13/04/2026
အတာအိုး မဖြစ်မနေထိုးပါ
တမာ မာလကာ မြေဇာမြက်
အောင်သပြေ အုန်း ဇီးညွန့် တို့ပါအောင်လှူပါ
မုန့်လုံးရေပေါ်အနည်းငယ်ပြုလုပ်ပါ။
ဘုရားကပ်ပါ အိမ်သားများလည်း စားပါ
နံနက်ရောညပါ ပရိတ်တရားတော်များရွတ်ပါ ဖွင့်ထားပါ
ဇီဝိတဒါန ငါးလွှတ်ပါ။ ငါးစာ ခွေးစာ ငှက်စာကျွေးပါ။
နှစ်ဆန်းတစ်ရက်နေ့ ညနေ ၆နာရီ ၄၅မိနစ်တွင် ပုဗ္ဗဏှသုတ်တော်ကို မဖြစ်မနေရွတ်ဖတ်ပါ
နွမ်းပါးသူများကို
ဆန် လှူပေးပါ။
မိမိတို့ အိမ်သားအချင်းချင်း သင်္ကြန်ရေ စတိပက်ဖြန်း၍ နှစ်သစ်ကူးနိုင်ပါတယ်။
အိမ်ဘုရားကို ရေသပ္ပာယ်ပါ။ ဘုရားကျောင်းဆောင်ကို သန့်နေအောင် ရှင်းလင်းပူဇော်ပါ
သင်္ကြန်ရက်အတွင်း အနီမ၀တ်ပါနဲ့
အဖြူ အဝါ ၀တ်ပါ။
သက်ကြီးဘိုးဘွားများကိုလှူလျင်
လိမ္မော်ရေ ၁ဘူးပါအောင် ထည့်လှူပေးပါ။
ါရှင်
" အတာအိုးထားရခြင်း နှင့် အတာပန်းအကြောင်း "
သင်္ကြန်မှာ သိကြားမင်းတစ်ယောက် တကယ်ဆင်းမလာပေမယ့် မြန်မာတို့ရဲ့ ရိုးရာအယူအဆအရ သင်္ကြန်မှာ လူ့ပြည်ကို ဆင်းလာမယ့် သိကြားမင်းကို ကြိုဆိုတဲ့ အနေနဲ့ အတာအိုးထိုးကြတယ်လို့ ဆိုပါတယ် ။
အချို့ကလည်း နှစ်သစ်ကူး သင်္ကြန်ကို ကြိုဆိုတဲ့ အနေနဲ့ အတာအိုးထိုးကြတယ်လို့လည်း အယူရှိကြပြီး အေးချမ်းခြင်းဆိုတဲ့ အဓိပ္ပါယ်ကိုဖော်ဆောင်ပါသတဲ့....
အတာအိုး အတွင်းမှာတော့ နေ့နံ ၇ခုကို ကိုယ်စားပြုတဲ့ ပန်းတွေကို ထည့်သွင်းတတ်ကြပြီး အများအားဖြင့်တော့ အောင်နိုင်ခြင်း အထိမ်းအမှတ် ပန်းတမျိုးဖြစ်တဲ့ သပြေပန်းကို မပါမဖြစ်ထိုးတတ်ကြပါတယ်....။
နေ့နံ ၇ ရက်ကို ကိုယ်စားပြုတဲ့ ပန်းတွေကိုတော့ မိမိတို့နေရပ်နဲ့ အနီးအနားမှာ ရှိနေတဲ့ ပန်းတွေကို ရှာဖွေနိုင်ပြီး
ဥပမာ အားဖြင့် ဆိုရရင်...
တနင်္ဂနွေ - အ-ဥ = အုန်းရွက် သြဇာရွက်။
တနင်္လာ - က-ခ-ဂ-ဃ-င = ကန့်ကော်ပန်း ၊ ခရေ။
အင်္ဂါ - ဇီးရွက်။
ဗုဒ္ဒဟူး - ရွက်လှ ၊ ရေတမာ ၊
ကြာသပတေး = မြေဇာ ၊ မာလကာရွက်
သောကြာ - သပြေပန်း
စနေ - တမာရွက် ၊ ဒန်းပန်း တို့ပဲ ဖြစ်ပါတယ်။
သင်္ကြန် ၄ ရက်လုံး အတာအိုးနဲ့ ကြိုပြီး နှစ်ဆန်းတစ်ရက်နေ့ ရောက်တဲ့အခါ သဲဖြူချည်ကြိုးတွေ ထပ်ဖြည့်ပြီးအန္တရာယ်ကင်းပရိတ်ရွတ်ကြတဲ့အခါ "အတာအိုး" နဲ့ အတာပန်း ကနေ " ပရိတ်အိုး နဲ့ ပရိတ်ပန်း" အဖြစ် အသွင်ကူးပြောင်းပြီး မိမိတို့ အိမ်ပတ်လည်မှာ " ပရိတ်ပန်း" ပရိတ်သဲ တွေနဲ့ ကာရံပြီ အန္တရာယ် ကင်းအောင် ပြုလုပ်ခြင်းဖြစ်တယ်လို့ ရှေးရိုး အဆင်အဆက်ထဲက ယူဆထားကြပါတယ်။ ။
ခရက်ဒစ်...
🇲🇲 ရှေးခေတ်မြန်မာပုံရိပ်များ
ပြန်လည်မျှဝေပါသည်
Sai Min Thant
✔️✔️
#အတာအိုးအကြောင်းသိကောင်းစရာများ
အတာအိုးဆိုတာ သင်္ကြန်တွင်းမှာ သိကြားမင်းက လူ့ပြည်ကို ဆင်းလာတယ်လို့ အယူရှိတယ်။ အဲ့ဒီအချိန်မှာ သိကြားမင်းကို ကြိုတာပေါ့။ အဲ့ဒီအချိန်အတွင်းမှာ မကောင်းမှု တတ်နိုင်သမျှမလုပ်ဘဲ ကောင်းမှု ကုသိုလ်နဲ့ပဲမွေ့လျော်ကြပါတယ်။ ဒီလိုပါပဲ အတာအိုးနဲ့အတူ အတာပန်းဆိုတာရှိတယ်။ အတာပန်းတွေကတော့........
တနင်္ဂနွေဆို အ-ဥ -အုန်းရွက်၊သြဇာရွက် ၊
တနင်္လာအတွက်ဆို … က -ခ-ဂ-ဃ-င ထဲက ကန့်ကော်ပန်း၊ခရေ
အင်္ဂင်္ါဆို ဇီးရွက်၊
ဗုဒ္ဓဟူးဆို ရွက်လှ၊ရေတမာ၊
ကြာသပတေးဆို မြေဇာ၊မာလကာရွက်၊
သောကြာဆိုသပြေပန်း၊
စနေဆို တမာရွက်၊ ဒန်းပန်း၊ အစရှိသဖြင့်...... နေ့ ၇ နေ့ကိုကိုယ်စားပြုတဲ့ ၇ နေ့နံပန်းနဲ့ပါ။ တချို့ကလည်း ပတ်၀န်းကျင်ကိုမူတည်ပြီး ဒန်း၊ ဇီး၊ စသည်ဖြင့် ထည့်ကြတယ်။ သင်္ကြန် ၄ရက်လုံး အတာအိုးနဲ့ကြိုပြီး နှစ်ဆန်းတစ်ရက်နေ့ရောက်တော့ သဲဖြူ၊ ချည်ကြိုးတွေထပ်ဖြည့်ပြီး အန္တရာယ်ကင်း ပရိတ်ရွတ်ကြတဲ့အခါ “အတာအိုး” နဲ့ “အတာပန်း” ကနေ “ပရိတ်အိုး” နဲ့ “ပရိတ်ပန်း”အဖြစ် အသွင်ကူး ပြောင်းပြီး မိမိတို့အိမ် ပတ်ပတ်လည်မှာ “ပရိတ်ပန်း” “ပရိတ်သဲ” တွေနဲ့ ကာရံပြီး အန္တရာယ်ကင်းအောင်လုပ်တယ်လို့ အယူရှိတယ်။
#သင်္ကြန်ပုံပြင်
တစ်ခါက သိကြားမင်းနှင့် ဗြဟ္မာမင်းတို့ ၂-ယောက် စကားလက်ဆုံ ပြောကြရာ ‘ကဿပဘုရားရှင်လက်ထက် မတိုင်ခင်က လူ့ပြည်၌ တစ်ပတ်လျှင် ၈-ရက်ရှိခဲ့ပြီး ယခုအခါ ၇-ရက်သို့ ပြောင်းသွားပြီဖြစ် ကြောင်း’ သိကြားမင်းက ပြောလေရာ ဗြဟ္မာမင်းက မဖြစ်နိုင်ဘူးဆိုကာ ငြင်းခုံကြပါသတဲ့။
ထို့နောက် ရှူံးတဲ့သူ ခေါင်းဖြတ်ခံကြေးဟုသတ်မှတ်ကာ လူ့ပြည်သို့ ဆင်းပြီး ထိုအချိန်က သီလ၊ သမာဓိနှင့် ပြည့်စုံသည့် ရသေ့ထံတွင် အဆုံးအဖြတ် ခံယူကြပါသတဲ့။ အဘိဉာဏ်ရ ရသေ့က ယခုအခါတွင် လူ့ပြည်တွင် တနင်္ဂနွေအစ စနေအဆုံး ၇-ရက်သာ ရှိတော့သည်ဟု အဆုံးအဖြတ်ပေးခဲ့လေသတဲ့။ ဗြဟ္မာမင်းလည်း သူ့ကတိအတိုင်း သူ၏ဦးခေါင်းကို အဓိဋ္ဌာန်ဖြင့်ဖြတ်ပြီး သိကြားမင်းလက်သို့ ပေးအပ်လိုက်ပါတယ်။
ထို ဗြဟ္မာဦးခေါင်းပြတ်ကြီး သိကြားမင်းလက်ထဲသို့ ရောက်သည့်အခါ ဒီဗြဟ္မာဦးခေါင်းပြတ်ကြီးကို မြေပေါ်ချထားလျှင် ၇-နှစ် ကမ္ဘာမီးလောင်ပြီး မိုးခေါင်လိမ့်မည်၊ ရေတွင်ထားပါကလည်း သမုဒ္ဒရာ ၇-စင်းမှ ရေများ ခန်းခြောက်သွားလိမ့်မည်လို့ သိကြားမင်းက စဉ်းစားမိသတဲ့။ ဒါနဲ့ မြေမှာလည်း မထား၊ ရေသို့လည်း မပို့တော့ဘဲ နတ်သမီး ၇-ယောက်ကို တစ်ဦးလျှင်တစ်နှစ်စီ ဗြဟ္မာဦးခေါင်းကို ကိုင်ထားရန် တာဝန်ပေးလိုက်သတဲ့။
ထိုနတ်သမီးတွေရဲ့ တစ်ဦးမှတစ်ဦးသို့ ဗြဟ္မာဦးခေါင်းကိုင်ရန် အလွှဲအပြောင်းကို သင်္ကန္တလို့ခေါ်ပြီး ထိုမှရွေ့လျောဆင်းသက်ကာ သင်္ကြန်ဆိုတာ ဖြစ်လာပါသတဲ့။ ဒါကတော့ သင်္ကြန်နဲ့ပတ်သက်လို့ ပြောတတ်တဲ့ ပုံပြင်ပါ။
မြန်မာပြည်မှာ တစ်နှစ်တစ်ခါ ထုတ်ဝေတဲ့ သင်္ကြန်စာများမှာလည်း ဗြဟ္မာမင်းကြီးရဲ့ဦးခေါင်းကို လွှဲပြောင်းပေးနေပုံကို ဖော်ပြလေ့ရှိတာ သတိပြုမိပါတယ်။
ဘာပဲပြောပြော သင်္ကြန်ဆိုတာ ပြောင်းရွှေ့ခြင်းအဓိပ္ပာယ်လို့သာ လွယ်လွယ် မှတ်လိုက်ကြပါစို့။
#မြန်မာသင်္ကြန်ပွဲတော်များအစပုဂံခေတ်က
ရှေးမှတ်တမ်းများအရ ရေကစားပွဲတော်ကို ပထမဆုံး စတင်ခဲ့သည့် ဘုရင်မှာ ပုဂံခေတ်၊ နရသီဟပတေ့မင်းလက်ထက်တွင်ဟု သိရပါတယ်။ ထိုမင်းသည် ရေကစားပွဲတော်တွင် သူ၏မိဖုရား စောလုံကို စ,နောက်မိခဲ့ဖြင့် စောလုံမှ ထမင်းပွဲတွင် အဆိပ်ထည့်ကာ လုပ်ကြံသည်အထိ ဖြစ်ခဲ့ပါတယ်။ ဘုရင်က အချိန်မီသိရှိသဖြင့် အသက်မသေခဲ့ဘဲ မိဖုရားစောလုံကို မီးကျီးခဲရဲရဲတွင် မီးကင်သတ်စေခဲ့ပါတယ်။ သင်္ကြန်အစ ကြေကွဲစရာ မှတ်တမ်းလေးတစ်ခုဟုသာ ဆိုပါရစေ။
#ရှောင်ကြဉ်ဖွယ်ရာအဖြာဖြာ
ရှေးပညာရှိကြီးတွေဟာ အတာနှစ်ဦးမှာ ရှောင်ကြဉ်ရမယ့် ဓလေ့တချို့ သတ်မှတ်ထားတာ မှတ်သား သတိပြုဆင်ခြင်ဖွယ် တွေ့ရပါတယ်။ အဲဒါတွေက သင်္ကြန်အခါမှာ ......
(၁) ငိုကြွေးခြင်း၊ ပူဆွေးခြင်း။
(၂) လိင်ဆက်ဆံခြင်း။
(၃) သူတစ်ပါးအသက် သတ်ဖြတ်ခြင်း။
(၄) အရက် မူးယစ်ဆေးဝါး သုံးစွဲခြင်း။
(၅) စိတ်ဆိုးခြင်း၊ ခိုက်ရန်ဖြစ်ခြင်း။
(၆) သွေးဖောက် သွေးထုတ်ခြင်း။
(၇) ဆီလိမ်း ဆေးလိမ်းခြင်း။
(၈) သစ်ပင်ခုတ်ဖြတ်ခြင်း၊ ထင်းခုတ်ခြင်း။
(၉) ကုန်ပစ္စည်း ဝယ်ယူသိုလှောင်ခြင်း။
(၁၀) ကုန်ပစ္စည်း ရောင်းချခြင်း၊ ဆိုင်ထွက်ခြင်း မပြုကြရဘူး ဆိုတာပါပဲ။(သူ့ခေတ်သူ့အခါ သူ့ဓလေ့ထုံးစံ သူ့အကြောင်းအကျိုးနဲ့သူ ရှိပါလိမ့်မယ်။)
သင်္ကြန်တွင်းသာမဟုတ်ဘဲ ဘယ်အချိန်အခါမဆို မကောင်းသော အပြုအမူ၊ အပြောအဆို၊ အကြံအစည်တွေကို ရှောင်ကြဉ်ရပါတယ်။
#သင်္ကြန်ချိန်ခါပြုဖွယ်ရာများ
“မဟာသင်္ကြန်”နှင့်တွဲဖက်၍ “အတာ”၊ “အတာစား” ဟူသော ဝေါဟာရတို့ကို ပြောဆိုသုံးစွဲကြတာကို တွေ့ရပါတယ်။
“အတာ”ဟူသည် လောကီအလို ‘ဒဏ်သင့်ခြင်း’ ဖြစ်သည်။ တစ်နည်းအားဖြင့် ‘အန္တ-အဆုံး’ဟူသော ပါဠိပုဒ်မှ ‘အတာ’ဖြစ်လာသည်ဟုလည်း ကြံဆကြပါတယ်။
ယင်းအလိုအားဖြင့် “အတာ”ဟူသည် ‘နောက်ဆုံးကာလ၊ အကျပိုင်းကာလ’ကို ဆိုလိုပါတယ်။
#အတာရက်ကိုဤသို့ဆို
“အတာရက်”မှာ သင်္ကြန်အတက်ရက်ဖြစ်၏။ နှစ်တစ်နှစ်၏ နောက်ဆုံးရက်ပင် ဖြစ်တယ်။ သင်္ကြန်အတက်ရက်နှင့် မွေးနေ့တိုက်ဆိုင်သူများသည် “အတာသင့်”သူများ ဖြစ်လာပါတယ်။ ဒါကိုပင် အတာစားသည်ဟု ပြောဆိုသုံးစွဲနေကြပါသေးတယ်။
အတာစားသည့် နေ့နံသားသမီးတို့သည် အတာတက်မည့်အချိန် အတိအကျတွင် “အတာစား”ရပါတယ်။ အတာစားဟူသည် အတာတက်ချိန်မှာ ကောင်းမွန်သန့်ရှင်းစွာ ဝတ်စားဆင်ယင်လျက် အရှေ့တောင်အရပ်သို့ မျက်နှာမူကာ ပူဇော်ရိုသေထိုက်သူများကို လှူဖွယ်ပစ္စည်းတို့ဖြင့် ဆက်ကပ်ခြင်း လှူဒါန်းပူဇော်ခြင်း ပြုကြရတယ်လို့ ဖော်ပြထားတာတွေ တွေ့ရပါတယ်။
#အတာစားခြင်းအကျိုးအမျိုးမျိုး
အတာစားခြင်း၏ အကျိုးကား … အတာပုည၊ ကုသလကို၊ ပြုကြကုန်သော၊ အမျိုးသားအမျိုးသမီးတို့သည် “အတာကမ္မံ ကရောန္တဿ မဟာဘောဂံ မဟာသုခံ မဟပ္ဖလံ စတုဒ္ဒိသံ ဝေရီဇေယျသုမင်္ဂလံ”ဟု ရှေးပညာရှိတို့ ရေးဖွဲ့ခဲ့သည်နှင့်အညီ ထိုကဲ့သို့ ရတနာသုံးပါးစသည်တို့အား လှူဒါန်းပူဇော်ကြသော သူတို့သည် ကောင်းကျိုးချမ်းသာ မင်္ဂလာတရား ပြန့်ပွားတိုးတက် ပြည့်စုံကုန်ရာသည်ဟု မှတ်သားရဖူးပါတယ်။
#အတာအိုးအတာပန်း
အတာအိုးကို သင်္ကြန်ကို စောင့်ကြိုသည့်အနေဖြင့် သင်္ကြန်မကျခင် ကြိုတင် ပြင်ဆင်ရသည်။ (၇)ရက်သားသမီးတို့အတွက် ရည်ရွယ်၍ ပန်း ၇-မျိုးဖြစ်စေ၊ အညွန့် ၇-မျိုးဖြစ်စေ ရေပြည့်အိုးမှာ ထိုးလေ့ ထည့်ကြလေ့ရှိပါတယ်။
အညာနယ်ဘက်မှာတော့ သင်္ကြန်ကျသည်နှင့်တစ်ပြိုင်နက် အတာ အိုးမှ ရေကိုသွန်၍ သင်္ကြန်ပန်း၊ သင်္ကြန်အညွန့်တို့ကို အိမ်ဦးဝင်းထရံ စသည်တို့၌ ထိုးစိုက်ကာ နှစ်သစ်မှာ ဘေးရန်ကင်းကွာ ကိုယ်စိတ်နှစ်ဖြာ ကျန်းမာချမ်းသာဖို့ ဆုတောင်းဆုယူ ပြုကြလေ့ရှိပါသည်။
(အထက်ဖော်ပြသည်များကတော့ ရိုးရာဓလေ့ထုံးစံကဲ့သို့ဖြစ်နေ သောကိစ္စရပ်များသာဖြစ်ပါသည်။)
#အတာအိုး
