03/02/2020
'ဝုန်း' ခနဲရောက်လာတဲ့ အဖေ့ရဲ့လက်သီးဒဏ်ကြောင့် ကျနော်ကြမ်းပြင်ပေါ်လဲကျသွားသည်။
အဖေ့ထိုးချက်က ခပ်ဖွဖွလေးဆိုပေမယ့် သူ့လက်မှာဝတ်ထားတဲ့ သိန်း၆၅၀တန်စိန်လက်စွပ်နှစ်ကွင်းကြောင့် ပါးမှာ ခပ်သေးသေးလေးရှသွားသည်။
' ရှင်တော်တော့နော် မွေးထဲက ခြင်ကိုက်တောင်မခံဘူးတဲ့ ကျမသားလေးကို ရှင်ကလက်သီးနဲ့ထိုးတယ်ပေါ့ '
အမေက အော်ဒါမှာထားတော့ သိန်း၃၀တန် ရွှေပုဝါဖြင့် သူ့မျက်ရည်တွေသုတ်ရင်း ပြေးဝင်လာသည်။
ကျနော်က မျက်ရည်စတွေနှင့်
' ထိုးပါအဖေ အဖေ့ ပရာဒိုတစီးကိုရောင်းပီး မိသားစုကိုလုပ်ကျွေးနေတဲ့ မောင်လေးကိုကျောင်းထားပေးနေတဲ့ကြယ်စင်ကို ကူညီပေးလိုက်တာ ကျနော့် ပရဟိတစိတ်ကြောင့်ပါ '
အမေကကျနော့်ကို ဖက်ထားသည်။
ကျနော်ငိုချလိုက်သည်။
အဖေက အံဆွဲထဲအလွယ်တကူထည့်ထားသော အောင်သမာဓိတံဆိပ်ပါရွှေတုံးတွေကိုထုတ်လိုက်ပီး ကျနော့်ကိုလှမ်းရွယ်ကာ
' ငါကောက်ထုတော့မှာ မင်းအိမ်ပေါ်ကဆင်း '
ကျနော် မျက်ရည်စတွေကိုသုတ်ပီး မတ်တပ်ထရပ်လိုက်သည်။
' သား သားအဖေကျေနပ်အောင်အိမ်ပေါ်ကတလလောက်ဆင်းလိုက်နော် ဒီစာအုပ်ထဲမှာ သိန်း၈၀၀ကျော်ရှိတယ် '
ဆိုပီး အမေက တိုးတိုးလေးကပ်ပြောကာ ဘဏ်စာအုပ်လေးကိုပေးရှာသည်။
ကျနော်ကဘဏ်စာအုပ်ကို မယူချင်ယူချင်လှမ်းယူလိုက်ပီး အဖေ့ကိုတည့်တည့်ကြည့်ကာ
' ဟုတ်ပါတယ်အဖေ ကျနော်ကသိုးမည်းပါ အဖေကျနော့်မျက်နှာကိုတလတိတိမမြင်စေရဘူး '
ဆိုပီး ရွှေမှုန်ရတီတို့မဝယ်ခင်ထဲက ကျနော် အရင်ဝယ်ထားသော LVအိတ်ထဲကို ပြင်ဦးလွင်မှာရှိတဲ့ ၁၀၀×၆၀ ပေါ်မှာဆောက်ထားသော အရင်က အင်္ဂလိပ်မင်းကြီးနေခဲ့ဖူးသော နှစ်ဆောင်ပြိုင်အိမ်ကြီးရဲ့အိမ်သော့ကို ထည့်ကာ ထွက်လာခဲ့သည်။
#မိုးမခအိပ်မက်ခရမ်းပြာ
