13/11/2019
USB Stick အားအသုံးချနည်းများ
======================
ကွန်ပျူတာနဲ့့အလုပ်လုပ်နေရသူတော်တော်များများ USB Memory Stick ကို
မသုံးဖူးတဲ့သူ မရှိလောက်ဘူးထင်ပါတယ်။ တစ်ချို့User တွေကျတော့ USB Stickနဲ့
ဖိုင်တွေကူးဖို့၊သိမ်းဖို့၊ Windows တင်တာ စသည်ဖြင့် USB Memory Stick ရဲ့
အသုံးဝင်နည်းလမ်း အနည်းကျဉ်းလောက်ပဲ သိကြမှာပါ။ အဲ့ဒါကြောင့် မသိသေးတဲ့
သူတွေအတွက် USB Memory Stick လုပ်ဆောင်နိုင်တဲ့ အသုံးဝင်နည်းလမ်းတွေကို
ဖော်ပြပေးလိုက်ပါတယ်။ ဘာတွေလုပ်နိုင်တယ်လို့ပဲ ဖော်ပြပေးသွားမှာပါ။ တစ်ခုချင်းစီရဲ့
အသုံးပြုနည်းတွေကို သိချင်ရင်တော့ နောက်မှပြန်ရေးတင်ပါမယ်။
1. သင့်ကွန်ပျူတာကို USB Stick နဲ့အပိတ်၊အဖွင့်လုပ်နိုင်တယ်။
PREDATOR ဆော့ဝဲလ်တစ်ခုကို မိမိစက်မှာအရင် Install လုပ်ထားပြီး
သင့်ကွန်ပျူတာကို Lock ချတာ၊ ပြန်ဖွင့်တာတွေ လုပ်နိုင်တယ်။ တစ်စုံတစ်ယောက်က
မိမိကွန်ပျူတာ Password မသိပဲ ခန့်မှန်းပြီး လျှောက်ရိုက်ထည့်တဲ့ Password သို့မဟုတ်၊ Top-Secret Password တွေနဲ့ဖွင့်ဖို့ကြိုးစားလာရင် "ACCESS DENIED" ဆိုတဲ့
စာသားတက်လာပါလိမ့်မယ်။ မိမိကွန်ပျူတာကို အသုံးမပြုတဲ့အချိန်မှာ USB Stick ကို
ထုတ်ထားလိုက်ရင် စက်က အမဲရောင် Screen ဖြစ်သွားပြီး Lock ကျသွားမှာပါ။
ပြန်သုံးချင်တဲ့အချိန် Stick ကို ပြန်ထိုးလိုက်ရင် Password ရိုက်ထည့်စရာမလိုပဲ
နဂိုမိမိသုံးနေတဲ့နေရာ ပြန်ရောက်သွားမယ်။
2.Wireless Networks တွေကို အလွယ်တကူချိတ်ဆက်နိုင်တယ်။
Windows OS တွေမှာ မိမိလက်ရှိသုံးနေတဲ့ Wifi name,Password နဲ့တစ်ခြား
Information တွေကို USB Stick မှာ ကူးပြီး သိမ်းထားနိုင်တဲ့ Features တွေ
ပါဝင်ပါတယ်။ မိမိစက်ထဲက Wifi name, Password နဲ့Network နဲ့သက်ဆိုင်တဲ့
အချက်လက်တွေကို USB Stick ထဲ ထည့်သိမ်း။ ပြီးရင် တစ်ခြားစက်တစ်လုံးမှာ
ထိုးထည့်ပြီး Network ကို Password ထည့်စရာမလိုပဲ အလွယ်တကူချိတ်ဆက်နိုင်မယ်။
3.ReadyBoost လုပ်သုံးပြီး ကွန်ပျူတာကို မြန်ဆန်စွာအသုံးပြုနိုင်တယ်။
သင့်ကွန်ပျူတာမှာ Hard drive တွေလည်းအလုပ်လုပ်နှေးနေတယ်ဆိုရင်
ReadyBoost လုပ်ပြီး မြန်ဆန်စွာအသုံးပြုနိုင်ပါတယ်။ ReadyBoost လုပ်ထားခြင်းက
Harddrive ရဲ့ Cache အဖြစ် အလုပ်လုပ်နိုင်ပါတယ်။ Harddrive Cache ဆိုတာက
ဖိုင်တွေ တော်တေ်ာများများကို အကြိမ်နှုန်းများစွား အသုံးပြုနေတာလို့အလွယ်နည်း
မှတ်ထားလိုက်ပါ။ Cache တွေက Hard drive ထက် USB Stickကို
ပိုမိုမြန်ဆန်စွာ ဖတ်ရင် Windows OS ကလည်း USB Stick ပေါ်မှာရှိတဲ့
Cache တွေထံက Files တွေကို ပိုဖတ်နိုင်မယ်။ ဒါပေမယ့် SSD ဆိုရင်တော့
Cache က SSD ထက် နှေးကွေးတာကြောင့် ReadyBoost ကို သုံးလို့မရနိုင်ပါဘူး။
4.Portable Web Server ထည့်ထားနိုင်တယ်။ သင်က Website တွေ
ရေးသားနေတဲ့ Web Developer ဆိုရင်တော့ Server2Go ကို USB Stick မှာ
ထည့်ထားပြီး Portable Web Server အဖြစ် သုံးနိုင်ပါတယ်။ Server2Go ထဲမှာ
WAMPP Server Stack ပါဝင်တာကြောင့် Apache, MySQL, PHP, and
Perl တွေလည်း အသုံးပြုနိုင်ပါတယ်။ သွားလေရာနေရာတိုင်းကို Server စက်ကြီး
သယ်နေစရာမလိုပဲ Stick ကို တစ်ခြားကွန်ပျူတာထဲမှာ ထိုးထည့်ရုံနဲ့
မိမိ Web Server ကို အလွယ်တကူအသုံးပြုနိုင်ပါတယ်။
5. Apps,Games နဲ့အသုံးဝင် ဆော့ဝဲလ်တွေကို Portable အဖြစ်
Stick မှာ ထည့်ထားပြီးသုံးနိုင်တယ်။ မိမိစက်က ဆော့ဝဲလ်တွေ
ထည့်ထားတာများနေရင်၊ နောက်ထပ် Install လုပ်ဖို့စက်မနိုင်တော့ဘူးဆိုရင်
USB Stick မှာ Portable လုပ်ထားပြီး အသုံးပြုနိုင်ပါတယ်။ ဒီနည်းကို
အသုံးပြုနေကြသူတွေ များပါတယ်။
6. Operation System တစ်ခုအဖြစ် လုပ်ထားနိုင်တယ်။ မိမိ Stick မှာ
တစ်ခြား OS တင်ထားပြီး လက်ရှိသုံးနေတဲ့ OS နဲ့အလည့်ကျ အသုံးပြုလို့ရတယ်။
ဥပမာ-အခုသုံးနေတာ Windows OS ဆိုရင် USB Stick မှာ တစ်ခြား
OS Linux တစ်ခု တင်၊ BIOS မှာ USB Stick နဲ့Boot တက်ပြီး အသုံးပြုနိုင်ပါတယ်။
ကွန်ပျူတာတစ်လုံးတည်းမှာ Dual Boot လို Partition တစ်ခုစီမှာ OS တင်တာ
မဟုတ်ပဲ OS နှစ်ခုကို အလည့်ကျ အသုံးပြုနိုင်ပါတယ်။
7. နောက်ထပ် အသုံးဝင်နည်းလမ်းတွေ များစွာရှိပါသေးတယ်။
Third-Party Software တွေနဲ့ပေါင်းပြီး အသုံးပြုလို့ရတဲ့နည်းတွေလည်း
ရှိပါသေးတယ်။ USB Stick လေး ထိုးလိုက်တာနဲ့ကွန်ပျူတာတစ်ခုလုံး
ဘာမှ လုပ်မရဖြစ်သွားအောင် လုပ်တဲ့နည်းတွေလည်းရှိပါတယ်။
မကောင်းမှုတွေကို အားမပေးတာရယ်၊ဖော်ပြလိုက်ရင် အန္တရာယ်ရှိနိုင်တာရယ်၊
စာရှည်ရင် ဘယ်သူမှ မဖတ်ကြတော့တာရယ်ကြောင့် မရေးတော့ပါဘူး။
အပေါ်မှာ ဖော်ပြခဲ့တဲ့နည်းလမ်းတွေထဲက လိုအပ်တဲ့ နည်းလမ်းတွေကိုသာ
ဖော်ပြပေးလိုက်ပါတယ်။
NetComplus
Book,Literature and General Knowledge Page
