01/03/2024
နီလာအကြောင်း သိကောင်းစရာ 💙
(၁) နီလာကျောက်(Sapphire)သည်...
ကံကောင်းစေသောကျောက်ဖြစ်၏
ချစ်ခြင်းတရားကို ခိုင်မြဲနိုင်စွမ်းရှိ၏
စိတ်မရှည်မှု၊စိတ်တိုမှုတို့ကို ကွယ်ပျောက်စေနိုင်၏။
(၂) နီလာသည် ပတ္တမြားနှင့် မျိုးရင်းတူ ကိုရမ်ဒမ် တွင်းထွက်ဖြစ်ပြီး ဓာတုဖွဲ့စည်းပုံအရ အလူမီနီယမ် အောက်ဆိုက်ဖြစ်သည်။ နီလာအား အပြာရောင်ကို ဖြစ်ပေါ်စေသော ဒြပ်စင်မှာ တိုက်တေနီယမ်နှင့် အိုင်ယွန်းအောက်ဆိုက် ဖြစ်သည်။ ပတ္တမြားကို အနီရောင် ဖြစ်ပေါ်စေသော ဒြပ်စင်မှာမူ ခရိုမီယမ်ဒြပ်စင်ဖြစ်သည်။
(၃) ပတ္တမြားသည် အနီရောင်အမျိုးမျိုးရှိပြီး အနီရောင်မှလွဲ၍ ကျန်အရောင်များ ရှိသော ကိုရမ်ဒမ်ကို နီလာဟု ခေါ်သည်။ နီလာတွင်ပါ၀င်သော သံဓာတ်အမျိုးအစားကို လိုက်ပြီး အရောင်မျိုးစုံ ဖြစ်ပေါ်လာသည်။ ထို့ကြောင့် နီလာသည် အရောင်စုံရှိသော ကျောက်ဖြစ်ပါသည်။ သို့သော် Sapphire ဟူသော စကားရပ်မှာ အပြာဟု အဓိပ္ပာယ်ရပြီး ဂရိဘာသာစကားမှ ဆင်းသက်လာသည်ဟုဆိုကြသည်။ မူရင်းမှာ သင်္ကရိုက်ဘာသာမှ ဆင်းသက်လာဟန်ရှိသည်ဟု ဆိုကြပြန်သေးသည်။
(၄) နီလာ၏ သိပ်သည်းဆသည် (၄)ဖြစ်ပြီး မိုးစကေးအရ မာဆင့် (၉)ဖြစ်သည်။ သက်ဆိုင်ရာ အခြားသော တွင်းထွက်များလိုပင် အောင်း၀င်များသည် ထွက်ရှိရာဒေသပေါ် မူတည်ပြီး မတူညီကြပေ။ မြန်မာနိုင်ငံတွင် နီလာများကို ကျောက်ပြာသာဒ်၊ ကျပ်ပြင်၊ ကသဲ၊ ဘားနတ်၊ လေသာ၊ ပန်ရှိုးမိုးမိတ်လွင်ပြင်၊ မိုးဟောက်ဒေသတို့တွင် တွေ့ရသည်။ နီလာသည် မြန်မာနိုင်ငံအပါအ၀င် သီရိလင်္ကာ၊ ကက်ရှမီးယား၊ သြစတြေးလျ၊ အမေရိကန်ပြည်ထောင်စုနှင့် ထိုင်းနိုင်ငံတို့ တွင်လည်း ထွက်ရှိပါသည်။
#နီလာ
to original owner
