21/05/2024
ရခိုင်မုန့်တီသုပ် စပ်စပ်လေးလုပ်စားကြရအောင် 😍
ရခိုင်မုန့်တီသုပ်အတွက် မရှိမဖြစ်လိုအပ်တဲ့ ငရုပ်သီးစိမ်း အနှစ်ချက်နည်း
-----------------------------------------------------
ငရုပ်သီးစိမ်းကို ရေနွေးဖြင့်ပြုတ်ပြီး ရလာသော ငရုပ်သီးစိမ်းကို ထောင်း ပါ သို့မဟုတ် blender ဖြင့် ကြိတ်လိုက်ပါ။
ရလာသော ငရုပ်သီးအနှစ် ၊ ငပိ ၊ ငါးအသားနွှင် ၃ ပုံ ၁ ပုံ ၊ ဆားလိုသလောက် ခန့်မှန်းထည့်ကာ ကြိုချက်ပေးပါ။
ဆူပွက်လာချိန်မှာ အပေါ့အငန်းမြည်းပြီးရင် ငါးရွှေအဖတ်ကလေးများဖြင့် ငရုပ်သီးအနှစ်ချက်ရပါပြီ။
တချို့တွေကတော့ ငရုပ်သီးအနှစ်ချက်မှာ ဟင်းချိုမှုန့်ခတ်တတ်ကြပါတယ်။
နောက်ထပ် ပြင်ဆင်ထားရန်များ
-------------------------------------
ဆီချက်သတ်ပေးပါ။
မကျည်းသီးအနှစ်ရည် ဖျော်ထားပါ။
နံနံပင် လှီးထားပေးပါ။
ကြက်သွန်ဖြူနဲ့ ငရုပ်ကောင်းစေ့ အနည်းငယ် ရောထောင်းထားပေးပါ။
ကြက်သွန်စိမ်း ပါးပါးလှီးထားပေးပါ။ ( ကြိုက်သူများ အတွက်သာ)
သံပုရာသီး အစိပ်လေးတွေ လှီးထားပေးပါ။
ငရုပ်သီးအကျက်မှုန့် အနည်းငယ် ပြင်ဆင်ထားပါ။
ကိုယ်ကြိုက်ရာ ပဲကြော် ငါးဆုပ်ကြော် ၀ကျဆီဖတျ တမျိုးမျိုး ပြင်ဆင်
ထားပါ။
အထက်က လုပ်နည်းတွေအတိုင်း လုပ်ထားပြီးပြီ ဆိုလျှင်တော့ ရခိုင်မုန့်တီ အရည် ၊ အသုပ်အစုံ စားလို့ ရပါပြီရှင်။
ရခိုင်မုန့်တီသုပ်နည်း
-----------------------
ကိုယ်စားနိုင်မယ် ထင်သလောက် မုန့်ဖတ်ကို သုပ်မယ့် ခွက်ထဲထည့်ပါ။
ချက်ထားတဲ့ငရုပ်သီးအနှစ်ကို မိမိအစပ်ကြိုက်တဲ့အပေါ်မူတည်ပြီးထည့်ပါ။
မကျည်းသီးအနှစ်ဖျော်ရည် နည်းနည်းထည့်ပေးပါ။
ဆားလိုသလောက် ထည့်ပေးပါ။
ဆီချက်ကို ကြိုက်သူတွေလည်း ထည့်စားတတ်ကြပြီး မထည့်ပဲ စားတတ်တဲ့ သူတွေလည်း ရှိပါတယ်။
ရခိုင်မုန့်တီသုပ်မှာ ငရုပ်သီးအနှစ်ချက်က အဓိက ကျပါတယ်။
ကျမကတော့ မုန့်တီသုပ်ဆိုရင် မကျည်းနှစ်ဖျော်ရည်ဖြင့် သုပ်စားရတာ ကြိုက်ပြီး တစ်ချို့တွေကြပြလည်းသံပုရာသီး အနည်းငယ်ညှစ်ထည့်ကာ ကြက်သွန်စိမ်းပါးပါးလေး လှီးထည့်ကာ စားကြပြန်ပါတယ်။
ကိုယ်ကြိုက်နှစ်သက်ရာ အကြော်တစ်မျိုးကို ညှပ်ထည့်က ရောသုပ်လိုက်ပါ။
သုပ်ပြီးပြီးဆိုရင်တော့ အပေါ်ကနေ နံနံပင်ညှပ်ထားတာလည်းကို ထည့်လိုက်ပါ။
ဒါဆိုရင်တော့ ကျမတို့အကြိုက် ရခိုင်မုန့်တီသုပ်တစ်ခွက် ရရှိလာမှာ ဖြစ်ပါတယ်ရှင်။
ထိုင်းမုန့်တီထောင်း ပြုလုပ်နည်း
(1) ငရုတ်သီးအနီတောင့်ကိုနွမ်းရုံသာပြုတ်ပေးပါ။ ( မပြုတ်ရင် ဗိုက်နာမှာစိုးလို့ )
(2) ပြုတ်ထားသောငရုတ်အနီတာင့် မြေပဲအနည်းငယ်နှင့်ထန်းလျက်အားကျေညက်အောင်ထောင်းထားပါ။
(3) ခရမ်းချဉ်သီးနှင့်သံပုရာသီး လှီးထားပေးပါ
(4) မုန့်တီဖတ်ပေါ်သို့ အပေါ်မှထောင်းထားသောအရာများထည့်ပါ။ လှီးထားသောခရမ်းချဉ်သီးလည်းထည့်ပါ။
(5) ထိုင်းငပိရည် အချိုမှုန့် ( သို့ ) ပုဇွန်ခြောက်မှုန့် ငံပြာရည်အနည်းငယ် သံပုရာသီးညှစ်ပေးပြီး နယ်ပေးပါ။ ( ထောင်းသည့် ငရုတ်ဆုံရှိပါက အသာလေးလိမ့်ထောင်းနိုင်ပါသည် ) ထို့နောက် အရသာ အစပ်အငန်အားမြည်းကြည့်ပြီး လိုအပ်သလို ပြင်ဆင်ပြီး စားနိုင်ပါပြီနော် ။ seafoodတို့ သင်္ဘောသီးတို့နဲ့လည်း တွဲစားလို့ရပါတယ်။ ထိုင်းငပိရည်ဝယ်မရရင် အရည်ရွဲရွဲလေးဖြစ်အောင် ထိုင်းငပိရည်အစား ရေနွေးအနည်းငယ် ထည့်ပြီးအစားထိုးပါ။
ယိုးဒယားအပ်မှိုထောင်း
---------------
အပ်မှိုကိုပျော့ပြဲပြဲမကြိုက်တဲ့အတွက် ရေကိုအရင်ပွက်ပွက်ဆူအောင်တည်ပြီးမှ အပ်မှိုအရင်းမာမာတွေကိုစင်အောင်လှီးထုတ်နဲနဲချင်းစီဖွပြီး ဇကာထဲထည့် ရေပွက်ပွက်ထဲကို နှစ်လိုက်ဖော်လိုက် 3 ခါလောက်လုပ်ရေအေးအေးလေးဆေးချလိုက်ပြီးရေစစ်ထားလိုက်တယ်...
ငရုတ်သီးစိမ်းကြက်သွန်ဖြူထောင်းမညက်တစ်ညက်ဆို ထန်းညက်ပျော့(သို့)သကြားထည့် ခရမ်းချဉ်သီး ခရမ်းကျွတ်သီးထည့်ထောင်း ငံပြာရည်နဲနဲ ရသာမူန့်ပါရုံ သံပုရာရည်ညှစ် ယိုးဒယားငပိရည်ခပ်များများထည့် ကုလားနံနံ ကြက်သွန်မြိတ် နံနံပင်တို့ထည့်ထောင်း ပြီးရင်အပ်မှိုထည့်ဇွန်းနဲ့နှံ့အောင်မွှေလိုက်ရပါပြီရှင်
ယိုးဒယားပလာထိုမုန့်တီသုပ်
---------------
ပလာထူငါးပေါင်းကိုကြော်ပါ(မပေါင်းပဲကြော်လည်းရ) အသားနွှင်ထားမယ် ယိုးဒယားဝက်သားချောင်း(မူယော)လှီးထားပါ မုန့်တီကိုအဆင်သင့်ရွရွလေးဖွထားပါ ငရုတ်သီးစိမ်းလှီးထား ပဲသီးလှီးထား ကုလားနံနံ ကြက်သွန်မြိတ် နံနံပင်တို့ကိုရစ်ရစ်လေးလှီးထားပါ
ဆော့စပ်ပါမယ် ဆော့အတွက် ဇလုံထဲကို ငရုတ်လှော်မူန့် သံပုရာရည် ဆန်လှော်မူန့် ငံပြာရည် သကြား(သို့)ထန်းညက်ပျော့ရသာမူန့်ပါရုံထည့်ပြီးနှံ့အောင်မွှေပါ ပြီးရင် မုန့်တီ ပဲသီး ငရုတ်သီးစိမ်း ဝက်သားချောင်း နံနံပင်ကုလားနံနံကြက်သွန်မြိတ်တို့ထည့်ပြီး သမအောင်မွှေလိုက်ရင်ရပါပြီရှင်
ယိုးဒယားကင်းမွန်ထောင်း
---------------
ကင်းမွန်မျက်လုံးကိုဓါးလေးနဲ့အရာပေးပြီးထုတ် အထဲကမှင်တံလေးကိုဖယ် အရေခွံခွာဆွဲ သေချာသန့်စင်အောင်ဆေး ရေကိုရှောက်နူရွက် ပတဲကော စပါးလင်ထည့် ပွက်ပွက်ဆူအောင်အရင်တည် ဆူရင်ကင်းမွန်ထည့် အသားတင်းပြီးကျက်ရင်ဆယ် ရေအေးဆေးချ လိုသလိုလှီးထားပါ
ငရုတ်သီးစိမ်းကြက်သွန်ဖြူထောင်းပါ မညက်တစ်ညက်ဆို ယိုးဒယား ထန်းညက်ပျော့ထည့်ပါ ကျေရင် ငံပြာရည်နဲနဲ ဟင်းခပ်မူန့်ပါရုံထည့် ခရမ်းချဉ်သီးလှီးထည့် ကြက်သွန်မြိတ်နံနံပင် ကုလားနံနံ သံပုရာရည်ညှစ် ယိုးဒယားငပိရည်ခပ်များများထည့်မွှေထောင်းပါ ကင်းမွန်ထည့်နာနာလေးမွှေထောင်းမယ် ရပါပြီနော် မုန့်တီဖတ် ကြိုက်ရာအသီးရွက်နဲ့တွဲစားပါရှင်
ယိုးဒယားပလာထိုမုန့်တီသုပ်
ပလာထူငါးပေါင်းကိုကြော်ပါ(မပေါင်းပဲကြော်လည်းရ) အသားနွှင်ထားမယ် ယိုးဒယားဝက်သားချောင်း(မူယော)လှီးထားပါ မုန့်တီကိုအဆင်သင့်ရွရွလေးဖွထားပါ ငရုတ်သီးစိမ်းလှီးထား ပဲသီးလှီးထား ကုလားနံနံ ကြက်သွန်မြိတ် နံနံပင်တို့ကိုရစ်ရစ်လေးလှီးထားပါ
ဆော့စပ်ပါမယ် ဆော့အတွက် ဇလုံထဲကို ငရုတ်လှော်မူန့် သံပုရာရည်
ဆန်လှော်မူန့် ငံပြာရည် သကြား(သို့)ထန်းညက်ပျော့ရသာမူန့်ပါရုံထည့်ပြီးနှံ့အောင်မွှေပါ ပြီးရင် မုန့်တီ ပဲသီး ငရုတ်သီးစိမ်း ဝက်သားချောင်း နံနံပင်ကုလားနံနံကြက်သွန်မြိတ်တို့ထည့်ပြီး သမအောင်မွှေလိုက်ရင်ရပါပြီရှင်
#ဟင်းချက်နည်းများ
