28/02/2024
Vintage clothing ဆိုတာဘာလဲ?
ဒီနေ့တော့ ကျနော်သိသလောက် vintage clothing အကြောင်းလေးပြောပြချင်ပါတယ်
vintage clothing ဆိုတာ မြန်မာမှာတော့ သိပ်ပြီး စိမ်းတဲ့ အရာတခုမဟုတ်ပါဘူး အင်တာနက် အွန်လိုင်းတွေ ခေတ်မစားခင်ကတည်းက vintage clothing ဆိုတာ flea market လို့ခေါ်တဲ့ ပျံကျဈေးတွေမှာ တွေ့ဖူးကြမှာပါ
ဒီက vintage clothing တွေကို ဂျပန် အမေရိကန် အစရှိသဖြင့် တင်သွင်းကာပြန်ရောင်းကြပါတယ်
တခြား ကနေဒါ, ဒိန်းမတ် နဲ့ ဆွီဇလန် နိုင်ငံတွေကလည်း တင်ပို့တာတွေရှိပါတယ်
နိုင်ငံတကာမှာ vintage clothing ကို စီးပွားရေးအဖြစ် လုပ်ကိုင်နေကြပေမဲ့ ဖလစ်ပိုင်နိုင်ငံ နဲ့ အိန္ဒိယ နိုင်ငံတွေကတော့ vintage clothing လို့ခေါ်တဲ့ Second hand used clothing တင်သွင်းခြင်းကို တရားမဝင်ဘူးလို့ သတ်မှတ်ထားပါတယ်
ဒါဆို vintage clothing ဆိုတာဘာလဲ ဘယ်ကစလာလဲပေါ့
ကမ္ဘာမှာ စခဲ့တာက တော့ ပထမကမ္ဘာစစ် (၁၉၁၄-၁၉၂၀) အတွင်းမှာပါ
အဝတ်အထည်ထုတ်လုပ်မူ မလုံလောက်မူတွေကနေစပြီး vintage clothing ရောင်းဝယ်မူတွေစတင်လာခဲ့ပါတယ်လို့ဆိုပါတယ်
၁၉၆၀ ဝန်းကျင်မှာတော့ vintage clothing ဟာ ဖက်ရှင်တစ်ခုအနေနဲ့ လူကြိုက်များလာခဲ့ပါတယ်
နာမည်ကြီး မော်ဒယ်တွေ celebrities တွေဝတ်ခဲ့ဖူးတဲ့ ဒီဇိုင်းများ vintage clothing မှာပါလာတတ်တာကြောင့်ကော ဈေးသက်သာတာကြောင့်ကော
ခေတ်ဟောင်း ဖက်ရှင်ကိုမှ ကြိုက်တဲ့သူတွေများလာတာကြောင့်ကော
ထပ်တလဲလဲ အဖန်တရာတေနေတဲ့ ဒီဇိုင်းအသစ်တွေကို ပျင်းလာတဲ့သူတွေကြောင့်ကော vintage clothing ဟာဈေးကွက် နေရာတစ်ခု ရလာခဲ့ပါတယ်
အွန်လိုင်း thrift shop company တခုဖြစ်တဲ့ Thredup.com ကတော့ vintage clothing ဈေးကွက်ဟာ ၂၀၁၈ မှာ အမေရိကန်ဒေါ်လာ ၂၄ဘီလီလျံ တန်ဖိုးရှိပြီး ၂၀၂၃ ခုနှစ် ၂ဆမကတိုးချဲ့လာနိုင်တယ်လို့ဆိုပါတယ်
စိတ်ဝင်စားရင် www.thredup.com မှာဝင်လေ့လာနိုင်ပါတယ် အဲ့မှာက ကိုယ်တိုင် ဝယ်ရောင်းလုပ်နိုင်ပါတယ် vintage clothing ရဲ့ Ebay လို့တောင် ဆိုလို့ရပါတယ်
vintage clothing market ဟာ ကိုယ်တိုင် ဝတ်ဖို့ ဆိုတဲ့ လူတွေအပြင် ဒီဇိုင်း အိုင်ဒီယာ လိုချင်တဲ့ ဒီဇိုင်နာတွေ အမြဲတန်း ဆန်းသစ်မူအသစ်တခုလိုချင်နေတဲ့ နာမည်ကြီး မင်းသား မင်းသမီးတွေနဲ့ collector လို့ခေါ်တဲ့ စုဆောင်းတာကို ဝါသနာပါသူအတွက် ဧရာမ ရွှေတွင်း ကြီးပါပဲ
(အရင် ၂၀၀၀ ဝန်းကျင်ကာလတွေတုန်းက vintage clothing ဆိုင်တွေမှာ အသစ်ရောက်တိုင်း ချန်ထားခိုင်းတဲ့ နာမည်ကြီး မင်းသားကြီးတွေရှိပါတယ် အခုခေတ်တော့ မသိဘူးဗျာ ကျနော်လည်း အဲ့အသိုင်းအဝိုင်းနဲ့က ဝေးတယ်ဗျ)
၂၀၁၈ အမေရိကန်နိုင်ငံ နယူးယောက်မြို့ မှာတော့ Yeezy ရဲ့ ဒီဇိုင်နာတစ်ယောက်ဖြစ်တဲ့ Greh Ross က Kanye west ပြောလို့ vintage clothing ပတ်ရှာနေပါတယ်
ဘာလုပ်ဖို့ထင်သလဲဗျ အပေါ်မှာကျနော်ပြောသလိုပဲ ဒီဇိုင်းအသစ်လုပ်ချင်လို့ retro fashion တွေထဲက ပြန်ရှာနေတာပါ
ဒီမှာတော့ ပြောစရာတစ်ခုရှိပါတယ် သူတို့ဆီမှာက ဒီ vintage clothing ဆိုတာ သေချာရှာတတ်ရင် ရွှေမှန်းသိနေကြတော့ ဆိုင်တွေကလည်း လုံးဝဆန်းပေ့ ကောင်းပေ့ဆိုတာတွေအတွက် ဈေးတွေလည်း မသေးပေဘူးဗျ
Greg ross ရဲ့ပြောစကားအရ ဆိုရင် vintage T shirt တစ်ခုဟာ ပုံပျက်နေတာ အရောင်လွင့်နေတာက အရေးမကြီးဘူးဆိုပဲ သူလိုချင်တာက ဘယ်လိုအသားနဲ့ချုပ်ထားတယ်
cutting ဘယ်လိုချထားတယ် စတေကာတွေ pattern ဒီဇိုင်းက ဘယ်လိုဆိုတာပဲ အရေးကြီးတာလို့ဆိုပါတယ်
(ပြီးရင်တော့ ဒီဇိုင်နာတစ်ယောက်အနေနဲ့ တစစီဖြုတ် ပြီး လိုချင်တာလေး သိမ်းထားမျိုးလည်းရှိပါတယ်)
အားလုံးခြုံပြောရရင်တော့ vintage clothing ဈေးကွက်ဟာ ကျနော်တို့ ထင်တာထပ် ပိုပါတယ် တကယ်လို့များ ပစ်စည်းကောင်းတစ်ခုကို ပစ်စည်းကောင်းမှန်းသေချာကြည့်တတ် မြင်တတ်မယ်ဆိုရင်တော့ vintage clothing တွေရှာဖွေ စုဆောင်းတာဟာ ရွှေစုသလိုပါပဲ (ရွှေဈေးတွေကလည်း တက်နေတော့ ရွှေမဝယ်ပဲ vintage clothing တွေပဲ ဝယ်စုကြပါ လို့ပြောချင်ပါတယ် 😀 )
အားလုံးပဲ အဆင်ပြေကြပါစေ
နောက်နေ့ ရေးစေချင်တဲ့ အကြောင်းအရာတွေ ရှိခဲ့ရင်လည်း comment မှာပြောသွားနိုင်ပါတယ်🥰
