06/12/2020
နည်းမျိုးစုံဘယ်လိုလုပ်လုပ် ဝက်ခြံမပျောက်ဘူးဖြစ်နေပါသလား????
မင်မင်ပြောတဲ့ အပြောင်းအလဲပါးပါလေးပုတ်ကြည့်လိုက်ပါ။ သက်သာလာပါလိမ့်မယ်
ဝက်ခြံသက်သာစေဖို့ အပြောင်းအလဲ ၁၀ခုအကြောင်း မင်မင်ပြောပြပေးသွားပါ့မယ်
၁ - ဘယ်ဝက်ခြံဆေးမဆို အာနိသင်ပြဖို့အနည်းဆုံး ၄ပတ်လောက်လိုပါတယ်
ဝက်ခြံလိမ်းဆေးတွေကို ဝက်ခြံပျောက်ချင်လို့ လျောက်လိမ်းနေတာက ဝက်ခြံတွေကို ပိုဆိုးစေပါတယ်
ဝက်ခြံဆိုတာမျိုးက အခုချက်ချင်းလိမ်း အခုချက်ချင်းပျောက်တဲ့အရာမျိုးမဟုတ်ပါဘူး
အားပြင်း ဓာတုဒြပ်ပေါင်းတွေပါရင်တောင် အနည်းဆုံး၄ပတ်လောက်အချိန်ယူရပါတယ်
လိမ်းတာနဲ့ ပျောက်မယ်ဆိုပြီးရောင်းနေရင်တော့ မယုံပါနဲ့တော့
အဲ့တော့ ဝက်ခြံလိမ်းဆေးတစ်မျိုးလောက်ကိုပဲ စွဲစွဲမြဲမြဲလိမ်းသွားပေးပါ
ဝက်ခြံတွေပျောက်သွားရင်တောင်မှ နောက်ထပ်မထွက်ဖို့ရာ ဆက်လိမ်းပေးနေဖို့လိုပါတယ်
၂ - ဝက်ခြံဖြစ်စေတဲ့အကြောင်းအရင်းဟာ တစ်ခုထက်ပိုနေနိုင်ပါတယ်
လိမ်းဆေးတစ်မျိုးတည်း စွဲစွဲမြဲမြဲသုံးလာတာတောင်မှ ၆ ပတ်လောက်အထိ ဝက်ခြံတွေမသက်သာဘူးဆိုရင် ဘက်တီးရီးယားတွေ၊ ချွေးပေါက်ပိတ်တာတွေနဲ့ ရောင်ရမ်းခြင်းတွေလိုမျိုး အကြောင်းအရင်းတွေထပ်နေတာဖြစ်နိုင်ပါတယ်
နောက်ထပ်ထည့်လို့ရတဲ့ ဝက်ခြံဆေးတွေကတော့ အောက်ပါအတိုင်းပဲဖြစ်ပါတယ်
Benzyl Peroxide - ဝက်ခြံဖြစ်စေတဲ့ဘက်တီးရီးယားတွေသတ်ပေးပါတယ်
Retinoid - ဥပမာ Tretinoin တို့ Adapalene တို့က ချွေးပေါက်တွေပွင့်စေပြီး အဆီပြန်တာနည်းစေပါတယ်
Salicylic Acid - အရောင်ကျစေပြီး ချွေးပေါက်တွေပွင့်စေပါတယ်
အဲ့ထဲက Retinoid တွေကတော့ ဆရာဝန်ဆေးစာပါမှ ဝယ်လို့ရနိုင်ပါမယ်
အဲ့တော့ Benzyl Peroxide ကိုမနက်နဲ့ Salicylic Acid ကိုညဘက်သုံးပေးလို့ရပါတယ်
သူတို့တွေက အသားခြောက်တတ်လို့ သုံးမယ်ဆိုရင် Moisturizer လိုက်ဖို့လိုပါတယ်
မလိုက်လို့ကတော့ အသားတင်မကဘူး လူပါခြောက်သွားနိုင်ပါတယ်
၃ - ဝက်ခြံဆေးတွေက ပြင်းတာကြောင့် ဆောင်ရန်ရှောင်ရန်တွေသေချာလိုက်နာပါ
ဝက်ခြံဆေးတွေသုံးမယ်ဆိုရင် အထိရောက်ဆုံးနဲ့ အကောင်းဆုံးဖြစ်ချင်တယ်ဆိုရင်တော့ အရေပြားဆရာဝန်အရင်ပြထားတာကောင်းပါတယ်
အပေါ်ကဆေးတွေပဲပေးမှာဖြစ်ပေမယ့်လို့ ဆရာဝန်တွေက ချိန်ဆပြီးသေချာပေးနိုင်တာကြောင့် ဆိုးကျိုးအနည်းဆုံးနဲ့ အာနိသင်အပြည့်အဝရနိုင်မှာဖြစ်ပါတယ်
၄ - ပုံမှန်တစ်နေ့၂ခေါက်မျက်မှာသစ်ပေးပြီး ချွေးအရမ်းထွက်တိုင်းလည်း မျက်နှာသန့်စင်ပေးပါ
ဝက်ခြံထွက်တဲ့သူတွေဟာ မျက်နှာခဏခဏသစ်လို့မရပါဘူး
အဲ့တော့ အိပ်ရာထချိန်၊ အိပ်ရာဝင်ချိန်နဲ့ လေ့ကျင့်ခန်းလုပ်ပြီးချိန်တို့မှာသာ မျက်နှာသစ်ပေးသင့်ပါတယ်
၅ - Scrub တိုက်တာတွေရှောင်ပါ
ဝက်ခြံထွက်တတ်တဲ့သူဆိုရင် Scrub တိုက်တာရှောင်သင့်ပါတယ်
ဝက်ခြံတွေပိုဆိုးလာနိုင်လို့ပါ
Scrub အစား Peeling သုံးပေးလို့ရပါတယ်
အပေါ်မှာပြောခဲ့တဲ့ Salicylic Acid ဟာ Peeling တစ်မျိုးပါပဲ
၆ - ဝက်ခြံမထွက်စေတဲ့ Cosmetic တွေသာ သုံးပါ
Paraban-free, Oil free, Non-comedogenic, Non-acnogenic နဲ့ Won’t clog pore တို့လို စာတွေပါမှသာ ဝက်ခြံမဖြစ်စေတဲ့ Skin Care လို့သတ်မှတ်လို့ရပါတယ်
၇ - ဝက်ခြံကို မညှစ်နဲ့၊ မထိနဲ့ မကုတ်ပါနဲ့
ဝက်ခြံဆိုတာ ညှစ်မှပျောက်မယ်ဆိုတာ ခေါင်းထဲကထုတ်လိုက်ပါ
ညှစ်လေပိုဆိုးလေပါပဲ
ခဏခဏသွားထိနေရင်လည်း ပိုးတွေပိုပြန့်နိုင်ပါတယ်
ကုတ်တာကတော့ အမဲစက်၊ အမာရွတ်ကျန်တာပါပိုဆိုးလာနိုင်ပါတယ်
၈ - ဝက်ခြံလိမ်းဆေးတွေကို ဝက်ခြံပေါ်သာမတင်ပါနဲ့
ဝက်ခြံလိမ်းဆေးတွေကို ဝက်ခြံပေါ်မှာသာမက မျက်နှာတစ်ခုလုံးနှန့်အောင် အညီအညာလိမ်းပေးဖို့လိုပါတယ်
၉ - မျက်နှာနဲ့ထိနိုင်မယ့် ခေါင်းအုန်းစွတ်၊ သဘက်၊ အဝတ် Mask နဲ့ ဦးထုပ်တွေကို ပုံမှန်လျှော်ပေးပါ
ပြောစရာလိုမယ်မထင်ပါဘူး
ခေါင်းအုန်းစွတ်တွေ၊ သဘက်တွေမလျော်လို့ကတော့ ဝက်ခြံတင်မဟုတ်ဘူး၊ ဝဲတွေပါပေါက်လာနိုင်ပါတယ်
၁၀ - အပေါ်က ၉ခုဖင်ယားပြီးလို့ မပျောက်ရင်တော့ ဆရာဝန်ဆီသာပြေးပါတော့
အပေါ်ကဟာတွေလုပ်ပြီးလို့ မပျောက်ရင်တော့ အဖေခေါ်စရာဆရာဝန်ပဲကျန်ပါတော့တယ်
အခုခေတ်အရေပြားဆရာဝန်တွေက ဆေးပညာတိုးတက်လာမှုတွေကြောင့် သူတို့မကုနိုင်တဲ့ ဝက်ခြံဆိုတာ မရှိတော့ပါဘူး
ဆေးပညာတိုးတက်မှုကြောင့်နော် သူတို့တော်လို့မဟုတ်ဘူး
သူတို့ဆီသွားရင်တော့ ပျောက်ဖို့သေချာသလောက်ပါပဲ
အချိန်တစ်ခုတော့လိုတာပေါ့
ဖင်ယားမှုနောက်တစ်ခုကို ပြောပါ့မယ်
ဆရာဝန်တွေဆီသွားသွားပြီး ကိုယ်လိမ်းတာသူများပြန်ညွန်းတဲ့သူတွေကို မင်မင်တောင်းဆိုပါတယ်
ဆရာဝန်တွေက ကိုယ့်အတွက်သီးသန့် အဝတ်ချုပ်သလို ဆေးတွေကို ချိန်ပေးတာကို ကိုယ်ပျောက်ပါတယ်ဆိုပြီး သူများသွားဆေးထိုးတာလောက် ယုတ်မာတာမရှိပါဘူး
ကိုယ်ပျောက်ပေမယ့် သူများပိုဆိုးသွားနိုင်ပါတယ်
အခုတော့ဒီလောက်ပါပဲ
ပေါင်မုန့်မျက်နှာဘဝကကျွတ်ကြပါစေ
American Acadamy Of Dermatology က ကောက်နှုတ်တင်ပြထားပါတယ်
Crd
