09/04/2026
👉 Fanendrena sefo fokontany : Tsy mbola fotoanan’ny fifidianana aloha
👉 Nandritra ny fihaonan’ny Filohan’ny Fanavaozana ny Repoblikan’i Madagasikara, Michaël RANDRIANIRINA, tamin’ny vahoakan’i Fianarantsoa ny 05 aprily 2026 tao amin’ny tranom-pokonolona, dia nambarany fa tsy mbola fotoanan’ny hirosoana amin’ny fifidianana sefo fokontany aloha izao.
👉 Araka ny fanazavany, tsy tokony horaisina an-kamehana ny fanapahan-kevitra momba izany raha tsy mbola voalamina sy voafaritra mazava ny rafitra fototra eny ifotony. Ny Fikaonan-doham-pirenena na « concertation nationale » no sehatra ara-dalàna sy ara-politika ahafahana mamaritra raha hofidiana na hotendrena ny sefo fokontany, mifanaraka amin’ny fanavaozana ny rafitra.
👉 Misy ny resabe vohizina mantsy fa mety ho fisalasalana amin’ny fanovana no antony tsy hirosoana amin’io fifidianana io. Fa aoka kosa hazava fa ny tanjona dia ny fananganana rafitra matanjaka sy maharitra, fa handray décision maika² mety hiteraka olana any aoriana.
👉 Antony lehibe iray ihany koa ny zava-misy eny ifotony : Maro amin’ireo fokontany no tsy mbola manana sefo amin’izao fotoana izao. Tsy azo ajanona anefa ny raharaham-panjakana sy ny asa fampandrosoana eny ifotony. Noho izany, dia ilaina aloha ny fanendrena vonjimaika ataon’ny lehiben’ny distrika, mandra-pahatongan’ny rafitra vaovao mazava.
👉 Farany, mbola manan-kery hatrany ny lalàna misy amin’izao fotoana izao. Ny Didim-panjakana laharana faha-97-1257 tamin’ny 30 Oktobra 1997 no mamaritra fa rafitra fototra ara-panjakana ny fokontany, ary ny lehiben’ny distrika no manendry ny sefo fokontany, mandra-pisian’ny fanapahan-kevitra vaovao.
