19/05/2023
🌱ယနေ့အတွက် စာဖတ်ညွှန်း🌱
မရှိမဖြစ်မိုး - ဂျူး
ဂျူးရဲ့စာအုပ်တွေကို ဖတ်လေ့ရှိတဲ့လူတိုင်းသိကြမှာပါ
ဂျူးရဲ့စာအုပ်တွေထဲက အမျိုးသမီးဇာတ်ကောင်အများစုက တော်ရုံယောက်ျားတွေကို အထင်မကြီးတတ်ပါဘူး
အဲ့ဒီလို ဇာတ်ကောင်တွေထဲမှာမှ ဒီစာအုပ်ထဲမှာပါတဲ့ မခင်မိုးမြင့်ဆိုတဲ့ ဇာတ်ကောင်က ပိုဆိုးတယ်လို့ ကျွန်တော်မြင်ပါတယ်
ဒီစာအုပ်ကိုဖတ်နေရင်းနဲ့ မခင်မိုးမြင်ရဲ့အချစ်ကို ရဖို့ကြိုးစားနေတဲ့ ဦးမင်းထင်ကို ကျွန်တော့်မှာ သနားလည်းသနား၊ သူ့အစားခံပြင်းမှုတွေလည်း ဖြစ်ခဲ့ရပါတယ်
ဦးမင်းထင်ခင်ဗျာမှာ မခင်မိုးမြင့်ရဲ့ အချစ်ကိုရဖို့မပြောနဲ့ သူ့ရဲ့ကြိုးစားမှုတွေကို အသိအမှတ်မပြုတဲ့အပြင် စကားလုံးကြမ်းတွေနဲ့ တုန့်ပြန်ခံရတဲ့အခါ သူ့မှာ ဒီမိန်းမအပေါ် နာကျင်ခံပြင်းမှုတွေဖြစ်ခဲ့ပေမယ့် ဒီမိန်းမကို မေ့ပစ်လိုက်ဖို့ဆိုတာကလည်း သူမှာမတတ်နိုင်ခဲ့ပါဘူး
ပြီးတော့မခင်မိုးမြင့်ဆိုတဲ့ အမျိုးသမီးဟာလည်း သူမကျင်လည်နေတဲ့ပတ်၀န်းကျင်၊ သူမလုပ်နေတဲ့အလုပ်၊ ဘယ်နေမှာပဲဖြစ်ဖြစ် သူမဟာ အမြဲတမ်း အဆင်ရှယ်ဖြစ်နေရမယ်ဆိုတဲ့ ခံယူထားတဲ့အမျိုးသမီးတယောက်ပါ
ဒီစာအုပ်လေးဟာ ကိုယ်ချစ်တဲ့အမျိုးသမီးရဲ့ မသိကျေးကျွန်ပြုမှုတွေ ခေါင်းငုံ့ခံပြီး သူမရဲ့အချစ်ကို ရလာအောင်ကြိုးစားနေတဲ့ ဦးမင်းထင်နဲ့ ဘယ်ယောက်ျားကိုမှအထင်မကြီး ရောက်ရာအရပ်မှာ ကိုယ်ဟာ သူများထက်သာနေရမယ်ဆိုတဲ့ ခံယူချက်မျိုးရှိတဲ့ မခင်မျိုးမြင့်။
နောက်ဆုံးဦးမင်းထင်ကပဲ လက်လျှော့သွားမလား ဒါမှမဟုတ် မခင်မိုးမြင့်ကပဲ ဦးမင်းထင်ရဲ့ ကြိုးစားမှုတွေကိုအသိမှတ်ပြုလာနိုင်မလားဆိုတာ စာဖတ်သူတို့ကို သိချင်စိတ်ပြင်းပြစွာနဲ့ ဇာတ်သိမ်းရောက်သည်ထိ လက်ကမချချင်အောင် ဆွဲဆောင်နိုင်မယ့် စာအုပ်တစ်အုပ်ဖြစ်မှာပါ
Ref: လူငယ်တွေစာအုပ်အကြောင်းပြောကြတဲ့အခါ
