24/07/2023
ဒီနေ့ ရေးပေးချင်တာကတော့ နာနာတ်သီးရဲ့ ကောင်းကျိုးတွေပါပဲ ..
ဆေးဆိုင်တွေမှာ Vitamin C တို့ Cevit တို့ကို တန်းစီပြီး သွားဝယ်နေမယ့်အစား Vitamin C အရမ်းကြွယ်ဝတဲ့ နာနာတ်သီးကိုပဲ ဈေးချိုချိုလေးနဲ့ ပေါပေါများများ ဝယ်စားလိုက်ကြစို့နော် ..
အရိုးရှင်းဆုံးအရာတွေဟာ တခါတလေမှာ အကောင်းဆုံးအရာတွေဖြစ်နေတတ်ပါတယ် ..
🍍ဒီအချိန်ဈေးထဲမှာ နာနာတ်သီးတွေအရမ်းပေါပါတယ် ..
🍍ရန်ကုန်မှာတော့ တချို့နေရာတွေမှာ ၁လုံး ၅၀၀ကျပ်ပါ .. တချို့နေရာမှာတော့ ၃လုံး ၁၀၀၀ကျပ်နဲ့တောင် ရပါတယ် .. ချိုမှချိုပါ .. ဒီအတိုင်းခွဲစားလည်းရသလို ဖျော်ရည်လုပ်သောက်လည်းရပါတယ် ..
🍍နာနာတ်သီးမှာ ကိုယ်ခန္ဓာအတွက် မရှိမဖြစ်လိုအပ်သော သတ္တုဓာတ်များဖြစ်ကြတဲ့ ဗီတာမင် A, B6, C, E, K တို့အပြင် ကယ်လ်စီယမ်၊ ဖော့စဖရပ်စ်၊ ပိုတက်စီယမ်၊ မဂ္ဂနီးစ်၊ ဇင့်နှင့် သံဓာတ်များ ကြွယ်ဝစွာပါဝင်ပါတယ် ..
🍍နာနာတ်သီးဟာ အမျိုးသမီးတွေအတွက် ပိုပြီးအကျိုးများပါတယ် ..
နာနာတ်သီးစားခြင်းဖြင့် ရရှိနိုင်သောအကျိုးကျေးဇူးများ
======================
၁) ဗီတာမင် C ကြွယ်ဝစွာပါဝင်တဲ့အတွက်ကြောင့် ကိုယ်ခံအားကို မြင့်တက်စေပါတယ်။
၂) ဗီတာမင် A, ဗီတာမင် K, ဖော့စဖရပ်စ်, ကယ်လ်စီယမ်နဲ့ ဇင့် ပါဝင်တဲ့အတွက်ကြောင့် ရောဂါအမျိုးမျိုးကို အံ့သြဖွယ်ကောင်းလောက်အောင် ခုခံတွန်းလှန်ပေးနိုင်ပါတယ်။
၃) မဂ္ဂနီးစ်ပါဝင်တဲ့အတွက်ကြောင့် ဇီဝကမ္မဖြစ်စဥ်တွေကို ပိုမိုကျန်းမာစေပါတယ်။ အရိုးတွေကိုလည်း ပိုမိုသန်မာစေပါတယ်။ သွားများကိုလည်း သန်မာစေပါတယ်။
၄) Bromelain (အင်ဇိုင်းတစ်မျိုး) ပါဝင်တဲ့အတွက်ကြောင့် အစာချေစနစ်ကိုလည်း အထောက်အပံ့ပေးပါတယ်။ မအီမသာဖြစ်ပြီး ပျို့အန်ချင်တာကိုလည်း သက်သာစေပါတယ်။ ဘက်တီးရီးယားတွေကို သေစေနိုင်ပြီး ရောဂါပိုးကူးစက်မှုကိုလည်း တိုက်ထုတ်နိုင်ပါတယ်။ အအေးမိခြင်းနဲ့ ချောင်းဆိုးခြင်းကိုလည်း သက်သာစေပါတယ်။ အအေးမိပြီး ကိုယ်လက်ကိုက်ခဲခြင်းနဲ့ အဆစ်အမြစ်တွေရောင်ရမ်းပြီးနာခြင်းကိုလည်း သက်သာစေပါတယ်။ နေ့စဥ်ပုံမှန်စားသုံးခြင်းဖြင့် အအေးမိ၍ချောင်းဆိုးခြင်းကို ကာကွယ်ပေးပါတယ်။
၅) အင်တီအောက်ဆီဒင့်များစွာပါဝင်တဲ့အတွက်ကြောင့် နှလုံးရောဂါ၊ ဆီးချိုရောဂါနဲ့ ကင်ဆာကဲ့သို့သော နာတာရှည်ရောဂါများ ဖြစ်ပွားမှုနှုန်းကိုလည်း လျှော့ချပေးနိုင်ပါတယ်။ အင်တီအောက်ဆီဒင့်ဟာ စိတ်ဖိစီးမှုကိုလည်း လျော့ကျစေပါတယ်။ ဆံပင်ကျွတ်ခြင်းကို သက်သာစေပြီး ဆံကေသာကိုလည်း သန်စွမ်းစေပါတယ်။ နောက်ဆုံးအချက်ကတော့ အရွယ်တင်နုပျိုစေပါတယ်။
Credit
#မမွန်သဘာဝအဆီကျလက်ဖက်ခြောက်
#ဝိတ်ကျအဆီကျလှပစေဖို့