04/08/2022
ရာသီဥတု စိုစွတ်တော့ ကိုယ့် cosmetic တွေသတိထားရအောင် The Rosie Edit ရဲ့ post လေး sharing ~
[TIP] PREVENT MOLD ON YOUR MAKEUP DURING MONSOON
Is your product molded?
မိုးတွင်းမှာ မိုးရွာလိုက်၊ ပြန်ခြောက်လိုက်ဖြစ်တဲ့အတွက်ကြောင့် လေထုစိုထိုင်းဆမြင့်တက်လာတာနဲ့ အတူ အပူချိန်ကလည်းသမမျှတတဲ့အခြေအနေမှာရှိနေတတ်တဲ့အတွက်ကြောင့်မို့လို့ မှိုတွေပေါက်ဖွားမှုက ကျန်တဲ့ရာသီဥတုတွေနဲ့မတူဘဲ ပိုမိုပြီးတော့ဖြစ်တတ်တယ်။ အဲ့ဒါကြောင့် two way cake, eye-shadow palette, blusher, two way powder အဲ့ဒီလိုမျိုးပစ္စည်းတွေမှာမှိုတွေစွဲတာမျိုးက ဖြစ်လေ့ဖြစ်ထရှိတယ်ပေါ့နော်။
မှိုစွဲတာကို ဘယ်လိုမျိုးသိနိုင်လဲ -
(၁) အနံ့ကအောက်သိုးသိုးအနံ့လိုမျိုးဖြစ်လာတယ်။ အရင်က အမွှေးနံ့ရှိထားပြီးသားပစ္စည်းတွေဆိုရင်ပိုသိသာတယ်။ အမွှေးနံ့ပျောက်သွားပြီးတော့ အောက်သိုးသိုးမှိုနံ့လိုမျိုးကိုထွက်လာတယ်။ ဒါမျိုးက powder တွေမှာအဖြစ်များတယ်။
(၂) အရောင်ပြောင်းသွားတယ်။ အရောင်က အရင်ကလိုမျိုးမဟုတ်တော့ဘဲ အစိမ်းလိုလို၊ ခဲလိုလိုမျိုးအရောင်ဘက်ကိုသန်းလာတာမျိုး။
(၃) Two-way cake, eye-shadow, blusher တွေမှာအပေါ်ဆုံးအလွှာမှာ အစိမ်းရင့်ရင့်လို၊ ခဲရောင်လိုလိုနဲ့ မှိုတွေတက်လာတယ်။ အဲ့ဒီလိုအရောင်တက်လာတာမျိုးဆိုရင် မှိုဖြစ်လာတယ်လို့သတ်မှတ်လို့ရတယ်။
မှိုစွဲသွားတဲ့ပစ္စည်းတွေကိုမသုံးဘဲပစ်ထုတ်လိုက်တာအကောင်းဆုံးပဲ။ မှိုစွဲသွားတယ်ဆိုတည်းက product အထဲမှာသုံးထားတဲ့ မှိုမတက်အောင်ထည့်ထားတဲ့ anti-microbes/ anti-fungal ကမထိရောက်တော့တာကြောင့်လည်းဖြစ်နိုင်သလို expire ဖြစ်သွားတာလည်းဖြစ်နိုင်တယ်။ အဲ့ဒီလိုမျိုးဖြစ်သွားတဲ့အတွက်ကြောင့်မို့လို့ မှိုတွေစွဲတာကတော့ဖြစ်နိုင်ချေအများဆုံးအချက်အလက်ပဲ။ မှိုက အခဲလို၊ ပေါင်ဒါလိုမျိုးမှာဖြစ်တတ်သလို၊ skincare အရည်တွေမှာလည်းဖြစ်တတ်တယ်။ အရည်တွေ၊ cream type တွေမှာဖြစ်တာမျိုးကတော့ အခဲတွေ၊ အမှုန့်တွေမှာမှိုစွဲသလိုမျိုးရှာရသိပ်မခက်ဘူး။ အရည်ထဲမှာအနက်၊ ခဲရောင်လိုအစက်တွေဖြစ်လာတာမျိုးဖြစ်တာကြောင့် မြင်ရတာလွယ်တယ်။
“မှိုမစွဲအောင်ဘယ်လိုမျိုးကာကွယ်လို့ရလဲ”
(၁) Skincare, makeup တွေကိုခြောက်သွေ့ပြီးတော့ အပူချိန်တသမတ်တည်းလောက်ဖြစ်မယ့်နေရာ၊ မပူလွန်း၊ မအေးလွန်းတဲ့နေရာမှာထားပါ။ အထူးသဖြင့် ပူလိုက်အေးလိုက်မဖြစ်အောင်ထားပါ။ ဒီအချက်ကို အထူးသဖြင့် skincare တွေ၊ makeup တွေကို fridge, skincare fridge (skincare သိမ်းတဲ့ ရေခဲသေတ္တာ) တွေလိုမျိုးနေရာတွေမှာထားတတ်တဲ့သူတွေအနေနဲ့သတိထားစေချင်ပါတယ်။ အခုနောက်ပိုင်းမီးပြတ်လိုက် လာလိုက်ဖြစ်တတ်တဲ့အတွက်ကြောင့် မိုးရာသီမှာ ပူလိုက်အေးလိုက်ဖြစ်ပြီးတော့ မှိုတွေစွဲတတ်တယ်။ ရေချိုးခန်းထဲမှာ မျက်နှာသစ်ဆေးနဲ့ cleanser, makeup remover တွေလောက်ကိုပဲသိမ်းပြီးတော့ ကျန်တဲ့ပစ္စည်းတွေကို အပြင်မှာသိမ်းတာပိုပြီးတော့ကောင်းတယ်။
(၂) မိတ်ကပ်တွေကိုလိမ်းတဲ့ makeup sponge တို့ brush တို့ တို့ဖတ်တို့ကိုမိတ်ကပ်လိမ်းရင် မိတ်ကပ်တစ်ခါလိမ်းရင် တစ်ခါပဲသုံးပါ။ သုံးပြီးဆေးကြောပါ။ မဆေးကြောဘဲနဲ့ မိတ်ကပ်လိမ်းတိုင်း အခါခါပြန်ပြန်ပြီးသုံးတဲ့အခါမှိုတွေကပ်စွဲသွားနိုင်တဲ့ ရာခိုင်နှုန်းကိုတိုးမြင့်စေနိုင်တယ်။ Makeup sponge, brush နဲ့ တို့ဖတ်တွေကိုသုံးပြီးတဲ့အခါ ဆပ်ပြာနဲ့သေသေချာချာစင်နေအောင်ဆေးကြောပြီးတော့ လုံးဝခြောက်သွေ့သွားအောင်လုပ်ပါ။ နေလှန်းပြီးတော့ခြောက်အောင်လုပ်တာကအကောင်းဆုံးဖြစ်ပေမယ့် မိုးရာသီလိုမျိုးနေလှန်းဖို့ခက်ခဲတဲ့အချိန်မျိုးမှာတော့ ရေကိုစင်နေအောင်ညှစ်ပြီးတော့ တတ်နိုင်သမျှခြောက်အောင်လုပ်တာကအကောင်းဆုံးပဲ။
(၃) ဖူးပွင့်အမြဲတမ်းပြောနေကျပေါ့နော်။ Preservative, anti-microbes, anti-fungal တွေမပါတိုင်းမကောင်းတာမဟုတ်ဘူးဆိုတာကတော့ ဒီအချက်ပါပဲ။ အဲ့ဒီ ingredient တွေက မှိုမစွဲအောင်တတ်နိုင်သမျှထိန်းပေးပါတယ်။ တန်ဆေးလွန်ဘေးဖြစ်တာကြောင့်မို့လို့ စိတ်ချယုံကြည်ရတဲ့ကွာလတီကိုထုတ်ပေးတဲ့ product တွေကိုသုံးတာကအကောင်းဆုံးပဲ။
မှိုစွဲနေတဲ့ product တွေကိုသုံးမိတဲ့အခါဘာဖြစ်မလဲ။ အဖြစ်နိုင်ဆုံးကတော့ allergy တွေထတာမျိုး၊ ယားယံတာမျိုးတွေဖြစ်နိုင်ပြီးတော့ အသားအရေမှာပြဿနာတွေဖြစ်နိုင်ပါတယ်။ အကယ်၍ မှိုစွဲနေတဲ့ product တွေကိုသုံးမိလို့အသားအရေပြဿနာတွေဖြစ်လာခဲ့ပြီဆိုရင်တော့ အကောင်းဆုံးကဆရာဝန်ဆီသွားတာပါပဲ။
မိုးတွင်းမှာဖြစ်လေ့ဖြစ်ထရှိတာလေးတွေကို အားလုံးသတိထားမိသွားအောင်ရေးပေးလိုက်ပါတယ်။
Stay safe. Stay healthy.
Love,
Rosie
Note – Post အား copy paste လုပ်ပြီး share ခြင်းအားတားမြစ်ပါသည်။
