24/07/2016
Эвлүүлдэг тоглоом хүүхдийн ерөнхий суурь чадваруудад чухал нөлөөтэй гэнэ
Эвлүүлдэг тоглоомын талаархи нэгэн судалгааг Чикагогийн их сургуулийн судлаачид хийжээ.Тэд 2 жилийн турш энэхүү судалгааг хийсэн бөгөөд 26-46 сартай 53 хүүхдийг, янз бүрийн санхүүгийн боломжтой эцэг эхчүүдийн хамт судалгаандаа хамруулсан байна. Энэ хугацаандаа 90 минутын хугацаатай бичлэгийг 4 сар тутамд хийж дүгнэлт өгчээ.
Судалгааны үр дүнд 2-4 насны хүүхдүүд эвлүүлдэг тоглоомоор тоглох нь 4нас 6 сартайгаас эхлэн хүүхдийн суурь чадварууд нь сайжирч байв. Өөрөөр хэлбэл эвлүүлдэг тоглоом нь хүүхдийн ерөнхий төсөөлөх, сэтгэх чадварыг хөгжүүлдэг учраас математик, шинжлэх ухаан, технологи, ерөнхий мэдлэг эзэмшихэд чухал нөлөөтэй болохыг тогтоожээ.
Судалгааг явуулах, үр дүнг боловсруулахдаа эцэг эхчүүдийн сарын орлого, тэдний боловсрол, хүүхдүүдтэйгээ хэр их ярилцдаг зэргийг тооцолон үзсэн байна.
Дундаж орлоготой эцэг эхчүүдийн хувьд нэг эвлүүлдэг тоглоом тоглуулж, харин арай өндөр орлоготой эцэг эхчүүд нэгээс олон төрлийн эвлүүлдэг тоглоом тоглуулсан. Хооронд нь харьцуулж үзэхэд олон төрлийн эвлүүлдэг тоглоом тоглох нь хүүхдийн чадварыг илүү хөгжүүлж байв.
Үүнээс гаднахөвгүүд охидуудаас илүү суралцаж, чадвар нь дээшилж байсан байна. Хөвгүүд 54 сартайдаа сэтгэх, шилжүүлэх, толгойдоо төсөөлөх чадварнь охидуудаас өндөр байсан. Үүнийг эрдэмтэд магадгүй эцэг эхчүүд хөвгүүдтэй хамтдаа эвлүүлдэг тоглоом тоглох үедээ илүүтэй ярилцдагтай холбоотой байх гэж үзжээ. Учир нь тэдний яриа, сэтгэхүйг хамтран хөгжүүлдэг байж болох талтай бөгөөд, энэ талаар цаашид нарийн судлах нь зүйтэй гэсэн дүгнэлтэд хүрсэн байна.
Эх сурвалж-http://emch.mn/blog/2013/11/15/%D1%8D%D0%B2%D0%BB%D2%AF%D2%AF%D0%BB%D0%B4%D1%8D%D0%B3-%D1%82%D0%BE%D0%B3%D0%BB%D0%BE%D0%BE%D0%BC-%D1%85%D2%AF%D2%AF%D1%85%D0%B4%D0%B8%D0%B9%D0%BD-%D0%B5%D1%80%D3%A9%D0%BD%D1%85%D0%B8%D0%B9-%D1%81/
