24/09/2024
Байгалийн алуурчин буюу эс гэж юу вэ?
Natural killer Т (NK) cells гэдэг нь вирус, нянгаар халдварласан, эсвэл мутацид орсон хавдрын эсүүдийг ЭРТ ҮЕД нь олж устгаж, өвчин даамжрахаас сэргийлэх үүрэгтэй бидний биеийн дархлааны чухал эс юм.
Ясны чөмөгнөөс гадна лимфийн булчирхай, сэрээ булчирхай, элэг, умай зэрэг эрхтнүүдэд үүсч боловсордог. Иймд хүний дархлаа тогтолцоо, тэр дундаас байгалийн алуурчин эсийн тоо болон үйл ажиллагаа хэвийн байх нь хорт хавдараас сэргийлэхэд тусалдаг байх нь.
Байгалийн аргаар биеийн дархлаагаа хэвийн байлгахад олон хүчин зүйл нөлөөлдөг. Байгальд ойр байх, эслэгээр баялаг хооллох, насандаа тохирсон идэвхитэй #хөдөлгөөн хийх, чанартай #нойр авах, сэтгэл санаа тогтвортой байх, архи тамхи зэрэг хорт зуршлаас холуур байх зэрэг нь эрүүл байх үндэс юм.
Ойд ганцхан өдрийн аялал хийсний дараа байгалийн алуурчин NK эсийн тоо нэмэгдэж, #дархлаа 7 хоногийн дараа ч сэргэдэг тухай судалгааны тайлан байна. Түүнчлэн, хот дотор болон ойд алхахад NK эсийн тоо ба идэвх хэр байхыг харьцуулсан судалгаа хийхэд ойд алхсан судалгаанд оролцсон хүмүүсийн 80%, харин хотод алхсан хүмүүсийн 10% нь NK эсийн тоо ба үйл ажиллагаа сэргэсэн үзүүлэлт гарчээ.
Түүгээр ч зогсохгүй, байгалийн алуурчин эсийн идэвхжил нь ойд аялснаас хойш 30 хүртэл хоногийн турш үргэлжилдэг болохыг судлаачид тодорхойлсон байна.
Амралтын өдрөөр гэр бүлээрээ, хамт олноороо салхинд гарч, модтой ууланд алхаж байгалийн сайхныг мэдэрч байгаарай. Шувуудын жиргээ, ойн чимээ, давирхайн үнэр...бүгд гайхамшиг.
Байгалиас үнэгүй эрүүл мэнд, баялаг авдаг шигээ “ээлтэй аялагч” байвал аз жаргалын дааврууд нэмэгдэн дархлаа улам сэргэх болно.
Мөн, цэвэр байгалийн гаралтай антиоксидант агуулсан дэмжих бүтээгдэхүүн хэрэглэж NK эсийн нөхөн төлжилтийг нэмэгдүүлээрэй.
