T Queen

11/04/2025

“Гүйцээхийн хүсэл”

Би мэдэрмээр байна —
Дутуу бүхнээ гүйцээж,
Дундуур сэтгэлээ дүүргэж,
Хайраас холдсон хором бүрээ
Нөхөж очоод
Холдохгүйгээр хэлхэлдсэн
Хос зүйлс шиг —
Хамтдаа оршихыг мөрөөдмөөр байна.

Буцахдаа ч —
Нэгэн бүхэл болж буцмаар.
Үнэ цэнэтэй бүхэн цэцэглэж,
Үзэсгэлэнтэй бүхнээ
Дэлгэрч байхыг хармаар.

Үлгэрийн хайрын энергид
Ухаанаа алдталаа
туучиж,
Зоригтой шийдмэг зангаа
Зорилгынхаа эгшигт хөглөөд,
Газар дэлхийд би
Сайн сайхан юуг
Дархалмаар байна.

Миний алхам
Гэгээ дагуулж,
Миний зүрх
Хайрын гэрэл түгээж,
Миний оршихуй
Мөнх гоо сайхныг
Цэцэглүүлж байг.

11/04/2025

“Хайрын гэрэлтэй зам”

Хайрлах зай байгааг,
Санах үедээ харж байг гэж
Бурхан чамд гэрэл үлдээсэн.
Шаналах үедээ зоригж гэж
Сэтгэлд чинь итгэл үлдээсээн.

Цөхрөх мөчид —
Найдварыг ойрхон байдгийг
Зөн совингоор чинь баталсан.
Эмзэгхэн хайраар
Чи дотоод хүчээ таньсан.

Өөртөө шийд гарга…
Чи хайрын замыг сонгож чадна.
Харин энэ удаа —
Өөрийгөө хохироохгүйгээр
Бүх мэдрэмжээ туулж чадна.

Хайр бол зүгээр л нулимс биш.
Хайр бол өөрийгөө марталт биш.
Хайр бол зүрхний чинь гэрэлт хязгаар —
Өөрийгөө хайрлаж байж
Бусдыг үнэнээр хайрлах
Цорын ганц хаалга юм.

11/04/2025

“Хэлж зүрхлээгүй хайрын тайтгаруулал”

Уулзмаар байсан…
Гэхдээ чимээгүй өнгөрсөн.
Би биш —
Санамсаргүй айдастай учирсан.
Тэр нь бидний хүсэл биш байсан шүү.

Нүд минь чам руу харж
Зүрх минь тийш алхах гэтэл,
Уруул таг, алхаа хүнд —
Дотор минь зуун хэмнэл зөрсөн.

Хэлж зүрхлээгүй хайрын хариуд
Бухимдал биш —
Өршөөл илгээе.
Учрах ёстой бол
Зам өөрөө нааш алхана.

Одоо бол
Өөрийгөө зовоолгүй санах л үлдлээ.
Зүрх минь чамд очих гэж
Байн байн чимээгүйхэн цохилж байгааг
Чи сонссон ч юм билүү…

02/02/2025

31/01/2025

“Хайрын тухай”

“Чи зүрхээ онгойлговол
Гэрэл дүүрч,
Чи өөрийгөө мартвал
Хайр ирнэ.”

31/01/2025

“Бүсгүй минь”

“Би чинийх, чи минийх,
Бид хоёр нэгнийхээ амьсгал,
Хайрын голдрилд урсах мөрөн

31/01/2025

Жалал ад-Дин Румигийн шүлгүүдээс…

“Зүрх сэтгэлийн дуудлага”

“Өчигдөр ухаалаг байхдаа
Дэлхийг өөрчлөхийг хүссэн.
Өнөөдөр мэргэн болохдоо
Өөрийгөө өөрчлөхийг хүснэ.”

27/01/2025

"Битгий харамс. Таны алдсан бүх зүйл өөр хэлбэрээр эргэж ирдэг.
Хөдлө, гэхдээ айдсаас төрсөн хөдөлгөөнөөр бүү хөдөл”

Румигийн шүлгээс…

Rumi’s poems:

“Don’t grieve. Anything you lose comes round in another form.
Move, but don’t move the way fear makes you move

19/01/2025

Төгс Гэгээрсэн Их Багш Чинхай багшийн залуу насандаа бичсэн “Төрөл ялгуусан хайр” шүлэг