14/12/2024
အစက တိမ်ပန်းချီ ရုပ်ရှင် သွားကြည့်မယ်လို့
စိတ်ထဲရှိပေမယ့်
“ငါက ထောင်ထဲက ပြန်ထွက်လာလည်း
မသူဇာနဲ့ပဲ ဘဝကို ရှေ့ဆက်မှာ
ငါ့ဘဝမှာ တိမ်ပန်းချီ ဆိုတာ မရှိတော့ဘူး” လို့
ပြောတာကြောင့် ကြည့်ချင်စိတ်ပါကုန်သွားခဲ့🥹
ဇာတ်ကားကြည့်နေစဉ် အချိန်အတွင်း
ဇာတ်ကောင်တွေ ကြိုးစားနေချိန်မှာ
ကြည့်ရှူသူရဲ့ မျှော်လင့်ချက်က
သူဟာ သူ့လုပ်ရပ်အတွက်
အမြင်မှန်ရလိမ့်မယ်လို့
မျှော်လင့်မိခြင်းပဲ…
ဇာတ်အိမ် တလျှောက်လုံးကို
အေးအတူ ပူအမျှ
ခံစားပေးလာခဲ့ပြီးမှ
နောက်ဆုံး အဖြေက “ဒါကြီးလား “ ဆိုတဲ့
သက်ပြင်းချသံ လက်ပန်းကျခြင်းတွေနဲ့
မျှော်လင့်ချက်မဲ့စွာ ပြန်ထွက်လာရမယ့် စိတ်….
ကိုယ်တွေ ဘဝလမ်းခရီးမှာလည်း
ကိုယ်တွေက တဖက်လူအတွက်
ကြိုးစား ပမ်းစား စိတ်ရောကိုယ်ပါ ပင်ပန်းပြီး
အေးအတူ ပူအမျှ ခံစားပေးခဲ့ပေမယ့်
“ငါက ထောင်ထဲက ထွက်လာလည်း
မသူဇာ နဲ့ ပဲ ဘဝကို ရှေ့ဆက်မှာ
ငါ့ဘဝမှာ တိမ်ပန်းချီ ဆိုတာ မရှိတော့ဘူး” ဆိုတဲ့
မျှော်လင့်ချက်တွေကို ရိုက်ချိုးတဲ့
စကားမျိုးကိုပဲ ပြန်ကြားရတဲ့အခါ
မျှော်လင့်ခဲ့ရသမျှတွေ ပင်ပန်းခဲ့ရသမျှတွေဟာ
အချည်းနှီးဖြစ်သွားခဲ့ရတယ်….🥹
တချို့အရာတွေက
ကိုယ်လက်နဲ့ ဖမ်းဆုပ်မိထားပြီဆိုတဲ့အတွေးနဲ့
ပျော်ရွှင်ရပေမယ့်
အမှန်တကယ် ရှိမနေတဲ့
ကိုယ်မသိလိုက်ပဲ ပျောက်ကွယ်သွားနေတဲ့
တိမ်စိုင်တွေလိုပါပဲ…😔
