام ومسلسلات 🎬

الخبر الجميل أنو رح ارجع ع نفس المحل اللي حالياً اسمو
‏I Fix mobile store ( PowerDVD سابقاً ) وقدّم خدمات بيع الافلام والمسلسلات 🔥 ب إدارة جديدة.

ابتداء من بكرا ان شاء الله ، رح ارجع بوقت محدد بشكل مبدئي من الساعة ٧ للساعة ١٠ مساء ❤️

الخبر الآخر :
رح كون متواجد بمحل I apple بالجميلية ك إداري من ال١٠ صباحاً لل ٤ بعد الضهر

المحل بيقدم خدمات بيع اكسسوارات لأجهزة apple واللابتوبات ( مفرق-جملة) بالإضافة لخدمات الصيانة 🔥

العنوان: الجميلية -حارة فطائر الذواق مقابل ابو علي للشاورما ❤️

خبرو اصحابكن 😍🎬
‏

30/04/2022

Grace and Frankie

قلبي اللي كَتَب هالبوست ❤️

بهيك أيام صعبة وظروف قاسية عم نمرق فيها ، حرفياً أقل شي ممكن مقدمه لحالنا هو فرفرشة روحنا بمشاهدة مسلسل كوميدي.

فيكن تعطو هالمقال وهالمسلسل فرصة ؟ 🤍

مبارح انعرض الموسم الأخير من مسلسل Grace and Frankie ، واحد من احلى المسلسلات الكوميدية الاجتماعية اللي رح يضل بذاكرتكن بسبب الكيمياء بين جميع الممثلين ، رح تعيدوه اكتر من مرة 😅

القصة:
غرايس وفرانكي نسوان بالسبعين من عمرهم ، ما بيطيقو بعض بس مضطرين يتعاملو مع بعض لأنو ازواجهن زملاء عمل واصدقاء بشركة محاماة.

بيوم من الايام بيجتمعوا النسوان مع بعض على عشاء بدعوة من ازواجهن من غير مناسبة .. والمفاجأة شو؟

من غير مقدمات ، بيقولولن رح نطلقكن ، لأنو بدنا نتزوج وما عاد بدنا نخبي ميولنا اكتر من هيك ! 😱😱😳

غرايس وفرانكي بيضطرو ينتقلو لبيت عالشاطئ يعيشوا فيه سوا لحتى يلاقو حل للمصيبة اللي صارو فيها والاحلى من هيك هالبيت كان هدية مشتركة من ازواجهم 😭😂

* غرايس امرأة عندها شركة خاصة فيها ، اسلوب حياتها
متل اسلوب حياة أي امرأة غنية ، ذكية عنيدة قوية ومغرورة .
* فرانكي انسانة بسيطة جداً ، فنانة بتحب الرسم كتير واليوغا كمان وعندها طقوس روحانية خاصة فيها ، متهورة اوقات ، بتنكّت كتير 😂

علاقتهم كيف رح تصير ؟ رح يكتشفو جوانب بحالهم ما كانو بيعرفوها بهالعمر ؟ رح يتفقوا سوا وينتقموا من ازواجهم ؟ أو رح يسامحوهن ويتقبّلو ميولهم وحقيقتهم ؟

سول و روربرت رح يتزوجوا ؟ رح يحسو ب ندم ؟
وطيب واولادهم ؟ ( هدول لحالن نهفة 😭😂)

مسلسل من إنتاج Netflix ومن نفس صُنّاع مسلسل Friends ، بالنسبة لمسلسل من إنتاج نتفلكس يكاد يخلو هالمسلسل من الإبا_حية.
أول مسلسل مستمر وطويل من إنتاجهم 2015-2022
مدة الحلقة قصيرة متل أي Sitcom تاني.

مسلسل كوميدي بامتياز بيطرح مواضيع حساسة ومهمة ع كذا صعيد بقالب كوميدي بسيط بيدخل عالقلب بالسرعة .
كتير كتير كتير Underrated هالمسلسل 🥺❤️

مشاهدة ممتعة مليانة ضحكات 😂😂😂❤️🍿🎬

هامش:
* الحلو أنو البطولة النسائية Jane fonda & lily tomlin عاملين سوا فيلم سنة اسمه nine to five كمان بيكونو زملاء عمل بينتقمو من صاحب الشركة اللي بيشتغلو فيها والأحلى عم يشتغلو ع فيلم جديد كمان بيكونو رفقات رح ينتقمو من رجل أرمل كان بيضحك عليهن لعشرين سنة 😂😂😂
* غنية المسلسل كتير حلوة وقيها مقطع بيحكي حال المسلسل Stuck in the middle with you and I'm wondering what it is I should do

تقييم :
IMDb : 8,2/10
Rotten Tomatoes: 88 %

❤️
🎬

17/02/2022

شوفوا الإعلان 🎬
يا إلهي على هال Cast العظيم 😭، من دون ما شوفو لسا؛ متأكد رح يكون واحد من مسلسلاتي المفضلة لهالسنة ❤️

بيحكي المسلسل عن الحياة الشخصية والسياسية لنساء البيت الأبيض !

بطولة Viola Davis,Michelle Pfeiffer and Gillian Anderson 🔥

15/02/2022

اييييه بتذكر أيام يدقلّي زبون ساعة ٣ وش الصبح يقلي حباب أبو جريج ما تنسالي شرطان حريم السلطان أبوس كَبَدَكْ

إييييه ايااام 🥺💔😂😂😂😂

#منوع | حددت #بلجيكا أيام العمل فيها بأربعة أيام، و زادت أيام العطلة الأسبوعية لتصبح 3 أيام بدل يومين فقط.

كما تم منع الاتصال بالموظف خارج أوقات دوامه الرسمي، بحيث لا يتعرض الموظفون لضغوط الرد على الاتصالات أو رسائل البريد الإلكتروني.