29/12/2017
حقي♡
البارت الرابع عشر
محمد جاني داخل وقعد يبكي من شدة الفرح
محمد: تسوو واخيييرا هيكون عندنا بيبي 😍😍
تسنيم: الحمدلله
رجعنا البيت الناس كلها كانت فرحانه شديد وكلهم جو يباركو لينا اتصلته و كلمته بهاء و كان فرحان شديد وعدت الايام
وفي يوم محمد جاني
محمد: توتا عايزك في موضوع
تسنيم : ان شاء الله خير
محمد: انا جاني شغل برا وعرض مغري شديد
تسنيم: حلووو شديد العرض شنو
محمد: يا ستي العرض اني هامش اعمل الدكتوره في جامعه أكسفورد و شغل في مستشفى كبير هناك بس
تسنيم: حلوووو شديد و الله بس شنو
محمد: بس اذا سافرت ما هاقدر ارجع السودان الا بعد خمسه سنين
تسنيم: شنوووو
محمد : عشان كدا بفكر اكسر حنكو ما بقدر اخليك براك وانت حامل وخصوصا السفر بعد أسبوعين
تسنيم: لالالا تسافر و غصب عنك انا بلحقك طوالي
محمد: اي اصلا هاجيبك بس لمن ازبط اموري هناك لو سافرته اتم شهر طوالي برسل ليك تجي لكن هتعملي شنو في قرايتك امورك كلها جاطت بسببي
تسنيم: ماف مشكله بشوف لي اي حاجه اقراها هناك المهم اكون جنبك حبي
محمد: يااا سلاااام انا كدا ارتحته و هاقدر اسافر وانا مبسوط انا هامش اكلم امي
تسنيم: محمد انا هامش اقعد مع ناس امي اختي الصغيره امتحانات الشهاده بعد اسبوع لازم اكون معاهم
محمد: حاضر جهزي نفسك وانا بسوقك بعد المغرب ان شاء الله
رقدته ونمته صحيت المغرب كدا صليت و طلعنا وداني البيت و هو رجع بقيت قاعده معاهم لحدي ما مروه خلصت الامتحانات وفي الفتره ديك الوحم كان مجنني شديد لمن محمد قرب يخلي السفر لكن امو اقنعتو وفهمتو انو شيء عادي و ما يقلقل محمد سافر انا بقيت قاعده بين بيتنا وبين بيت نسابتي وفي فتره كدا عمر بقى عيان مشيت قعدته معاهم
امو: يا بتي ما ترهقي نفسك ارتاحي شويه خصوصا انت في الشهر التالت
لازم تهتمي بنفسك في الفتره دي
تسنيم: حاضر يا امي
دخلته لعمر في الغرفه لقيتو محموم شديد جبته مكمدات وبقيت انزل ليو في الحراره بتاعتو جات شهد لقتني نايمة في الكرسي صحتني
شهد: توتا قومي
تسنيم: اووك خلي بالك منو
عايزه اقوم كدا اتزلفته ووقعته بقيت اكورك كان الم فظيع من شدتو اغمي عليا وما صحيت الا وانا في المستشفى لقيت امي بتبكي جنبي
تسنيم: مالك يا ماما الحاصل شنو انا وين ودي شنو الدربات دي
شهد: توتا اهدي
جا الدكتور داخل
الدكتور: ربنا يعوضك يا تسنيم
تسنيم: يعوضني في شنو فهموني
وبقيت ابكي بي هستيريه لمن جابو لي مهدء عرفته انو اجهضته وخسرته الولد 💔 جاتني نفسيات شديده و محمد كان طوالي بتكلم معاي لحدي ما سافرته ليو واول ما نزلته من الطياره جريت جري بفتش فيو لمحتو بس جيت عليو وحضنتو قعدته ابكي
محمد: تسوني ما تبكي يا قلبي انا معاك
تسنيم: محمد البيبي راح
محمد: ماف مشكله نقدر نجيب غيرو اتنين وتلاته
في اليوم التاني وداني المستشفى وحكى ليهم وضعي وكدا وكانت الصدمة
محمد: توتا هاقولك شي بس ما تضايقي وكل شي لخير ان شاء الله صح
تسنيم: اي و نعمه بالله في شنو
محمد: طيب الرحم من الاجهاض اتضرر و ما هتقدري تحملي قريب و يمكن ما يحصل حمل...
انا وقت قال الكلام دا ما قدرته اعمل اي شي بس بقيت ساكته ودموعي جاريه
محمد: ما تخافي في علاج هنا وهنبدا من اليوم ان شاء الله بس انت شدي حيلك
حضنتو وقعدته ابكي وهو كمان بقى يبكي معاي المهم عدت الايام وانا مزاج اتغير بقيت طبيعي زهجانه و منفسنه ومحمد كان مضغوط شديد مع الشغل و القرايه وانا وفي يوم
محمد: توتا ختي الاكل جعان
تسنيم: ماف اكل
محمد: كيف مافي وانا جبته ليك كل شيء
تسنيم: ما عملته اكل
محمد: شنو
تسنيم: مزاج بس عايز تاكل اطلب دلفري
دخل جوا جاني طالع
محمد: تسنيم انت بتعملي فيني كدا ليه ياخ عملته ليك شنو انا لا اكل بتعملي ولا ملابس نضيفه و البيت جايط ليه دا كلو وريني الغيرك شنو
تسنيم: انا كدا
محمد : و كمان بتردي بي برود تسنيم اذا عايزه تتعالجي لازم نفسيتك دي تتحسن ياخ زهجتني كل يوم قالبه لي خلقتك ياخ انا خليك اشتغل بالليل عشان ما اخليك براك و عشان ما تزهجي و بعمل كل شيء عشان يبسطك بس انت العكس انا محتاج اهتمام منك زي ما انا بهتم بيك ياخ امتحاناتي قربت وفي راسي مليون موضوع وما قادر اركز فيهم بسببك فوقي ياخ من البتعملي فيو دا انت قايله موضوع الحمل دا انا ما مضايقني لا والله مضايقني اكتر منك بس صابر و واثق من ربنا انو هتتعالجي و يحصل حمل بس انا عايز منك تساعدني في كدا وتبطلي امورك دي ياخ ما ممكن عيشه تقرف
طلع خلاني وبقيت ابكي مشيت المطبخ سويت اكل لمده اسبوع ورتبته البيت و وديت الملابس المغسله و جابوهم مكويات رصيتهم في الدولاب جيهته البيت تمام ووعيت لنفسي بالجد محمد ما قصر معاي في شي ومدلعني شديد بس انا كنت عايشه في كائبه المهم شلت لي قروش ونزلته اجيب لي تورته من السوبر ماركت الجو كان حلو شديد كنت لابسه لي بنطلون جينز لونو رمادي فاااتح و معاو تشيرت كحلي لفيت شعري كعكه وعملته روج احمر وجيت طالعه ختيت السماعات وماشه بس احس ليك بي زول ماشي بي ورا اتلفت لقيتو شاب كدا عمرو بين 23/25 ما اشتغلته بيو قفلته الاغاني وبقيت ماشه سريع دخلته السوبر ماركت وضربته لمحمد جاني طوالي من شافني عيونو قلبن لونهم احمر اشر لي بي راسو يعني اطلعي طلعته ركبته العربيه
محمد: ممكن توريني دا شنو الابساهو دا
تسنيم: عادي ياخ
محمد: لا ما عادي كيف تلبسي كدا انت ناسيه انو ربنا هيحاسبك ع كدا
تسنيم: اسفه..
نزلته راسي اخد ليو نفس كدا ودور العربيه وصلنا اول ما دخل البيت اتفاجأ لقاهو منظم ويفتح النفس عاين لي وكان مبسوط شديد قرب مني وقالي اخير رجعتي تسوني البعرفها قعدنا اكلنا واتونسنا ومشينا نمنا كان احلى يوم عدت الايام و محمد نزل امتحانات كان مضغوط شديد وامو كاانت عيانه غايتو مر عليو شهر كدا لمن شكلو اتغير طبعا امو بقت كويسه الحمدلله من جينا تمينا السنه في السنه دي بهاء مرتو ولدت وجابت بت محمد حاول ياخد اجازه عشان العرس بتاع بدر و شهد رجعنا السودان وبقينا نجهز للعرس...
بهاء: تسو شفتي بتي دي مزه زيك كيف
تسنيم: عسل حبيبه خالتو
بهاء: سميناها عليك عشان بتشبهك
محمد: مرتي احلى منها 😒
بهاء: هييي بتي الاحلى 😒
تسنيم:😂😂😂😂 بطلو هبل انت الاتنين
جاتنا نورا
نورا: الناس العرسو بعديك ولدو انت لسه
بهاء : يا بت اتلمي بكفتك
نورا: دي الحقيقه
تسنيم: ع الاقل لقيت راجل يلمني ما زيك
نورا: لو ما هو لماك لانك مغتصبه ما كان لقيتي زول يلمك
طوالي محمد قبل عليها بكف لمن الناس كلها بقت تعاين لينا
عمتو: مااالكممم محمد ليه تضرب بتي
محمد: بتك ما مربيه عايزه زول يربها
عمتو: عملت شنو بتي
محمد، ما بعرف واحسن ليها تبعد من دربي
انا اصلا الموضوع منفسن بي وهي زادت الطين بله دخلته شقتنا وبقيت ابكي جاني داخل
محمد : تسو شنو يعني انت عارفه البت لسانها طويل ما تشتغلي بيها
تسنيم: محمد انا خايفه ما احمل
محمد: ما تقولي كدا اتفائلي يلا هسي نومي عشان ورانا شغل كتير
فعلا نمت وصحيت الصباح بدري مشينا السوق وجينا وجبنا الحاجات الناقصة وبالليل ساهرنا في في الحضار واليوم التاني مشيت الكوفير اتحننته وزبطه نفسي للحفله لبسنا انا و محمد الوان زي بعض وقت دخلنا الصاله الناس كلها بقت تعاين لينا و في نص الحفله كدا محمد جا قعد جنبي وبقينا نتونس
محمد: قومي ارقصي معاي
تسنيم: ارقص شنو يا راجل انت مجنون
محمد: قوومي احسن ما اجرك غصب عنك
بدر و بهاء جوني من بعيد وجروني بقينا نرقص ما خلينا شي انا رجعته قعدته محمد لحقني
محمد: مالك
تسنيم: تعبته ياخ 😂😂💔
محمد: عجزتي 😂😂💔
قمته ضربته في كتفو وقعدنا نضحك جاتنا نورا وصحباتها ولاء
نورا: عن اذنكم ما لقينا تربيزه فاضيه غير دي ممكن نقعد
محمد: اتفضلو
نورا: محمد متذكر ولاء..
ولاء: كيف ما يتذكرني وانا كنت كل حياتو
مدت يدلها عشان تمسك يدو
تسنيم: يا بت اتلمي
ولاء: وانت منو عشان تقولي لي كدا
تسنيم: مرتو واياك وتمدي يدك دي بقطعها
محمد: تسوني ما تشتغلي بيها ارح من هنا اصلا الجو بقى خنقه
مسكتو من يدو اداها كف لمن اضانها صنت وقعدت تبكي وجرت برا نورا مشت بي وراها
تسنيم: تستاهل الجزمه عايزه منك شنو تاني هي
محمد: ما بعرف واحد قليله ادب بس
شوية كدا امي نادتني وقالت لي اجهز حاجات الجرتق كانت معاي سامية طلعنا نجهزهم في الغرفه المرفقه بالصاله جاتنا ولاء و نورا داخلات
سامية: خير عايزات شنو
نورا: ما بخصك انت اطلعي منها
ولاء: انت منو عشان محمد يديني كف بسببها
تسنيم: انا مرتو وحبيبتو وكل شي بحياتو
ولاء: بس انا حبو الاول و ما نساني
تسنيم: انت براك قلتي الاول يعني كنت حبييتو بس هو هسي ما بطيقك
قربت عليا وخنقتني سامية قدر ما حاولت تزحها مني ما قدرت ونورا واقفه وبتضحك سامية جرت كلمت محمد لحقني فكها مني حبسها في المكان داك وطلعنا بعد الحفله انتهت محمد مشى عليهم
محمد: شوفي يا ولاء لو ما بعدتي عن طريقي والله افضحك
ولاء: ما هتقدر
نورا: يا بت انت ما جاده ما عايزين فضايح
محمد: غايتو استحملي هيجيك
نورا: لا عليك الله يا محمد
محمد: انت مالك ومالها وبعدين احسن ليك تخليها عشان ما اوري ابوي انت عارفه ابوي كويس
نورا: لالا الله يرضى عليك خلاص
عدت فتره والامور بقت تمام و نحن رجعنا ومحمد مستمر في الشغل و القرايه انا نزلت لي زومبا وعدت سنتين ع الزواج كنت منفسنه بس قصه الحمل دي بس محمد كان بشجعني طوالي بهاء وساميه جابو بت تاني ومنى اختي جابت تؤام بتين وبدر و شهد مستنين ليهم بيبي في الطريق اما مروة دخلت طب جامعه الخرطوم في يوم محمد جا راجع لقاني محمومة شديد شالني واداني المستشفى وطلعته حامل كانت فرحه ما بتتوصف بعد تسعه شهور جونا اول بيبيات كانوا تؤام حلوين *زين و إيلول*
عشان حياه حلوه شديد كنت بساعد محمد في كل شي وهو كمان ما قصر معاي نهائي بقينا اسره متكاتفه وممدته وسعيده ♡
محمد: تسو انت عارفه حاجه
تسنيم: شنو
محمد: انت احلى حاجه حلوه حصلت لي في حياتي ما كنت متخيل اني اتزوج بالسرعه وبالطريقه بعد ما كنت قنعان من موضوع العرس دا بس بعد شفتك قررته انك تكوني حقتي
تسنيم: وانا كنت قرفانه من الرجال بس بعد لاقيتك بقيت احارب عشان تكون حقي ♡
النهايةة
♡
♡
