13/08/2025
တကယ့်အချစ်ဆိုတာ
လူဟာ လူတစ်ယောက်ကို တစ်စိုက်မတ်မတ် မချစ်
နိုင်ဘူးတဲ့။ တကယ့် အချစ်ဆိုတာ ရှည်လျားတဲ့ဘဝမှာ
ဒီလူကိုပဲ ထပ်ခါထပ်ခါ အသစ်တဖန် ချစ်မိနေခြင်းပါ
တဲ့။
ရုပ်ရှင်ကားတစ်ကား ကြည့်ဖူးတယ်
မင်းသားနဲ့ မင်းသမီးက အသက် ၁ဝ နှစ် ကွာတယ်။
တစ်နေ့မှာ မင်းသမီးက မင်းသားကို ပြောတယ်. . .
“ကျွန်မတို့ရဲ့ အတွေး၊ အမြင်၊ ယူဆချက်၊ ဝါသနာ၊
အသိပညာတွေဟာ အသက်အရွယ်ကြီးလာတာနဲ့အမျှ
မပြတ်ပြောင်းလဲနေမှာပါပဲ။ ရှင်လည်း ပိုကောင်းတဲ့လူနဲ့
တွေ့နိုင်တယ်။ အဲဒီအချိန်ရောက်ရင် ရှင်ကျွန်မကို ချစ်
နိုင်ချင်မှ ချစ်နိုင်တော့မယ်” တဲ့. . . ။
မင်းသားက ရယ်ရင်း ခိုင်မာပြတ်သားတဲ့လေသံနဲ့
မင်းသမီးကို ပြောတယ်။
“ပြောင်းလဲတတ်တယ် ဆိုပေမယ့် ငါတို့ဟာ
နောက်တစ်နေ့မှာ အချင်းချင်း နောက်တစ်ကြိမ်
ပြန်ချစ်မိသွားနိုင်ပါတယ်” တဲ့။
အချစ်ကို ကျရှုံးစေတာဟာ အချိန်လည်း မဟုတ်ဘူး၊
အကွာအဝေး လည်း မဟုတ်ဘူး၊ အကျင့်ပါတဲ့. . .
လူတွေက ဒီလို မကျေမနပ် မကြာခဏညည်းတွား
တယ်။
လူနှစ်ယောက် ပေါင်းသင်းဆက်ဆံတာ ကြာလာတဲ့အခါ
တစ်ဘက်လူရဲ့ တည်ရှိနေမှုမှာ ကျင့်သားရနေတတ်
တယ်။ တစ်ဘက်လူရဲ့ သတ်မှတ်ထားတဲ့ သည်းခံနိုင်
စွမ်းကို လျစ်လျူရှုမိတတ်တယ်။
ဒီလိုနဲ့ ကိုယ်တို့ဟာ အဆိုးဆုံးကို အရင်းနှီးဆုံးဆီ
ပုံချပေးပြီး အယဉ်ကျေးဆုံးကို သူစိမ်းတွေအတွက်
ချန်ထား လိုက်တယ်။
စစချင်းမှာ သူ့ကို ဘယ်နေရာက ကြည့်ကြည့် ချစ်စရာ
ကောင်းနေတာ ပါပဲ။ အချိန်ကြာလာတာနဲ့အမျှ ချစ်စရာ
ကောင်းတယ်လို့ သင် မထင်တော့ဘူး။ သင်မြင်တွေ့နေမိ
တာက တစ်ဘက်လူရဲ့ ချို့ယွင်းချက်တွေကိုပဲ ဖြစ်လို့
ပါ။
သင်သိပါသလား. . . လောကမှာ ပြီးပြည့်စုံတဲ့လူ ဆိုတာ
မရှိပါဘူး။ တချို့က အချစ်ကို ဒီလို ပုံဖော်ပါတယ်. . . ။
“သူ့ချို့ယွင်းချက်က ကြယ်တွေလောက်များတယ်၊ သူ့
ကောင်းကွက်က နေမင်းလို တစ်စင်းပဲ ရှိတယ်။ ဒါပေမဲ့
နေထွက်လာရင် ကြယ်တွေက ပျောက်သွားတယ်” တဲ့။
တကယ့်အချစ်ဆိုတာ တစ်ဘက်လူရဲ့ဟာကွက်မှာပဲ
ငြိနေတာမျိုး မဟုတ်ဘဲ တစ်ဘက်လူရဲ့ လျှပ်တပြက်
နူးညံ့မှုကို မှတ်သားထားခြင်း ဖြစ်ပါတယ်။
ကိုယ့်အတွက် သူထီးမိုးပေးတဲ့ တခဏကို မှတ်သားထား
တယ်။ ကိုယ့်ကို သူပွေ့ဖက်လိုက်တဲ့ တခဏကို မှတ်သား
ထားတယ်။ ရှည်လျားတဲ့ဘဝမှာ အတူဖြတ် သန်းခဲ့တဲ့
ချစ်ခြင်းနဲ့ပတ်သက်တဲ့ သေးသေးမွှားမွှား အရာလေး
တွေကို မှတ်သားထားတယ်။
ဘဝက ရှည်လျားပါတယ်. . . ဆံဖြူသွားကျိုးချိန်ထိ
နင့်ကိုပြုံးရယ်ပြပြီး ချစ်တယ်လို့ ပြောနိုင်သေးရင်
ဒါဟာ ဘဝမှာ ကိုယ်လုပ်နိုင်ခဲ့တဲ့ အကောင်းဆုံး
အလုပ်ပဲပေါ့။
#ပျော်ရွှင်ဖို့ဒီလောက်မခက်ခဲပါစေနဲ့Book
နိုင်းနိုင်းစနေ
#စာသားcrd
