Voss mållag

06/05/2026

Bokkveld torsdag 7/5 kl 19.00 i Voss Bokhandel. Elisabet Vallevik Engelstad: "Vinklingar. Om Olav H. Hauge. Om dikt og diktarar."

I 1966 fekk Elisabet Vallevik Engelstad eit brev frå Olav H. Hauge. Brevet inneheldt diktet «Vinden har so mykje å fortelja i vår»: «Du lyt ha det fordi du har vore gild å snakka med meg og sendt meg nokre ord. Kvar gong du har pikka på døri, har eg vorte glad, og vert det òg, det er alt eg vil segja.»
Olav H. Hauge levde heile livet i Ulvik. Han kunne nok i store delar av livet kjenna seg einsam og utanfor, men hadde eit livslangt samkvem med store diktarar og tenkjarar frå fortid og samtid. Det er ikkje vasstette skott mellom kvardagsliv, lesing og skriving i Hauges tilvære.
Med utgangspunkt i venskapen med Hauge syner Engelstad korleis både det lokale og internasjonale, gjennom forfattarar som Emily Dickinson, Antonio Machado og René Char, påverka og inspirerte diktaren.
Møt forfattaren i samtale med forleggjar Kjartan Helleve.
Alle hjarteleg velkomne!

23/03/2026

Rolf Magne Golten Andersen står bak dei populære Kokosbananas-bøkene. Ta med ungane og møt han på Voss Bibliotek torsdag 24/3 kl. 17.30–18.30

Rolf Magne Golten Andersen står bak dei populære Kokosbananas-bøkene. Kokosbananas er ein liten oppfinnar som bur saman med Mamma Banana, Pappa...

03/03/2026

Me minner om kveldens høgdepunkt:

Tysdag 3. mars kl. 20 (merk deg dagen) kjem forfattaren Ruth Lillegraven og musikaren Rannveig Djønne til Tre Brør Bar som gjester i Mål- og...

15/02/2026

I kveld kan du oppleva tekstar og dikt av Jon Fosse og Sigrid Undset med spesialskriven musikk og innlevande tekstframføring. Staden er Olavsalen på folkehøgskulen. Artistane er Arnhild Vik (klaver/tonesetting), Eline Holbø Wendelbo (tekst/framføring/song) og Brage Botn Seim (cello)Sjå vossmaallag.no Du får to konsertframsyningar til prisen av èin (kr 350 Vipps eller kontant i døra) og og kaffi/bollar i pausen. Parkering ved Sylvsmidja like ved. Dette er eit samarbeid mellom Folkeakademiet Voss, Voss mållag, Voss lyrikklag og Voss kyrkjeakademi, med støtte frå Voss Sparebank.
Sundag 15/2 kl. 18.

Velkomen

23/11/2025

Tysdag 25. november kl 19.00 i Voss bibliotek: Redaktør i Villanden Forlag, Mona Grenasberg, held føredrag om den store diktaren frå Modalen, Olav Nygard, om livet hans og diktinga. Fleire diktarar og litteraturvitarar meiner at dikta hans er det finaste som finst av lyrikk på norsk.

I fjor var det hundreårsmarkering for diktaren i Bergen, Oslo og Modalen, med føredrag av Grenasberg og forfattaren Ronny Spaans. Spaans og Villanden har også gitt ut ei ny bok om Nygard. Grenasberg vil og fortelje litt om Villanden Forlag og bøker gitt ut ved forlaget.

Arrangør er Voss Lyrikklag i samarbeid med Voss Mållag, Voss bibliotek og med støtte av Folkeakademiet Voss. Gratis inngang. Velkomen!

21/10/2025

Her kjem songhefta til kveldens mål- og litteraturkafé på Tre Brør Bar. Kjem du?

Me får denne gongen besøk av Ivar Utne, namneforskar og professor emeritus i nordisk språkvitenskap ved Universitetet i Bergen. Han har i ei årrekkje forska på norske personnamn, stadnamn og namneskikkar, og er ein kjend formidlar med humor og forteljarglede. I tospann med Gunnstein Akselberg, som kan like mykje om stadnamn og etternamn, vert dette absolutt ein kveld for alle som har eit namn… Og i tillegg vert det mykje anna aktuelt og interessant målstoff denne kvelden. Og me toppar det heile med allsong av kjende og kjære nynorske songar! Velkomen klokka åtte i kveld 21. oktober

28/04/2025

https://vossmaallag.no/ki-referat

Me har bedt ein chatbot frå OpenAI skriva eit referat for oss: På

06/02/2025

Marta Norheim og Gunnstein Akselberg gav 90 tilhøyrarar på Voss gymnas innsikt i Marta si fartstid i statskanalen og tankar rundt litteraturkritikk i kveld. Kort sagt ei triveleg stund for språk- og litteraturinteresserte. Kvelden heldt fram med Marta sitt interressante og innsiktsfulle føredrag om kva som kjenneteiknar Jon Fosse sitt forfattarskap. Takk til alle som møtte opp og laga ny rekord for «Johannes» denne kvelden.

31/01/2025

08/12/2024

Takk til Gunnstein Akselberg, Nils Kvamsdal og Astri Sudmann for ei triveleg adventsstund i kjellaren på Tre Brør. Om joletradisjonane endrar seg, så kan alle einast om at godt lag og noko godt å bita i er viktig for oss alle. Så ein særskild takk til publikum, frå dei yngste til dei eldste, og til Tre Brør som laga det koseleg og serverte lussekattar, gløgg og jolebrus.

Dette var den tredje tilskipinga av Mål- og litteraturkaféen Johannes i regi av Voss Mållag, og fleire kjem neste år!