Bab-ul-Fatah

Bab-ul-Fatah Contact information, map and directions, contact form, opening hours, services, ratings, photos, videos and announcements from Bab-ul-Fatah, Religious Bookstore, Gujranwala.
(2)

کتابوں کی خریداری سے متعلق چند راہ نما اصول:___________________(1) اہلِ علم وتجربہ سے مشاورت کیجیے، ان سے مفید کتابوں او...
26/07/2025

کتابوں کی خریداری سے متعلق چند راہ نما اصول:
___________________
(1) اہلِ علم وتجربہ سے مشاورت کیجیے، ان سے مفید کتابوں اور عمدہ ایڈیشنوں کے متعلق پوچھیے۔

(2) بنیادی (حوالہ جاتی) کتب جن سے کوئی بھی عالم اور طالبِ علم مستغنی نہیں، ان کے حصول کی حرص پیدا کیجیے، خصوصا علمائے سلف کی کتابیں۔

(3) تحقیقی مزاج کے حامل اہلِ علم کی محقق کتب اور ممتاز مقالات حاصل کیجیے۔

(4) خریدنے سے قبل کتاب کی ورق گردانی کر لیجیے، تاکہ کہیں بیاض نہ رہ جائے، کوئی حصہ چھوٹا ہوا نہ ہو اور جلد کی کمزوری یا اس نوعیت کے دیگر عیوب نہ نکل آئیں۔

(5) مطلوبہ کتاب کی تحقیق ہوئی ہو تو سب سے عمدہ ومحقق نسخہ حاصل کرنے کی کوشش کیجیے، جس کی پہچان کتاب کا مقدمہ پڑھنے سے ہوگی، نیز وہ نسخہ لیجیے جس کی تحقیق کے دوران مخطوطات پیشِ نظر رہے ہوں، مقدمے میں "تحقیق کے منہج" کے عنوان سے اس کا علم ہوجاتا ہے، اس سلسلے میں کسی ایسے ساتھی سے معلومات لیجیے جس کے پاس وہ نسخہ ہو۔

(6) کتاب کا مقدمہ پڑھیے، فہارس پر نظر ڈال کر اس کے مضامین کا جائزہ لیجیے اور اس کی اہمیت کا اندازہ کیجیے۔

(7) ایسے ایڈیشن خریدیئے جو اہلِ علم کے ہاں معتمد ہوں اور جن کا حوالہ دیا جاتا ہو۔

(8) متقدمین ومتاخرین علما میں سے ممتاز و ماہر محقق اہلِ علم کی کتب حاصل کیجیے، جیسے (آخری دور میں) شیخ احمد شاکر (م 1377ھ)، شیخ عبدالرحمن معلمی یمانی (م1389ھ) اور شیخ عبدالسلام ہارون رحمہم اللہ وغیرہ۔

(9) ایسے طباعتی اداروں سے احتیاط برتیے جو بد معاملگی یا علمی سرقہ کے حوالے سے معروف ہوں، البتہ بعض اوقات ایسے اداروں کے ہاں عمدہ ایڈیشن بھی دستیاب ہو جاتے ہیں۔

(10) کتاب کے کئی ایڈیشن ہوں تو درج ذیل امور میں تقابلی جائزہ لیجیے:
ا ـ تحقیق کے دوران پیشِ نظر نسخے
ب ـ تخریجِ احادیث کا اہتمام
ج ـ علمی فہارس
یہ تینوں چیزیں کسی ایڈیشن میں جمع ہوں تو کیا کہنے!

(11) مفید کتابوں کی خریداری میں صَرف کی گئی رقم کو زیادہ نہ سمجھیے۔

(12) کتابی نمائشوں اور قیمتوں میں کمی سے فائدہ اٹھائیے ( تاکہ زیادہ سے زیادہ مفید کتابیں حاصل ہوسکیں)۔

(13) کتابوں کی خریداری میں تنوع سے کام لیجیے، ایک دو فنون پر اکتفا نہ کیجیے۔

(شیخ ابن عثیمن رحمہ اللّٰہ کی ’’ کتاب العلم‘‘ سے ماخوذ)

اردو ترجمہ: مولانا محمد یاسر عبداللہ زیدمجدھم

Address

Gujranwala
52331

Website

Alerts

Be the first to know and let us send you an email when Bab-ul-Fatah posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Bab-ul-Fatah:

Shortcuts

Share

Category